لــســة اجــمــل يــوم مجــاش ▬♫ ♫

الحلقه 10

الحلقه ١٠

طالعين العمارة وقف سليمان وقال لوسام: ف واحدة ست سألت ع حضرتك لما تيجى اقولها وسام: مين ياسليمان ؟ سليمان: قاعدة جوه فاودتى .. دخل وسام ومامته .... لقوها منى !! متبهدله ومكياجها سايح ومعيطة واول م شافتهم جريت ع مامة وسام وحضنتها وبكت .. وسام مذهول ومستغرب وحاجات كتير جوه بعض ... ياترى ف ايه معاكى يامنى ؟؟؟!! خدوها وطلعو فوق وهى ماسكة فمامت وسام كانها مامتها بالظبط وبتحتمى بيها.. محدش نطق ولا كلمة معاها لغاية م دخلو الشقه سوا .. وقعدو معاها وسام: انا مش هسمى الى انتى عملتيه ده طبيعى ولا منطقى !! بس هو حصل واحدة واحدة كده تفهمينا ومن غير عياط ، هربتى من فرحك ليه ؟ الام: استنى يا وسام دى بتتنفض ع اخرها وسام: طيب انا هقوم اجيبلها عصير ، شكلك مكلتيش حاجة من الصبح وضاغطك واطى شربت العصير واخدت نفسها وبدأت تتكلم .. منى : انا كنت فالكوافير ف امان الله ، وكانو بدأو يجهزونى للمكياج وكده وجت واحدة كنت اعرفها يعنى باركتلى لما عرفت ان انهاردة كتب كتابى .. وعزمتها عليه وع فرحى كمان الام: تمام منى : بتقولى هاتى صورة من الخطوبة معاكى ؟ وسام: اها منى : قولتلها ايوة .. وطلعت واحدة من الشنطة .. راحت اتخضت وقالتلى انتى هتتجوزى الراجل ده !! الام: ليه ماله يابنتى منى: انا قلت فنفسى اكيد عشان متجوز قبل كده فمستغربه قولتلها هو كان متجوز قبلى واحدة وانا عارفة .. هو انتى تعرفيه ؟ وسام: ايوة منى : راحت قالتلى الا اعرفه .. ده كان متجوز قريبتى ، مراته التانية مش واحدة بس ده اتجوز 2 يامغفلة وال 2 رفعو قواضى وطلقوهم منه انا سمعت الكلام ده .. وطلبت من الكوافيره تستنى شوية ورحت قولتلها احكيلى وسام: وقالت ايه؟ منى : قالتلى ده راجل مجنون ، بيحب يعذب مرتاته ويضربهم وينبسط لما بيشوفهم بيصرخو وبيجيبو دم من كل حته ، قالتلى احنا لما جوزناه قريبتى مكناش نعرفه كويس بس بعدين عرفنا من شكوتها المستمرة عن افعاله المجنونة ، وانه مش طبيعى اى حاجة عنده بالضرب والعقاب وبيتلذذ بعذاب الست قدامه زى الوحش وفالنهاية رفعو عليه قضيه وطلقوها منه فثانية ومن اول جلسه (منهارة من العياط) الام: ياحبيبتى يابنتى (حضنتها اوى ) وسام: يااااااااااااااااه ده ايه ده منى : انا عرفت كده ومعرفتش اعمل ايه ؟ دماغى عطلت عن التفكير ، جاتلى فكرة انى اهرب من الكوافير وهو اكيد مش هيتجوزنى لما افضحه فضيحة زى دى وسط الناس ، وحمدت ربنا ان مكانش معايا حد فالكوافير من اهلى يمنعنى وسام: طيب مبعتليش ليه مسج بكده ! ليه القلق يابنت الحلال وتحوسينا فالشوارع كل ده منى : لو كنت عملت كده كنت انت هتجيلى وترجعنى ليهم .. وهما مصدقو جالى عريس وكانو هيتممو الجوازة عشان