Lahat tayo nangangarap pero hindi lahat nabibigyan ng katuparan lalo na kung pamilya mo mismo ang hadlang sa pag abot nito. Gaya ni Glaiza na kahit minsan ay hindi sinuportahan ng ama sa gusto niya pero pinilit niya itong abutin kahit siya lang magisa. Dedikasyon at pagpupursigi ang nagtulak sa kaniya.
Ikaw kagaya ka rin ba niya o katulad ng iba na hanggang pangarap nalang?
GLAIZA's POV
Pangarap... lahat tayo meron niyan. Iba't iba man iisa lang ang gusto natin, ang matupad ito. Bata palang ako hinangad ko nang maging mahusay na mananayaw. Unti-unti kong naabot ang pangarap ko pero sa pag-abot nito kapalit ang pagkawalay ko sa aking pamilya kagaya ng ibang magulang hindi ito ang gusto nila para sa akin, kaya gagawin ko ang lahat para patunayan sa kanila na maipagmamalaki rin nila ako. Natuto akong itaguyod ang sarili ko dahil ayaw ko ring umasa sa kanila kahit pa nga may kaya ang pamilyang aking pinagmulan. May tatlo akong kapatid lahat sila may kaniya kaniyang pangalan na masasabi kong ipagmamalaki ng aking magulang. Si ate Marilou, abogada ang kinuha at ngayon isa na siyang mahusay na manananggol, si ate Emilyn ay isang engineer nasa Canada na siya ngayon kasama ang pamilya niya at si Sed ay ang bunso kong kapatid na doctor ang tinapos. Ako, eto! Natapos ko naman ang kurso ko bilang guro pero ibang landas ang tinahak ko, ang pagsasayaw. Lahat sila maipagmamalaki lalo ni papa na kahit minsan hindi ako sinuportahan sa pangarap kong ito, kaya gagawin ko ang lahat. Baka sakaling dumating ang araw na tanggapin na niya dahil ito talaga ang gusto ko, na sana isang araw maging proud din siya sakin, sana isang araw palakpakan niya rin ako at isigaw niya sa buong mundo na "Anak ko yan!"
BINABASA MO ANG
Dance is my Passion (RaStro)
RandomPangarap. Pag-ibig. Paninindigan. Anong kaya mong gawin para sa iyong mga PANGARAP? Hanggang saan mo kayang ipaglaban ang PAG-IBIG na maraming hadlang at gaano ka katatag para sa iyong PANININDIGAN?
