لــســة اجــمــل يــوم مجــاش ▬♫ ♫

الحلقه 18

شربف: ليكون العصير مسموم ولا حاجة!! وسام: لا المغص من قبل العصير (مسك بطنه بزيادة وايده تلجت) الحقنى ياشريف ااااااااااااه شريف: وساااااااااااام .. حد يشوف اسعاف ياجدعان وسام:(ماسك بطنة وتعبان خالص) هموووووت والله ناس فالمكان: احنا اتصلنا بلاسعاف .. الف سلامة عليك شريف: ياجدعان هوا شوية ورا خليه ياخد نفسه الاسعاف وصلت.. ركبو وسام ومعاه شريف.. شريف: مكانش يومك يا ويسووووووو الدكتور المسعف فالعربية: (بيحط السماعات بيكشف عليه) ده جنبة مش مستحمل السماعة .. بسرعة يااسطى وسام: اااااااااااه شريف: متخافش ياض/ مش انا صاحبك! وسام: ااااااااااه شريف: اه دى من الالم ولا يعنى ايوة ؟! وسام: وقت اسئلة ياشريف ارحمنى بمووووووووت شريف: طيب خلاص ياعم .. سلامتك عمر الشقى بقى يابنى الدكتور: احتمال تكون زايدة ع فكرة شريف: زايدة!! هاااااااااااااااااااااار اسود ده لسه تامم 31 سنة من اسبوع زايدة ايه وبتاع ايه ، عينى ع شبابك ياخويا وسام: اسكت شوية اسكت شووووووووية شريف: حاضر اتخرست وصلو المستشفى .. كشفو ع وسام بسرعة وطلع الدكتور.. الدكتور: زايدة ملتهبة جدآ .. لازم عملية فورآ شريف: طيب خلاص يادكتور ماشى.. انا هروح اتمم البيانات فالاستقبال والحساب وانتو اتفضلو الدكتور: اوك دخل وسام اودة العمليات ومعاه شريف..فون وسام رن لما اتأخر عن معاد رجوعه "والدته بترن" شريف: (طب ارد هيتخضو ودول تكة ويلا السلامة يموتو وتلزق فيك يابن البومة،، اعمل اييييييييه ) ايوة يا طنط .. الام: وسام مجاش لحد دلوقت ليه يابنى؟ شريف: لا ماهو هيبات معايا .. وهنطلع الصبح عالشغل سوا الام: طب ماتديهولى اكلمه شريف: لا.. اه هو فالحمام الام: طب يابنى يعنى انتو كويسين؟ شريف: اه ياطنط ، نامو انتى وعمو وتصبحو ع خير متقلقوش الام: ماشى يابنى .. وانت من اهله شريف طلع زفير انه ارتاح من مهمة اهل وسام .. طلع عالصالة البلياردو راح جاب عربية وسام وجه بيها عند المستشفى .. ربع ساعة وطلع وسام .. كانو دخلو خلاص عالفجر. طالع متخدر خالص .. شريف: هو كويس يادكتور الدكتور: الزايدة كانت ملتهبة جدآ .. كان فاضل ساعة بالظبط وتنفجر شريف: هااااااااااار اسووووووود الدكتور: بص انت شكلها كانت ازاى (بيوريهاله محطوطة فبرطمان عينهة) شريف:(اشمئز بوشه كده) وكان ماشى بيها ازاى الدكتور: هو ي اما اشتكى منها قبل كده ومهتمش، ي اما صاحبك صبور بقى شريف: هو كان من فترة للتانيه كان بيشتكى من جمبه بس بياخد مسكنات يعنى الدكتور: المهم حمدلله ع سلامته ، هو هيقعد بكره وممكن يروح بكرة بليل لو كان كويس لو فضل تعبان ممكن يمشى بعد بكره الصبح شريف: شكرآ يادكتور الدكتور: ع ايه .. حمدالله عالسلامة شريف دخل قعد جمب وسام لما نقلوه .. نايم متخدر خالص وشريف بيبصله متدايق عشانه . سعات كده بتيجى عالواحد مواقف بتعرفه الى قدامه ده بيحبه اد ايه المهم ... تانى يوم مراحش الشغل طبعآ شريف .. ومنى اتصلت بالاتنين وعرفت ان وسام