يخلصو منى (بتعيط) الام: لالالالا متروحش يابنى خالص ، خليها هنا وبكرة يحلها الحلال مع اخواتها .. وسام: ماشى ياامى ... منى انتى هتنامى فاوضتى اوك منى : والله م عايزة الخبطلكو الدنيا ، انا هنام ع الكنبة دى وسام: ياستى لا كنبة ولا كنكة ، اولا ف سرير فالليفنج روم للطوارئ انا هنام عليه ، ثانيآ عشان تبقى ع راحتك الام: طب انا هقوم اجبلك اى حاجة من عندى تلبسيها يابنتى والصباح رباح وسام قام هيألها الاودة عشان ترتاح واخد حاجتة الى محتاجها منها .. ومامتة جابتلها الهدوم .. مامته نامت لكن منى صاحية بتفكر فهمها ووسام بيفكرلها فحل!! ^^^^^^^^^^^^^^^^^^^^^^^^^ مى.. فالمكتب معاها مكالمة مع باباها وبتكلمو برة بعيد عن البنات .. مى : يابابى مش كتير يعنى ، وبعدين هى كانت رايحة تقابل خطيبها ومش معاها لبس تلبسه (بتكدب) الاب: لا يامى مش للدرجة دى ، انتى فرتكتى الفيزا كلها ع صاحبتك يابنتى مى : خلاص بقى عشان خاطر ميوش يابابى (بتدلعه وبتاكل بعقله حلاوة) الاب: ماااااااااااااشى عشان خاطر ميوش ههههههههه ، هتعدى عليا اليلادى ؟ مى : هشوف واكلمك .. اشطا؟ الاب: ماااااااشى ، سلميلى ع غادة والبنات .. باى مى : باى لفت لقت غادة واقفه وراها ..(وشها مكتئب حبتين) مى : بابى بيسلم عليكى غادة : الله يسلمه ، ايه كان ف حاجة ؟ مى : مممممممم لا بيكلمنى عشان انا فرمت الفيزا صرف وجبت حاجات كتير لمنة وروحنا الكوافير وكده غادة :(بغيرة) اظاهر ان منة بقت غالية عندك اوى اليومين دول ؟ مى : مممممم مش قصة غاليه ولا مش غاليه ، القصة انى خطتى تنجح والى فبالى يحصل .. وثانيآ بقى اطفش وسام فعيشته ويعرف ان الله حق ها هاااها (مشيت وسابتها ودخلت جوه المكتب.. غادة بصت عليها بصة رخمة كده واستعجبت منها ودخلت وراها .. وقفها ممدوح ممدوح: وراكى حاجة انهاردة ؟ غادة : (مبتسمة) انا!! لا خالص ممدوح: طيب ف كافيه بيعمل لاتيه هاااااااااايل .. تيجى نروح نجربه سوا غادة : ههههههههههه اوك مافيش مانع ^^^^^^^^^^^^^^^^^^^^^^^^^^^^^^ عدى 3 ايام ع وجود منى عند بيت وسام .. هو بيروح شغله عادى .. لكن هى لا طبعآ دى مستخبيه من اهلها ومينفعش تظهر فأى حته لحد م تتحل المشكلة . شريف: زمان اهل منى بيدوروا عليها ع كده .. ياترى غورتى فين ياللى تتشكى وسام: انت عارف !! منى دى اكيد ف مشكلة عندها والا مكانتش هربت يوم فرحها كده شريف: عالعموم اكيد فيوم هتظهر .. هى هتفضل عاملة فيها طاقية اخفا كده كتير وسام: ع رائيك شريف: متكونش بتحبك ياض ياوسام .. عشان كده هربت هههههههههه وسام: مبتعرفش تتكلم جد ابدآ انت .. طب خليك فشغلك ياض شريف: اووك يابرنجى روح وسام البيت .. دخل وهو عامل حسابة ان ف بنت فالبيت غريبة ، لازم يتصرف بحساب مهما كان اتعشو