لــســة اجــمــل يــوم مجــاش ▬♫ ♫

الحلقه 19

الحمدلله .. وسام قام من بعد العملية وبقى زى الفل ، قبل الادد بتاعت منة وبقى يكلمها . دى حاجة خلت منة تتعلق بيه اكتر واكتر .. بس بالنسبة له هو عادى يعنى اخت وصديقه مش اكتر . لكن مى بقى مهديه اللعب اليومين دول كده ومن غير اسباب لا بتعمل مقالب ولا حاجة فوسام وبعيدة كده عن البنات صحابها ولا بقت تهتم بحد ولا تسأل عن حد. غادة وممدوح بقى فحالة هيام عاطفى وحاجات من دى .. بس لحد دلوقت محدش لاحظ الموضوع غير سامح زميلهم وبس .. امنية الامور متظبطة مع شريف وشكل كده شريف اتعدل ع ايديها واتظبط عن الاول وبطل يكلم بنات كتير .. احم .. احم هو اه لسه بيكلم بس امنية هتعلمه الادب !! وعدى شهر عالوضع ده .. ووسام وشريف فالشغل زى كل يوم .... شريف: ويسو .. واد ياويسو وسام: نعم شريف: شوفلى كده ميتناية فكة وسام: 200 جنية يعنى ؟ شريف: 200 ريال .. ايوة اخلص وسام:(طلعها من محفظته ورمهاله) خد بس مالك بقت مأشفر كده ليه شريف: اه والله معرفش ليه .. طبعآ مش ففبراير وسام: هههه حرام عليك لا تسبو الدهر شريف: ياعم مش بيقولوها كده .. شهر فبراير معروف بقفره وسام: لا والله ده انتو الى بتظلمو الايام معاكو .. انا تمام اهو شريف: ع طول تمام يابرنجى وسام: عامل ايه مع امنية صحيح؟ شريف: موووز موووووووز البت بحس كده انها وحشانى وبموت فكلامنا سوا غير كل البنات الى عرفتهم قبل كده .. بص بصراحة حاجة مجنونة ع هادية .. ع ملتزمة ع هبلة متفهمش وسام: ههههههههههه بس بس شريف: اه والله .. بس الى اعرفه انى ببقى مبسوط معاها .. اصل الاول كنت تروح واحدة ييجى 1000 دلوقتى بقيت بخاف تزعل منى .. اومتكلمنيش مثلا وتبعد وسام: مبروك شريف: ع ايه وسام: قلبك نضف وشكلك طبيت ياشيرى شريف:(عمل ريأكشن بوشه يضحك) تفتكر وسام: I Swar شريف: لا من غير قسم مصدقك ههههه ^^^^^^^^^^^^^^^^^^^^^^^^^ دنيا بقى .. كانت قاعده بتكتب فبحث مطلوب منها فالشغل ومندمجه ..وكانت فاتحة الراديو ع اذاعة مصريه غنائيه واشتغلت اغنيه فيروز .. بكتب اسمك ياحبيبى دنيا سرحت معاها اول م اشتغلت وافتكرت وسام ، اصل وسام بيحبها اوى وكان دايمآ بيشغلها لما يتكلمو سوا فون . قفلت الورق. وقامت وقفت ع كرسى وجابت من فوق دولابها بوكس كده مقفول شكله شيك ونزلته وقعدت عالكرسى وفتحته .. جواه صور ليها هى ووسام كتيييير وصور الخطوبه والهدايا الصغنونة الى كان بيبعتهلها زى الدباديب والفلاشرات وكده وسلسلة مكتوب عليها وسام ودنيا وجوابات!! ايوة جوابات ، بالرغم من ان وسام ودنيا شباب فعصر التكنولوجيا والانتر نت الا ان وسام كان بيفضل يبقى منفرد عن غيره . حتى فالحب كان بيبعتلها جوابات ويكتب فيها كل حاجة حصلت معاه انهاردة وكل حاجة ناوى عليها واكيد طبعآ كلمتين حلوين . دنيا طلعتهم ورددت مع نفسها: مكنتش بتحب المسجات : طلعت الحجات دى ودمعت اوى .. دنيا كانت كل م تسأل عن وسام تعرف انه لسه مارتبطش تفرح من جواها انه لسه بيحبها زى ماهو لانه مارتبطش بعدها بغيرها . لكن لما عرفت من هويدا انه بقى مرتبط بواحده تانيه .. عرفت انها مش بس كانت بتحبه ! دى بتموووووووت فيه بس هتعمل ايه ؟ هى مش عايز ترجع عن قرارها وترجعله ولا تعرفه سابته ليه يبقى تستحمل بقى نتيجة قرارها .. ومهما كان هو شاب وليه حياته بردو ولازم يشوف حياته مدام هى الى اختارت البعد بس هى كل الى فيها فكرة النسيان بتبقى اصعب من اختيار البُعد وكل واحد .. فاكر التانى !! ^^^^^^^^^^^^^^^^^^^^^^^^^^^ انهاردة بقى .. منة عازمة نفسها عند مى تبات عندها ع غير العادة .. كلمت اهلها واستأذنتهم وراحت لمى .. مى : بصى بقى تلبسى بى جامة دى ولا دى . منة : اى حاجة يا ميوش مى : اوك خدى دى .. وتعالى انا البس الى شبهها ونبقى زى بعض ههههههه منة: اوك قعدو الاول يتفرجو ع فيلم اجنبى عالاب توب بتاع مى .. وكانو جايبين لب وعصاير وقاعدين بقى الليله عدت وخلص الفيلم ولسه مش جايلهم نوم . منة اقترحت ع مى يوقفو فالبلكونة الحبه دى بتاعت الفجر يستمتعو بهوا الفجر ومى وافقتها. منة عملت كده عشان تشوف وسام ولا حتى تلمحه، لانها طبعآ مفتحتش فيس طول ماهى عند مى وكانت مشغولة معاها. فعلا دخلو الحبه دى يقعدو فالبلكونة وواقفين منسجمين .. مى : حلوة اوى السهرة انهاردة.. ابقى اعمليها ع طول يابت انتى متبقيش ندله منة: والله انا فكرت ان من ساعة م انا وزياد يعنى فركشنا .. واحنا بعدنا عن بعض فقلت يعنى صحوبيتنا احسن من اى شئ بردو مى : قولتلك انه سافر لندن .. رجع تانى منة: والله(مكانتش مهتمة) مى: اها الاذان بيأذن بتاع الفجر ووقفو يسمعوه .. منة: حلو صوت الادان هنا وقريب وواضح مى: اها المسجد قريب خااالص شويه ونزل من العمارة وسام رايح يصلى منة ومى استغربو لما بصو مى: (بتكلم نفسها) ايه ده بيصلى الفجر حاضر فالمسجد اووووه منة: ده وسام ده. مى: ايوة .. استنى اغلسلك عليه منة: حرام عليكى سيبيه يروح يصلى مى : لا استنى ... (بصوت عالى) ربنا يجعلنا من بركاتك وسام بص لفوق وقرب النضارة ع وشه كده وشاف مى وقالها : خشى جوه .. روحى صلى مى قعدت تضحك عليه .. منة اتدايقت من ردهم وكلامهم سوا منة: بطلى تغلسى عليه يا مى بقى مى : ليه يانحنوحة ههههه منة: عادى يعنى مى : بس قوليلى يابت يا منة اليومين دول انتى محلوة ومحمرة وعيونك منورة .. مالك كده ف ايه ؟ منة : لا عادى مى : م تقولى يابت ف ايه ؟ اوعى تكونى بتحبى منة : حاجة زى كده مى : هههههههه هو انتى لحقتى ؟! ومين بقى المرة دى منة: اقولك ومش تقوليلو ؟ مى : متخافيش .. ايه سامح ولا ممدوح منة : لالالالالا هو مافيش غير دول مى :(مبتسمة ) اومال مين ياقردة ؟ منة: ويسو ... وسام مى : نعم !! منة: ف ايه يامى مى وشها اتقلب 88 واحمرت واخضرت لما سمعت ياترى بقى هتقول اييييييه ؟؟؟!!