فالمستشفى .. استنت يوم الشيفت يعدى بفارغ الصبر .. وجت جرى عالمستشفى .. اما بقى الناحية التانية .. امنية كلمت شريف عشان مفتحش فيس بقاله يومين اصل تقريبآ كده والله اعلم بدأت حاجة تبقى بينهم ، وع فكرة المرة دى شريف شكله مش بيلعب زى كل مرة .. نرجع لمرجوعنا اتصلت بشريف وعرفت بالى حصل لوسام ، استأذنت من الشغل وسألتها منة هتمشى ليه قالتلها اتخضت طبعآ وجت معاها .. منى وصلت الاول ، وامنية ومنة وراها شريف: يابختك ياعم ، ماسورة بنات طفحت اهى عشان تعرف غلاوتك .. ياريتنى انا (بيبص لامنية بهزار) امنية: الف سلامة ياجميل ، كده ف كده حد بعد عيدميلاده ع طول يعمل الزايدة .. تلاقى حد كان باصصلك فالتورتة منة:(بنحنحة) لا شكلنا احنا وشنا وحش عليه منى: سلامتك ياوسام انشالله الى يكرهوك .. ولو ان مافيش والله وسام:(نايم وصوته تعبان) ربنا يجازيكم خير يارب تعبتو نفسكم وجيتولى منة: متقولش كده ربنا يسلمك يارب (بتسبل) وسام: ربنا يخليكى يامنة يارب منة : ع فكرة انا بعتلك ادد عالفيس بوك وسام: انشالله لما اطلع اقبلك منى قامت خدت شريف برة ع جنب .. مين دول ؟ الى اتعرفتو عليهم صح شريف: اه .. واصحاب البت جارته منى: بس شكل الصغيرة دى ام حجاب دى مش مريحنى شريف: مالها يامنى مالها ياكرمبو منى: مش عارفه .. قلبى مش مطمن شريف: طب احسن عنه م اطمن .. ادخلى بقى جايه تزورى وسام ولا جايه تحققى فجريمة قتل.. منى: طيب ياشريف .. دايمآ كابسنى كده دخلو جوه .. امنية: طب احنا نمشى بقى عشان اتأخرنا عالمرواح ههههههه منة: ماتخلينا شوية يا امنية بقى امنية: ياحبيبتى لا باباكى ولا مامتى عارفين اننا هنتأخر يلا نروح قبل م نتعلق شريف: ليه مستعجلين (خد امنية ع جنب ) وحشتييييييييييييينى امنية: هههههههههههه يخربيت البكش .. مش هرد(بصت جوه ) يلا يامنة منى: طب انا كمان همشى شريف: طب تمام يلا يامنى مع السلامة وسام: ياض بطل غلاسه (بيتكلم بصعوبة) شريف: مش الحتتين الطراى مروحين يبقى يروح البودى جارد معاهم لحسن يتخطفو منى : دمك يلطش ومش هرد عليك ياشريف ، الف سلامة عليك يا وسام .. انا اخدتلك اجازة بكرة وبعده من الشغل شريف: طب وانا ؟ منى : انتى هتيجى ورجلك فوق رقبتك .. هو انت تعبان مانت زى القرد اهو شريف: جاتك قرد لما يتجوزك عشان يبقى قرد وشمبانزى تبقى كملت.. عائلة سعيدة فالجبلايه امنية : ياجماعة قعدتكم حلوة بس احنا متضرين نمشى (بتبص لمنى) مروحة ويانا منى : اه ماشى منة : الف سلامة عليك يا وسام .. انا هكلم شريف وهطمن عليك منه وسام: كتر خيرك يا منة متتعبيش نفسك منة : لا ع ايه ده انت حتى غالى علينا اوى امنية : طب يلا يا نحنوحة .. سلام ياجماعة شريف: هوصلكو شريف .. نزل بعربية وسام وصلهم ال 3 وطلع ع بيت وسام وبلغ مامته وباباه واحدة واحدة عشان ميتخضوش وجم معاه وهما مخضوضين وبيجرو .. عم سليمان : ف ايه يا استاذ عاصم .. ف ايه يااستاذ شريف عاصم الوالد: وسام عامل عملية ياعم سليمان فالمستشفى الدولى ورايحين نشوفه عم سليمان: الف سلامة عليه .. والله لولا انى ماقدرش اسيب العمارة كنت جيتله شريف: لا خليك ياعم سليمان هو انشالله هيطلع انهاردة مشيو من هنا ........... وصلت مى .. لاحظت مى ان عربية وسام مكانتش راكنة الصبح ..