لــســة اجــمــل يــوم مجــاش ▬♫ ♫

الحلقه 23

امنية استغربت وضحكت ودخلت معاه لحد م لبس ونزل معاها .. باباه ومامته مستغربين بقى ؟! بقى مهتم بالبت مى ولحد دلوقتى مردش ع موضوع العروسه .. قلقو من ناحيته ومش عارفين ف ايه ؟؟؟؟ دخل جوه دخلت وراه مامته وهى باين ع وشها انها متدايقه .. الام: اومال رايح فين كده ع ملى وشك وسام:(بيلبس) موضوع انسانى يابطة الام: عند مى ! خلاص بقيت من شلة مى المجنونة ؟ وسام: (بصلها باستغراب) لا طبعآ ليه هو انتى شايفانى ازاى الام: معرفش بس انت مش عاجبنى اليومين دول وسام: اطمنى ياام وسام انا كويس جدآآ.. عن اذنك البس الشوز وانزل عشان البنت الى مستنيه بره دى الام: ماشى يابنى .. هتتأخر وسام: معرفش .. بس هكلمك وسام خلص لبس ونزل هو وامنية وراحو لمى .. وهما فالعربية دردشو شوية.. امنية: تصدق انى غبيه فعلا عربية مى واقفه وراكنة اهيه وسام: انا وديتها من يومين عند باباها امنية: طب معلش يعنى هسألك ع حاجة وسام: اتفضلى امنية: هو انت ومى امتى اتقابلتو ووصلتها وكده .. انا اعرف انكم مش بترتاحو لبعض وسام:(بيسوق وبيفكر هيرد بأيه مش هيقول الحقيقة مهما كان ده سرها) لا عادى مجرد موقف عابر .. افضل انها هى الى تحكيلك امنية: اوك وصلو عند باباها.. مرات باباها الى فتحت الباب ودخلو وبلغت مى بأن ف ضيوف عايزاها برة .. خرجت مى لاقت امنية سلمت عليها وباستها وحضنتها واستغربت ان معاها وسام .. مى: ايه ده انت جيت (بتسلم عليه) وسام: هو الجار ليه ايه عند جاره غير زنقه وموته وانتى مزنوقه فقلت اجى اواسيكى مى: ههههههههههههههه بتردها وسام: انتى خلاص بقيتى قاموسى مى:(بصتله كده قال يعنى مش مصدقه ورجعت كلمت امنية) وحشانى يامونى امنية: ايه يابنتى من يوم خطوبة غادة جريتى بكلمك مترديش ومتجيش يومين وقافله الفون وخسانة اوى كده ليه ووشك مصفر مالك مى: هو وسام مقلكيش ؟ وسام: انتى تقوليلها لانه موضوع مش خاص بيا امنية: مقاليش حاجة وعايزة اسمع منك مى استأذنت وسام تاخد امنية ع جنب لما باباها دخل يقعد مع وسام يرحب بيه .. فاودة مى .. امنية: ايه الى جاب وسام ليكى لحوار يعرفه عنك قبلنا .. ف ايه بالظبط مى: مافيش انا هحكيلك كل حاجة مى حكت لامنية وامنية زعلت من صحابها ومن مى انهم مقالوش ليها وفهمت الموقف وقالت نفس الكلام لمى بتاع وسام . بس الى مى مستغرباله للدرجة دى ف حد اخلاقه عاليه زى وسام يحافظ ع كلام هى قالته ليه وعادى يعنى لو كان قاله لامنيه بس هو محبش يحكى موضوعها ولازم هى الى تقوله المهم طلعو .. لقو بابا مى منسجم مع وسام ع الاخر وهاتك يا كلام فالسياسة وماشاالله الجو عال العاااااااااااااال.. الاب: ايه ده جارك الموسوعة دى ومعرفتنيش عليه من زمان مى: ههههههههههه ماهو اخر اصدار فالمتحف وسام: هيهيهيهيهي شربات امنية: المهم دلوقتى بعد اذن عمو انتى هتنزلى معانا تروحى تصالحى منة وغادة ناو وتروحى ع شقتك عادى وبلاش جو التقوقع ده مى: لا مش دلوقتى وسام: لا دلوقتى يامى وهتنزلى حالا وكلامها صح امنية انتو مالكمش غير بعض مى: ده مافيش واحدة منهم كلمتنى امنية: م خلاص بقى قلنا انك غلطانة الاب: اسمعى كلامهم يامى هما صح .. مش عيب الاعتذار طالما انتى الى غلطانة اهم حاجة العشرة متروحش مى: خلاص كلكو اتفقتو عليا امنية: اه ويلا البسى وانا جايه معاكى (قومتها ودخلتها تلبس ) نزلو وسلمو ع بابا مى ووسام وعد بابا مى ييجى تانى يزوره انشالله .. مشيو وراحو الاول لمنة .. طلعت مى لوحدها وامنية ووسام استنو تحت .. مى خبطت وفتحت منة .. كانت بتعيط يا حرام منة: مى !! مى: قلت خلينى احسن منك واصالحك قبل م ييجى بكره فالمكتب ونشوف بعض واحنا زعلانين منة:طب تعالى مى: لا مافيش وقت عشان الحق اروح .. المهم لسه زعلانة منة: خالص (حضنو بعض) مى: ع فكرة انا بحبك اوى (عيونها مدمعه ) واسفه لو زعلتك منة: وانا كمان متزعليش منى كنت غبيه فكلامى معاكى مى: لا خلاص انا مزعلتش .. هسيبك بقى عشان مستنين تحت منة: مين دول ؟ مى: وسام وامنية منة: هو وسام معاكى ؟ مى: ايوة ولازم نروح بقى .. بكرة نتكلم سلام منة: سلام (قفلت الباب وطلعت فالبلكونة شاورتلهم وهما شورولها ووسام ضحك وطلع بالعربية) وسام: خلاص كده منة .. مى: ايوة اتصالحنا وهى مش زعلانة منى بس بليز خلو غادة بعدين امنية: مى.. غادة اكتر انتيمة ليكى متغلسيش بقى وسام: هى قالت منة عاملة زى البيبى وهتتصالحو بسرعة .. هى نونو بصراحة امنية: ايوة ههههههه منة دى بنتنا مش صاحبتنا مى: بردو مصريين ع غادة وسام: ف مقولة بتقول اقطع لسان عدوك بالسلام!! ودى صاحبتك بقالكو سنين .. فهمتى مى: فهمت ياسى فيثاغورث وسام: هههههههههه تانى السان الى عايز قطعه امنية: لا احلى حاجة معاهدة السلام الى بينكو دى يارب تدوم وسام: ههههههههههه يارب ياختى مى: لا طبعآ دانا هطلع عينه هو لسه شاف منى حاجة .. وصلو عند غادة وكانت مترددة مى تطلع فطلعت معاها امنية ورنو الجرس فتح اخو غادة الصغير ونادى ع غادة.. جت غادة فوجئت بيهم فوشها .. كانت مكشره فالاول بس امنية لطفت الموقف .. امنية: متبقوش اوفر انتى وهى واخلصو واتصالحو عشان الراجل الى فالبيت زمانه واقف بالساعة عالباب غادة: الموضوع ميستاهلش تيجى لحد البيت يا مى .. من امتى يعنى بتيجى ع نفسك اوى كده مى:(بصت لامنية) طيب شايفه !! امنية: مخلاص ياغادة .. جت لحد بيتك متبقيش زفت بقى بدل م اديكى فوشك غادة: طيب ادخلو مش عالباب نتكلم مى: لا ياستى عشان الوقت اتأخر .. كنت حابة اقولك متزعليش بس انتى كمان غلطتى فيا غادة: عشان ...(بنرفزة) امنية: تااااااااااانى بقلكم ايه احضنو بعض وانسو كان ف ايه والنبى هتعلق انهاردة وابقو اتكلمو بكرة فالمكتب غادة: حاضر يا زفته انتى كمان .. وانا كمان اسفه مى: طيب تصبحى ع خير بقى نزلو راحت نزلت غادة وراهم وحضنت مى وضربتها ع شعرها بهزار راحت مى حضنتها جامد وابتسمت راحت امنية شدتها ومشيو .. وسام: بتضحكو !! يبقى المهمة نجحت امنية: دول كانو اوفر ياعم .. يلا الحمدلله وصلنى يا وسام معلش وسام: حاضر مى: معلش هنبقى نحسب الاجره فالاخر وسام: يارب لسانك يولع ياشيخة .. امنية ارمى البت دى من الشباك امنية : لا مقدرش دى حبيبتى وصلت امنية وقبل متطلع العمارة راحت ناحيةة شباك وسام وقالتله .. امنية: ع فكرة ليه حق شريف يموت فيك .. انت جدع بجد وسام: تسلمى يارب يا مونى .. مونى عادى امنية : دووووس ولا يهمك .. سلام ياميوش مى: سلام (مبتسمة) وصلو للبيت وطلعو فوق ومى داخله شقتها كان وسام بيدخل الشقه برضو .. راحت ناحيته وقالتله . مى: انت عملت ليه كل ده ؟ وسام: سعات لما بنرسم فرحة فقلب حد من غير داعى ربنا بيبعت فرحةلقلوبنا احنا كمان .. وبصراحة قلبى بقاله كتير مفرحش مى: طيب عشان متبقاش عامل فيا جميلة يعنى (بتهزر) ايه رائيك اعزمك بكرة ع يوم بعد الشغل انا وانت مع ميوش وسام: ممممممم مش عارف ممكن اه وممكن لا مى:(قلعته نضارته ولبستها) لا تعرف وهتيجى وهتبقى مستنى فالساعة الى احددها ياما المرة الى فاتت كانت سحليه المرة دى هتكون ديناصور ههههه وسام:(قلعها النضاره ولبسها هو وابتسم ) لابلاش والنبى ليهد الشقه علينا اوك موافق دخلو وهما مبتسمين وفرحانين وشكل الالعاب بدأت تلعب واحنا نقعد ناكل فترمس مملح وخلاص المهم دخل لقى مامته فوشه .. الام: وبعدين يابنى وسام: انتى صاحية ياامى الام: والبت الى احنا مردناش فموضوعها دى وسام: مين ؟ بنت مين ؟ الام: آية .. ولا نسيت ان ف ناس لسه مردناش عليها وسام:(حط دراعه حوالين رقبتها لانه اطول منها) مممممممممم بصى ، بكرة هقولك اوك .. تصبحى ع خير لانى هلكاااااان مامته سكتت وبصت ناحية الباب قصدها مى يعنى وضربت كف ع كف ومشيت ...