نحبك قولهالي

الحلقة الاولى : الجزء الاول

رجاء ماتاخدوش تعبي ❤
الشخصيات الكريمة والمهمة :
ريهام : م96
عمر: اصغر من ريهام بسنة وشخص همه قرايته من ايام الاعدادي
اسامة : اكبر واحد م 91. و خاطب 'بشرى م 94'
احمد : اخر العنقود م 2000 ومدلل من ناحية امه هدراز هلبا وتعز عليه ريهام هلباا من بعد ايمن

-بسم الله -

ريهام مكسدة مع امها و عمر كان يقرا ف كتاب ، شبحت لعمر بملل وبعدين فتحت التلفزيون

عمر : صكري الخرا
ريهام : واللهي ، امشي لدارك
ناجية : حي زهرة خليها
عمر : حتى انا فاضي قاعد معاكم ، و مشي
ريهام : يما نكد ف نكد ، فوتيها

وبدت تغير وحاسة بعيون ناجية قريب تاكلها ، خدت منها الجهاز وردت القناة

ريهام : يما مش حلوة اخخخ

ناجية : خليهااااا نوضي لدارك
ريهام : يماا
ناجية : نوضي

ريهام تسمع ف عمر يضحك عليها وهيا متنرفزة خشت للدار وصكرت الباب قريب قلعاته وتسمع تكشيخات ناجية . . .

واحمد ياناري قريب جاته الجلطة لما صكرت الباب ، تلفتت ريهام وشبحاته ، تي شن يدير هدا !

ريهام : شن ادير
احمد : شي ، فاتح الفيس
ريهام مع شبحة : هذا شي
احمد : ملل
ريهام : عارفة ياحميدة
احمد : شن تبي
ريهام بدت تضحك وهو يشبحلها
ريهام : ممنوع ندلع وخيي
احمد : قولي
ريهام : احمد امس طاح مني هاتفك ' قالتها بسرعة ' 😂🙈
احمد : شنوووو هييي مش شن تبي شن درتي انا عارفك المرة الجاية بترزيني ف عمري

ريهام ساكتة وتشبحله بحت فيها شوي وقاللها
:وينه
ريهام : هههه عند ماما
احمد : لاش توا كيف بناخده
ريهام : انت الدلوع وكيف بتاخده
احمد : اسكتي ، جاني طلب
ريهام : بنت ولا ولد
احمد : ولد ، ماعنديش بنات الا انتي
ريهام : اممم
احمد : الساعة قداش
ريهام : الساعة سبعة

احمد ناض يجري ريهام استغربت وبعدين بحثت لقاته مخلي اللاب مفتوح ، طلعت من حسابه وفتحت الغوغل

طبعا ريهام مدمنة ع حاجة اسمها ون دايركشن

ريهام : مهناش اغنية جديدة حرام الهم

صكرت اللاب وناضت ادوش ، خشت للحمام (حشاكم )وطلعت

تخلص ف شعرها و ع خشة احمد تاني
ريهام : تعرفش اطق
احمد : لا
ريهام : خيرك طلعت تجري ؟
احمد : عمر نادا عليا
ريهام : تعرف من منو تخاف
احمد : لا مش هكي
ريهام :شاد عليك حاجة
احمد : لا

ريهام : كداب

احمد : اي كداب مدخلكش

ريهام : هههه واضح اصلا

خدي اللاب وطلع وهي تسرح ف شعرها كملت ، دارت قهوة و مشت لامها
ريهام : يما
ناجية : هنا
ريهام حطت الصفرة ونادت ع ايمن باش يشرب معاهم

ناجية : سمعتي ب بنت رقية
ايمن : اسكتوا حرام عليكم
ناجية مع شبحة : نكلم ف اختك
ريهام ضحكت عليه وهو شرب من القهوة وسكت
ريهام : خيرها
ناجية : قالو اعطوها
ريهام : لمن
ناجية : مانعرف الحق لكن كبير عليها
ريهام : امم
ناجية : وانتي امتا بنعطوك

ريهام كانت تشرب ف القهوة وشرقت وايمن بدي يضحك

ريهام : يما دوقي من الكيكة درتها من النت
ناجية : نسيتها
ايمن : انتم اخطبولي قبل ، مشيتي لبنتك طول
ريهام : هههههه عليك نور يابايخ
ناجية : الخوت جو ضدي ، باهي تو تشوفو

ايمن قام حواجبه لأمه وبدي يضحك مع ريهام وناجية تشوفلهم قطع عليها الاتصال ع هاتفها

ناجية : الو

. . . يتبع