لانها كانت سهرانه فالبلكونة وملاحظتش العربية من امبارح بليل . وحتى دلوقت مش موجودة .. نزلت من العربية بعد م ركنتها ، وراحت ع عم سليمان .. مى: ازيك يا عم سلم عم سليمان: اهلا ياست مى .. مى: قولى ياعمو سليمان (حطت دراعها ع كتفه وهو قاعد) هو الاخ وسام مش ظاهر من امبارح .. هو مسافر ولا ايه ؟ عم سليمان: الاستاذ وسام .. ادعيلة عامل عمليه فالمستشفى الدولى ولسه الاستاذ عاصم والحجة رايحينله الاستاذ شريف جه خدهم .. مى : ايه؟ اتخضت !! جريت تانى ع عربيتها .. ركبت وراحت عالمستشفى وصلت وبعدين وقفت ع الباب كلمت نفسها " ايه ده !! ايه الى بعمله ده .. هو انا رايحاله ليه ؟ م يعمل عمليه ولا يموت وانا مالى لا مالى ازاى طب هبص بصة عليه من بعيد وامشى " لاقت نفسها داخلة من غير ماتحس بتسأل الريسبشانست ع رقم اودة الاستاذ وسام عاصم وطلعت .. كان باباه ومامته معاه جوه فالاودة .. الام: والله م جالى نوم طول الليل كنت حاسه ان فيك حاجة وشريف خبى عليا وسام: مكانش عايز يقلقكو ياامى الاب: الدكتور قالى وانا داخلك انك احتمال تروح انهاردة انشاءالله بعد التغيير عالجرح شريف: مش قولتلك ياض عمر الشقى بقى طلعت مى .. وصلت عند رقم الاودة ووقفت عند الازاز.. شافته وهو نايم وباباه ومامته جمبة وشريف .. وقفت من بعيد كده ومش محسسه حد بوجودها .. قامت والدة وسام راحت الحمام ووصلها شريف .. استخبت مى لحد م عدو فالكوريدور .. ورجعت بصت تانى .. وسام شافها !! وهى شافت ان وسام شافها اتكسفت بس رجعت عملت نفسها كانت ماشية ع طول راح شاورلها بـأيده من بعيد يعنى تعالى ادخلى دخلت وكالعادة بلسانها المتبرى منها : انت هنا ياض مقلوب .. ودى حادثه ولا ايه الاب: يابنتى بعد الشر عليه مى : ازيك ياعمو(قربت ع وسام عشان باباه ميسمعهاش ) وسام: لا انا عملت عمليه بسبب السم الى انتشر من العضه ، فاكره العضه(بصوت واطى) مى : طب قوم كده وصحصح ومتستموتش .. عشان لسه هعمل فيك مقالب وكده وبعدين انا عرفت انك هنا من عم سليمان قلت اجى الق عليك نظرة الوداع قبل م تموت وسام: لو متت مش مسامحك برضو (بيتريق) مى : هو الجار ايه عند جاره غير ان يسأل عليه وقت الزنقه والموت .. وانت دلوقت بتموت يبقى الله يرحمك بقى وسام: شكر الله سعيك مى : وغفر الله ذنبك الام جت ومعاها شريف .. شريف: الوتكة!! اهلا اهلا مى : ازيك انت كمان شريف: كويس ياختى الام: شكرآ يابنتى تعبتى نفسك والله مى : ازاى ياطنط (بتبص لوسام) ده حتى وسام ده يعنى غلاوته فقلبى مالهاش حدود (خبت وشها وبصت ناحيته وطلعت لسانها) سلام بقى خرجت بسرعة من الاودة .. وسندت ضهرها للحيط وضحكت ومشيت اما وسام سرح لفوق وابتسم وهز راسه وسكت ..... جرى شريف وميل عليه : ايه الحوار يا معلم وسام: جنان ماشى ع رجلين هههههههه