لــســة اجــمــل يــوم مجــاش ▬♫ ♫

الحلقه 25

وسام:(ابتسم وراح داس عالاسانسير وفتح)اّذآ تسمحيلى بركوب المراجيح معكى سيدتى مى: ههههههههههههههههه تفضل ياعزيزى يااهلا بك نزلو وركبو عربية وسام .. وسام: عايزانا نروح فين مى: اطلع بس ... وبعدين اقولك طلعو بالعربية ..العربية كانت ساكته فشغلت الmb3بتاع العربية عشان يفرفشو . مى: ايه ياعم الاغانى دى .. فيروز ، عبدالرحمن محمد ، (بتقلب بالريموت) ايه ياعم ده وسام: ده ذوقى عاجبك ولالاء (بيضحك) مى: لا مش عاجبنى .. استنى كده (جت اغنية اليسا ارجع للشوق) ايوة بقى ! كده اشطاااااات وسام: انما ايه الحلاوة دى .. وفاردة شعرك زى البنات العاديين يعنى مش ام سيد بتاعت العيش مى: (ضربته ع كتفه) ام سيد مين يا بتاع انت .. ده ستايلش يا حمار وسام: حمار!! هقلبك من العربية والله مى: ههههههههههه لا خلاص خلاص هحاول امسك نفسى وسام: مقولتيش نطلع ع فين ؟ مى: ع كورنيش وسام: كورنيش ..!! مى: ايوة .. سوق سوق انت بس وسام: طيب ياختى انما نشوف اخرتها طلعو ع كورنيش قصر النيل وقالتلو يقف عند فاترينا واحد شاب كده بيعمل اكل وفطير محشى فالشارع .. مى: بس بس هنا وسام: هنا فين ؟ مى: استنى بس .. (طلعت من العربيه ) زكرياااااااااااااا ازيك ياجميل، بقولك ظبطلينا فطير بقى ع ذوق ذوقك (بتبص لوسام) انت مش جعان ؟ وسام: (مستغرب لجنانها) ها.؟ مى: (هزت راسها يعنى مش مهم) اوك فطير بقى من الى قلبك يحبه عشان واقعيييييين وسام:(شدها من شباك العربيه) تعالى هنا هناكل فالشارع ؟ مى: ع فكرة بقى ده نضيف جدآآآ واكله تحفه وهتشوف جهز الفطير ودخلت العربيه وقعدو يكلو .. مى: زكريا ده بقى يبقى ابن واحد كان بيشتغل فالكافتيريا فالجامعة عندنا كان بيساعد باباه وبعدين عمل الفاترينا دى لان مش معاه يفتح ريستوران كبير المشروع نجح وبجيله من اخر الدنيا عشان اكلأ عنده ، بذمتك الاكل مش حلو وسام: (بياكل ومبسوط) جدآآآآآآآ مى: انا قولتلك انى هعييشك يوم مى صح ، اراهنك انك عمرك م كلت فالشارع قبل كده وسام: بصراحة اه مى: انت انهاردة هتعمل كل حاجة كنت مكتف نفسك فيها .. اوك وسام:(باصصلها وهو بياكل وف شبح ابتسامة ع وشه) بس انا . مى: بقولك ايه انا مش هستناك تفكر .. انهاردة يوم ميوشى جااااااااااامد وسام: ههههههه يعنى ايه يوم ميوشى ؟ مى: يعنى تعيش يوم وكانك مى وتشوف حياتى احلى ولا حياتك القفيله الفصيله وسام: انا حياتى قفيله وفصيله !! طب كلى وانتى ساكته بدل م اناولك مى ضحكت وهى بتاكل وشرقت راح جابلها مية وشربت وبصتله وهى مبتسمة اوى فالوقت ده .. كانت مامته وباباه بيشوفو هيرودو عالناس ازاى ولا هيقولو ايه ؟ كل فترة وسام من ساعة م فسخ يعمل فيهم الحركة المحرجة دى ويتصلو يعتذرو للناس الى متقدمين لبنتهم .. مامت وسام بتناول باباه الفون وبيتصل ببابا آية.. باباوسام: الو السلام عليكم بابا آية: عليكم السلام ورحمة الله وبركاته .. ازيك يا استاذ عاصم باباوسام: الحمدلله .. ازيك انت والاولاد عاملين ايه بابا آية: الحمدلله بيسلمو عليك .. ايه اخبار وسام عامل ايه ؟ باباوسام بص ناحية مراتة كأنه مكسوف كده ورجع رد: بخير الحمدلله .. وآية عاملة ايه ؟ بابا آية: والله آية كويسة بابا وسام: طيب يارب دايمآ كويسة كده .. بقولك يابو آية انا كنت عايز ارد عليك فالموضوع بتاع الاولاد عشان مطولش عليك بس بابا آية: اتفضل يابو وسام باباوسام: والله وسام صلى استخاره وهو قال ان البنت كويسة والله بس.. (متردد ومكسوف) بابا آية:سامعك يا استاذ عاصم باباوسام: هو قال انه مش مرتاح فالصلاة يعنى بالرغم من ان البنت والله بيشكر فاخلاقها جدآ وقال انها محترمة بابا آية: ده من اصلكم الطيب والله باباوسام: ارجو ان مكونش احرجت حضرتك بابا آية: طيب تصدق وتآمن بالله باباوسام: لا اله الا الله بابا آية: البنت بردو بتقول نفس الكلام عشان كده انا مش متفاجئ باباوسام: الجواز قسمة ونصيب .. اهم حاجة اننا كسبنا معرفتكم يابو آية والله بابا آية: احنا اسعد والله .. وارجو ان الى بينا يكون ع جنب يااستاذ عاصم بعيد عن ارتباط الاولاد .. اصل بيقولو زمان مرات حد مبياخدهاش حد تانى باباوسام: فعلا والله(اتنفس وخد نفسه أخيرآ) عالعموم كسبنا معرفه ناس كويسة زيكم بابا آية: واحنا كمان والله .. اتمنى اسمع صوتك بخير وسلملى ع وسام والحجة باباوسام: يوصل بأذن الله .. مع السلامة .. بابا وسام ارتااااااااااح لما لقى ان البنت كمان رفضاه وكده احراجهم يقل مع الناس وسبحان الله هما كمان لما بنتهم قالت مش مواقفه مكانوش عارفين يقولو ازاى لكن ربنا بيسبب الاسباب المهم نرجع لوسام ومى .. بعد م اكلو .. طلبت مى من وسام يركن العربيه وينزلو يتمشو ، وفعلا عملو كده اشترت ايس كريم وقعدت تاكله فالشارع .. مى: بردو مش عايز ايس كريم ؟ وسام:(ماشى مربع دراعه وبيضحك) لا مى: انت عارف يا وسام اول مرة شوفتك فيها ههههههههه قلت عليك شبه الانسان الالى كده وسام: انا انسان آلى ياام اربعة واربعين .. طب انا بقى قلت لشريف انك شبه الكنكة المصديه مى: غرقت فالضحك وسلمت ع ايده ومكانتش زعلانه وسام: ايه ده مزعلتيش؟ مى: ههههههههه اصل حتى فتشبيهاتك قديم يااخى وسام: هههههه داانتى ضايعه اووى فجأة جه من بعيد مصور فوتوغرافيا بيصور الناس عالكورنيش النيل .. جريت مى ونادته . مى: ياعم ياعم تعالى خدلنا صورة وسام:(شدها من هدومها) مبحبش الصور.. وبعدين اخد معاكى صورة بتاع ايه يعنى ؟ مى: اولا عشان تفتكر اليوم ده .. ثانيآ انت ليك الشرف اننا نتصور سوا جه الراجل وصورهم .. بعد م مى عملت بايدها قرنين لوسام ووسام كان بيبص ناحيتها باستغراب وطلعت تحفففففه! مى: ابقى سيبهالنا عند زكريا المصور: ماشى مى:(كملو مشى ..) ليه بقى مبتحبش الصور ؟ وسام: عشان بتبقى زكريات توجع بعد كده مى: وليه متبقاش تفرح! اتعود انك طول الوقت تضحك يابنى والله زى م بقولك كده .. محدش واخد منها حاجة فجأة!! جت فرقه نزلت من عربية وعرايس من عربيه وناااااس بتزفو عالكورنيش مى: الله!! زفة عرايس تعالى تعالى وسام: تعالى فين انتى اتجننتى رسمى مى: هو انا لسه هاتجنن .. تعالى (مسكته من ايده وجريت بيه) وقفو عند الزفه والغنا والتسقيف والرقص راحت رقصت حواليهم مى العرايس وقعدت تغنى مع الفرقه والناس قعدو يزغردو رغم انهم ميعرفوهاش ، وشبكت ايدين العرايس ببعض ورقصتهم سوا كل ده ووسام واقف بعيد يضحك عليها .. راحت جابته ورقصت قدامه رقص غريب مجنون كده راح شدها ومشيو .. وسام: انتى هربانه منك رسمى مى: هههههههههههههههههه وفيها ايه ؟ م ياما تعبت وبكيت ، اضحك بقى وسام: انتى تبكى!! انا بصراحة استغربت لما شوفتك بتعيتى بس انك عيطتى كتير قبل كده ؟ مصدقهاش مى: مش كلنا عارفين كل حاجة عن بعض يا وسام .. احلى حاجة انك تقلع القناع الى بتلبسه طول النهار وتعرف تنام وسام: الكلام الكبير ده ميليقش عالمجنونة الى قدامى مى: هههههههههههههه مانا بقول كده عدو من شوارع متقاطعة للسيارات مش للمشاه .. اصل الحكاوى خدتهم ونسيو نفسهم .. وسام: ده مش طريق مشاه ـ تعالى نرجع مى: لالالالالا وسام: يابنتى يلا عايزة ايه تانى مى: بقولك ايه عمرك غامرت بحياتك قبل كده وسام: ايه الهبل ده ؟ لا طبعآ مى: اوك سابته وبصت عالعربيات راحت مشيت فالطريق المعاكس وقعدت تجرى بســـــــــــــــرعة والعربيات بتجرى فوشها مش وراها وسام شغال ينادى عليها ومش سامعه .. وفلاخر جرى هو كمان زييها عشان يلحقها ولما لحقها وقفها فوق الرصيف وقعدو ياخدو نفسهم بالعافيه .. وسام: انتى مجنونة (حط ايده ع صدره بياخد نفسه بالعافيه) قوليلى انتى مجنونة الله يخربيتك ياشيخة مى: ايه رائيك مش حلوة ؟ وسام: ده اسمه استعباط .. انتى كان ممكن تتخبطى وتموتى مى: وماتخبطش .. وعرفت قيمة حياتى وعيشت مغامرة محصلتش وسام: طب يلا نرجع الله يهدك مى: هههههههههههههههههههه ده انا هجننك رجعو وبيتمشو ... راحت ع محل عصير قصب ووقفت عنده مى: يلا نشرب عصير انا ريقى نشف من الجرى وسام: لا اعفينى مى: ايه بتقرف ولا ايه ؟ ع فكرة بقى الناس دول انضف من اى محل كبير للمشروبات وسام: والله م قرفان .. انا بس علشان نلحق نروح مى: يبقى هتشرب معايا شربو العصير ...وراحو ناحية العربية .. ومشيو مروحين ، ولما وصلو للبيت ركنها وطلعو سوا وعند شققهم .. مى: ايه رائيك فيوم ميوش؟ وسام: هو جامد بصراحة وفعى عملت حاجات عمرى فحياتى م عملتها مى: ابقى تعالى كل يوم (لفت ورجعت بصتله تانى ) وسام: هههههههه لا خلاص كفايه مى: بقولك ايه انا عيشتك يوم ميوشى انت كمان عيشنى يوم وسامى بقى متبقاش بخيل وسام:(بصلها كده يعنى بتدبسينى) اوك بس الى يستحمل مى: بقولك ايه هات النمبر بتاعك عشان ابقى ارنلك واغلس عليك طول اليوم عشان اصدعك وسام: والله!! مش هديهولك مى: وانا هعرف اجيبه، امتى هنخرج يوم وسامى بقى ؟ وسام: لما تكونى مستعده مى: اوك(مشيت ناحية شقتها وفتحت وبصتله) وسام!! وسام: نعم مى: انبسطت؟ وسام: مممممممممم .. اكتر من انى انبسطت ، انى عرفت وسام تانى خالص مى: هههه ولسه ده انا هروشك .. ثوانى ثوانى (دخلت بسرعة ) مافيش باى (رزعت الباب) وسام: (ضحك بصوت عالى ) لو معملتيش كده متبقيش ام سيد مى فتحت : ام سيد فعينك وسام:(هو الى استهبل المرة دى وعيل ودخل وقفل فوشها) وقفت مى ضحكت جااااااااامد ودخلت