كلهم من صنع ايدين منى طبعآ مخلتش مامته تعمل اى حاجة .. وبعد العشا .. بابا وسام شرب فنجان القهوة بتاعه ، ودخل ينام ومامته كمان حصلته .. ودخل وسام لليفنج روم ومنى دخلت الاودة ومجالهاش نوم .. راحت خبطت ع اودة وسام تسأله اذا كان عايز منها حاجة تعملها ؟! وسام: لا شكرآ يامنى ربنا يخليكى (ماسك كتاب بيقرا ف) منى : (بتردد) كنت عايزة اسألك سؤال ياوسام وسام: اتفضلى منى : هو ليه بيحصل معايا كده ؟! وسام قفل الكتاب الى فايده وسرح وطلب منها تدخل تقعد عشان شكل الكلام هيطول وسام: ليه بيحصل معاكى ايه يامنى ؟ منى : ليه بختى قليل دايمآ وحظى وحش كده ، كل م اجى افرح يطلعلى ميت عفريت كان الدنيا بتعاندنى وسام: بصى يامنى ,, ف حاجات كتير بتحصلنا مبنبقاش عارفين هى بتحصلنا ليه .. عشان فعلم الغيب ربنا سبحانه وتعالى دايمآ بيخلق لنا الاصلح لينا دايمآ لحكمة هو يعلمها كونك تتخطبى وتفركشى فوق ال 3 مرات .. ولحد دلوقت ملاقتيش زوج مناسب منى : (قطعته) وسنى بيكبر والى قدى عندهم عيال ووحشة ومحدش هيعبرنى تانى وسام: ده اسمه قنوط من رحمة ربنا ، يابنتى لو كل واحد بيبص للامور بصة ضيقه زيك كده .. كان زمانا انتحرنا كلنا ، فسختى عشان ربنا رايدلك الافضل .. لو كنتى اتجوزتى اى حد من الى فاتو كان زمانك متع1به عن دلوقت بالنسبة بقى ليه اوجدهم ربنا فحياتك .. اكيد لحكمة ان ربنا يعلمك من كل واحد حاجة عشان لو فيكى غلطة تصلحيها اما بقى انك وحشة وممكن متتجوزيش ففى الاوحش منك بعد احترامى ليكى ومتجوزة وزى الفل الحلاوة مش مقياس ، المهم الاخلاق .. انتى المفروض تفرحى ان ربنا شالك من كل البلاوى دى .. والا لو كان حصل زى مانتى عايزة كان زمانك فخبر كان وتعيسة اكتر من دلوقت ربنا مش بيقدر حاجة وحشة ابدآآ، وبعدين انا قولتلك اسألى .. صلى .. فكرى .. خدى وقتك ماهو انا مش فاهم ازاى اتنين يتجوزو خبط لزق كده ويقضو مع بعض بقية عمرهم وهما ميعرفوش بعض اساسآ منى : يعنى انت كنت عارف دنيا .. ماهو انت كمان فسخت خطوبتك وسام:(خد نفس عميق) دنيا حالة لوحدها لحد دلوقتى مش فاهمها .. وبعدين انا عرفتها طبعآ فترة قبل الخطوبة لما ماما عرفتنى عليها وارتاحت لها وحبتها وخطبتها .. بس فكرة الانفصال دى تسألى دنيا فيها لانى مش انا الى فاسخ ههههههه منى : ههههههههههههههههه وسام: اضحكى دايمآ وادعى ربنا كل يوم ..وبلاش التفكير ده ، روحى نامى بقى عشان انا عندى شغل الصبح وانتى مبتروحيش ياهانم، وكمان عشان الاقى حل مع اهلك دول واروحلهم نتكلم عن موضوعك وناخد موقف بقى منى : هههههههه حاضر تصبح ع خير وسام: وانتى من اهله منى بترد الباب ع وسام وجواها بيقول.. عمرنا م اتكلمنا عن قرب كده قبل كده .. ومافيش حد وقف جنبى قدك ياوسام بجد..بحبك!! اوى