نحبك قولهالي

الحلقة الثالثة عشر

رمضانكم مبارك
صحة فطـوركـم

🌙✨

مالك : خفي علينا النم حتى الضحكة حلوة

حياة هنا تجبست وسكرت عليه الخط طول و ع خشة رؤية

رؤية : تعالي ي خالتي
حياة : شوية وجاية بس
رؤية : باهي ماتعطليش

حياة تكلم ف روحها : انا اتصلت ب فرح شن دخله توا هذا ! معقووولة . . . اي والله هو ! الاشقر يلي شفته ف العرس هوو ؛ ي حياة يا غبية اخخخ ياراسي وخلاص

مشت لرؤية دورتها مالقتهاش
حياة : يارؤية
رؤية : هنا هنا
حياة : وين هنا
رؤية :ف دار قيس
حياة : شن اديري
رؤية : هاتف قيس هنا
حياة : باه وكان

رؤية قعدت تشبح ل حياة وتهزلها ف حواجبها وحياة مش فاهمه حاجة
رؤية : خالتي ليش مفهمتيش
حياة : لا فهمت و مفيش
رؤية : خاالتي غر هياا
حياة : لا وهيا اطلعي قدامي
رؤية : بااه

طلعت حياة ورؤية و كل وحدة مشت ل جهة ماعدا الصالة اللي فيها ناجية وهالة وطبعا هالة تبي تفتحلها موضوع ريهام ومايواتيش
ناجية : بنتي ريهام زمان هيا وفرح ماكانوش يحبو بعض توا زي الخوات سبحان الله
هالة : هههه سبحان مغير الاحوال . . فرح اللي عيونها تبارك الرحمن ولا ؟
ناجية : اي هيا . . هديكا طالعة لخالتها ربيعة
هالة : اها اي امها عيونها مش رصاصيات
ناجية : حتى انا ايمن عيونه سود طالعات للمرحوم
هالة : ايمن الي بعد العريس ولا
ناجية : اي هو هدا وليدي
هالة : عقباله زي وخيه ان شاء الله
ناجية : ان شاء الله . . سكتت شوية وكملت . . نهارها نتكلمو ع ريهام ناض هو يقول وانا وين ناسيتني ههههه
هالة : ههههه ماله و مالها هو ههههه
ناجية : هههه اي حتى هي راسها مسكر تبيش توا
هالة : عادي زينها تبي تعيش حياتها قبل
ناجية : اي حياتها ف حوش راجلها وبعدين مالك شن ناقصه

هالة تخزرطت قعدت ساكتة شوية وردت
هالة : قصدك ريهام عاطيينها . .
ناجية: هو قولي نص النسبة عاطيينها . . حتى حليمة عليها الامان

هالة زادت تخزرطت معناها لا تفكر فيها ل قيس لا ل ولد الجيران
هالة: قصدك ولد حليمة مالك هدا
ناجية: اي ماشاء الله عليه من ند ولدي ايمن
هالة : اااه باهي ربي يتممها على الخير
ناجية : اي . . . هاتفها بدي يرن . . ايوا ي وليدي . . اي . . ماشي هي . .
هالة : قصدك جي وليدك
ناجية : اي البرا يستنى
هالة : باهي خلي ينزل يقعد مع قيس وتعشو هنا
ناجية : لا لا صحيتي ريهام ف الحوش مرات بروحها بنمشي
هالة : اها

نزلت حياة ورؤية وسلمو ع ناجية قبل ماتطلع وصلتها هالة وولت

هالة : تعااالو يعطيكم السلامة
حياة : خيرك يما
هالة : توا ي حنانة نهدرز مع ناجية وتقولي حاجة تخزرطت
حياة : شن فيه يما
هالة : توا مش سألتي ع ريهام وقلتي البنت مش معطية
حياة : ايه
هالة : امالا قتلي ناجية عاطيينها لولد حليمة . .
حياة : العفو انا سألت بنت حليمة ب طوبتها وقتلي لا معقولة ما تعرفش ع خوها
هالة : الله اعلم ي بنيتي توا البنت نفوتوها والمكتوب بيصير
حياة : اممم باهي نستأذن نمشي نرقد
هالة : باهي بنيتي تصبحي على خير
حياة : تلاقي الخير