لــســة اجــمــل يــوم مجــاش ▬♫ ♫

الحلقه 21

مى: اوك 5 دقايق هالبس وننزل نتكلم فحته وسام: اوك .. روحى البسى وانا هلبس وهخبط عليكى وسام دخل جوه مستغرب مى وحس كأنها بيبى صغيره محتجاه يعديها الشارع مش انسة كبيرة زى دى توقف شارع ع رجل.. وده الى خلاه من غير تردد .. يلبى طلبها وينزل معاها يسمع شكوتها . لبس وسام وخبط عالباب .. طلعت مى وكانت لابسه ومش حاطة اى ميكاب وعاملة شعرها ديل حصان لورا مش نكشاه زى عادتها وطلعت معاه. نزلو فالاسانسير ورايحين يركبو ... وسام: احنا هنركب عربيتى مى: احسن بردو ، انا مش قادرة اسوق وسام: لا وانا مكنتش هقبل طبعآ ان انتى تبقى سايقه وانا فاعد جمبك .. راح لعربيته وطلعها من ركنتها وركبها وطلعو ع مكان كويس كافيه كده قريب من البيت .. وسام: مالك بقى يا ست مى . معيطة وحزينة واول مرة اشوفك بالمنظر ده مى:(رفعت عينيها) فرحان فيا؟ وسام: بردو حتى وانتى مخنوقه لسانك طويل.. اولا دينى علمنى انى ماشمتش فحد عشان ممكن يكون ييجى عليا الدور ويحصلى زيك كده او زى اى حد شمتت ف مى: وسام .. هو انا وحشه ؟! وسام:(ابتسم) والله انا اخر واحد تساليه لانك شبعتينى مقالب وحوارات يخلينى اكرهك بقية عمرى مى: انت بتكرهنى انت كمان .. (بتقول ببرطمة) يلا جت عليك وسام: ايه الوداعه دى .. لا يامى دى مش مى الى لسانها طوله مترين ونفسى اجيبها من شعرها ازعف بيها الشقه مى: مافيش حاجة بتفضل ع حالها وسام: عاوزة تفهمينى ان ف حاجة جامدة كده خلتك تتهدى اوى كده!! مى: لما الى حواليك يتخلو عنك وتلاقى نفسك وحيد ومكروه يبقى اكيد دى حاجة تموت مش تهد جه الجرسون .. وسام: تشربى ايه مى: ولا حاجة وسام: هاتلها تشوكليت فرابتشينو وانا قهوة مظبوطة الجرسون: اوك يافندم مى: اشمعنى الفرابتشينو طلبتهولى يعنى ؟ وسام: معظم البنات بتحبه ، ثم انى قريت فسيكولوجيه البنت كتير واقدر افهمك بسهولة جدآآ مى: طيب (اتنهدت وبصت حواليها) وسام: كملى .. مالك بقى مى: اتخانقت مع صحباتى وكل واحدة فيهم نقعتنى بكلام زى السم حسيت انهم بيكرهونى اوى وسام: مدام اختاروكى صديقة يبقى مش بيكرهوكى .. ممكن يكون سوء تفاهم بسيط يعنى .. مى: لا مش بسيط ، غادة اهانتنى فبيتها ومنة قالتلى انى انانية ومش عايزة تعرفنى تانى وسام: (انتبه للكلام) وايه الداعى لكده ؟ مى: مافيش اصل منة كانت بايته عندى امبارح ... مى حكتله مشكلتها مع منة بس مجابتش سيرة انها بتحبه وان الخناقه بسببه ، حتى وهى مخنوقه حويطة وحكت بقى خناقتها مع غاده كلها من طقطق لسلامو عليكم .. كل ده وهما بيشربو القهوة والتشوكليت .. وسام سرح فكلامها ورد عليها : عايزة الحق .. انتى غلطانة مع الاتنين مى: ليه بقى انشالله وسام: ايوة غلطانه يامى .. لما تبقى صاحبتك وبتستهونى بمشاعرها كده وتدخليها جوه لعبة لا ليها اول ولا اخر وجواز ونيلة يبقى انتى كده حطمتيها لكن غادة بقى ، انتو الاتنين غلطانين .. هى بتحبك اوى وهزها بعدك عنها وده الى خلاها تلجآ لزميلكم ده وتخبى عليكى فاكرة نفسها بتردلك من الى عملتيه كونك انك تقتحمى بيتها بالمنظر ده فيوم خطوبتها وتقوليلها كلام سخيف كده انتى غلطانة وهى بردو غلطانة فردودها عليكى فبيتها عايزة رائيي مى: اه، اومال كنت حكتلك ليه، (بتبص ع جنب وبنقول ببرطمه) يوم م تشتكى متشتكيش غير ليك انت وسام: بطلى الطوب الى بتحدفيه ده ، وبعدين انا واخد ع انى اسمع اكتر من انى اتكلم .. بصى منة واجب عليكى الاعتذار ليها عشان انتى الى جرحتيها جرح القلب مابتنسيش يا مى واسالينى انا ، وانتو اصحاب وده جارحها منك اوى دلوقتى اكيد بالنسبة لغادة بقى .. فخليكى احسن منها وابقى عالصحوبيه وروحى خطوبتها دلوقت وانا هروح معاكى وباركيلهم هما الاتنين مى: لا مش هروح .. مش هروح لغادة انا مش طيقاها فوشى ، وبعدين مالك صعبانة اوى عليك منة كده ليه ((غيرانة) هو انتو اصحاب اوى كده ؟ وسام: لا منة اختى الصغيرة الى بنصحها وبتسمعلى وبسمعلها بردو لما تكون عندها وجهه نظر ليا مى: بس؟ مش اكتر من كده وسام: لا (استغربها) ليه بتسألى مى: لا مافيش .. وسام: طب هتفكرى فكلامى .. انا عاذرك انك متروحيش لغادة ، بس صدقينى لو روحتى وبصيتى فوشها هتلاقى نفسك مسامحاها مى: انت طيب كده ليه (بسخريه) الدنيا دى مش عايزة مشاعرك دى لينضحك عليك وسام: ههههه ينضحك عليا !! لا متخافيش ياستى . الى زيي شعره شاب من الى شافه فالدنيا دى واتعلم منها .. بس كل الحكاية ان محدش واخد منها حاجة غير الكلمة الحلوة يبقى ليه نقضى اليومين بتوعنا فالدنيا فنكد وزعل وقرف من اقرب ناس لينا مى:(ركزت فكلامه) طيب بص .. انا ممكن اصالح منة .. لكن غادة مش دلوقتى . لما اهدا وسام: اوك براحتك مى: يلا نروح عشان اتأخرت اوى وكمان بردت وانا مش متقله وسام: اوك .. يلا بينا قامو ومشيو وركبو العربية وقبل م يطلع بيها .. مى: انا مش هروح شقتى وسام: اومال هتروحى فين ؟ مى: معلش تطلع عالعجوزة .. هروح لبابا وسام: حاضر وسام طلع ع بيت باباها ووصلها ومشى ... وسام حس ان مى طيبة من جواها بس هى عاملة فيها سبع رجالة ومش عارف ليه؟ حس انه عنده فضول يدعبس فخصوصيتها ويعرف هى ليه كده .. ^^^^^^^^^^^^^^^^^^^^^ اول م خبط الباب وفتح باباها .. استغرب وهى اول م شافته حضنته اوى ودخلت.. سلمت ع مرات باباها ومتكلمتش كتير كل الى قالته انها جت تقعد يومين عشان مخنوقه من قاعدتها وحدها فشقتها.. باباها حس ان فيها حاجة .. سابها براحتها وقال انها هتيجى تقول عالى فيها لوحدها .. مى دخلت .. شافت صورة مامتها وهى حضناها وجمبها سهر وهما صغيرين حضنت الصورة وعيطت اوى وقالت.. محتجاكى ياماما نامت مى عاملة وضع البيبهات فالنوم بهدومها بتفكر فاليوم الغريب بتاع انهاردة والى حصلها فيه وقعدتها مع وسام .. الى فكتها شوية بس بردو لسه مخنوقه .. ^^^^^^^^^^^^^^^^^^^^^^^^^^ تانى يوم بقى .. بعد الشغل مامت وسام قالتله انها اخدت معاد من اهل العروسة وهيروحو يزوروهم انهاردة .. وسام يدوب اخد دوش وغير هدومه وحلق دقنه ولبس واخد مامته وباباه وراحو.. دخلو عند الناس .. بصراحة رحبو بيهم جامد وكان مقابلتهم حلوة ومرحبة بيهم اوى عادة وسام بطل حكاية الكسوف دى .. هو شاف ييجى 125 عروسة مثلا قبل كده ومعجبهوش .. او هو اتلكك عشان كان لسه بيحب دنيا وباقى عليها.. مامت العروسة : منورينا والله .. آية بتلبس وجايه مامت وسام: سيبيها براحتها مامت العروسة: عامل ايه ياوسام يابنى .. الله اكبر ماشاء الله عليك وسام: تسلمى ياطنط ده من ذوق حضرتك بابا العروسة: مرتاح بقى فالشغل ده ياوسام يابنى؟ وسام: اه تمام .. هو متعب بس ممتع بابا العروسة: ممتع ومتعب!! .. ده مش فخدمة العملاء ده استاذ بلاغة هههههههه الكل: بيضحك ههههههه ودخلت آية العروسه زى القمر ومعاها البيبسى والجاتوه وباصه فالارض ، محجبه ومش حاطة ميكتب وجمالها ربانى لوحده قدمت المشروب وقعدت فوش وسام وسام بصلها من تحت لتحت ورجع بص بعيد وهى كمان بصت ورجعت شالت عينها بابا وسام: ماشاء الله يااية يابنتى .. ازيك مش تيجى تقعدى جمب عمو تسلمى عليه آية: بهدوء) حاضر مامت وسام: عاملة ايه ي آية ياحبيبتى آية: تمام ياطنط بابا العروسة: متتكلم مع العروسة ياوسام ولا مكسوف؟ وسام: هههههههه لا عادى بس عشان هى متتكسفش بابا العروسة: طب بقولك ايه يا استاذ عاصم ماتيجى نشم هوا فالفراندا وبالمرة اولعلى سيجارة ونبعد عن الاولاد نسيبهم براحتهم الاب: وهو كذلك قامو الابهات راحو الفراندا والامهات بردو قامت وسابوهم وحدهم عشان يتكلمو .. وسام: واضح انك محرجه اوى آية: اه جدآ وسام: طيب تحبى نتكلم ف ايه؟ آيه:باصه فالارض) اى حاجة وسام: مممممممم اوك ..