لــســة اجــمــل يــوم مجــاش ▬♫ ♫

الحلقه 5

الحلقه الخامسه

عدى اسبوع .. ومى فشغلها زى كل يوم مع اصحابها .. بيتفقو الجمعة دى هيقضوها عند مين فيهم وهيعملو ايه ..

مى هى القائد فكل حاجة وهما بيسمعو كلامها ..مش عشان معندهمش شخصية!!
بس عشان هما اصحاب اوى وبيحبو بعض اووووووووى ...

غادة : احلى حاجة انك جبتى عربيتك من التوكيل ...عشان نلفلف براحتنا بقى ..متعرفوش يابنات بستنى الويك اند اد ايه

منة : كلنا والله مش انتى بس ، احنا الحمدلله عشان شغلنا كويس ..المكتب مش بيهدى من الشغل
ممدوح اتدخل بالكلام معاهم ..

ممدوح: لا والاحسن يا مى انك جبتى عربيتك ، عشان متعمليش فيا فصل بايخ زى المرة اللى فاتت كده!! فاكرة؟

مى : فصل ايه ؟ (بتستهبل)

ممدوح: والله!! ع اساس مين اللى قال للشباب انى بعاكس وبمشى وراهم كل يوم وببص عليها لاقيتها فص ملح وداب .. دانا شايلهالك من ساعتها ياشيخة !

مى : اوووووووه هى جت فيك ..وحياتك يا ممدوح عندى كنت بشاور ع واحد تانى ، تلاقيهم غلطو معلش (بتضحك وبتغمز لغادة )

غادة : م خلاص يا ممدوح انت هتعملنا فيها المتدايق م قالتلك مكانتش قاصدة .. الله!!

سامح: ياعم بعد كده ابقى تعالى اوصلك بالموتوسكل وسيبك من البنات ومى بالذات ومقالبها

مى : حراااام عليك ياسامح ...انا بعمل فيكو مقالب؟ سامح: لا ياشيخة ..لا دى منة بس احنا بنلزقها فيكى

امنية : طب خلاص بقى بلاش مناقرة منك ليها وخليكو فشغلكو ...هو ورق شركة كمبيوتك فين ؟

مى : اوبس!! ده عندى فالبيت

سامح: يا نهااااااااااااااار اسووووووووووح عليكى ...طب اخطفى رجلك ياختى بسرعة هاتيه ...لازم نسلم الشغل قبل نهاية الاسبوع

مى : طيب خلاص انا هاخد عربيتى واجيبو هوا ..

عن الناحية التانية ....... وسام بقاله اسبوع مبيروحش الشغل ، زمايله قلقوا عليه واتصلوا.. لكن شريف هو الوحيد الى زاره فالبيت ..

شريف : السلام عليكم يا طنط

الام: اهلا ياشريف يابنى ازيك ازى مامتك

شريف : بخير يا طنط بتسلم عليكى ... وسام عامل ايه ؟

الام: ادخلله يابنى جوه ...
شريف دخل لوسام الاوضه لقاه مقفل الشبابيك والستاير ومافيش نور غير ضوء اللاب مفتوح قدامه ..