البرنامج حذف الحلقة ومعش قدرت نردها لذلك عطلت ، استمتعوا ✨
لما طوقت الدبلة صبعها زغرطوا البنات ، هي بس تضحك ومتحشمة من أيمن اللي كلاها بعيونه ، خدت الدبلة من ريهام وكانت بتحطها لكن أيمن صكر يده مما خلاها تشبحله وتفنص فيه ، اللي معاهم كانو مبتسمين للعصفورين اللي قدامهم كيف لايقين ع بعض و حليمة وناجية كل مرة يباركو لبعض .
بعد تفنيصة فرح أيمن فتح يده ولبساته الدبلة ، كانت احلى لحظة تمر على بطلتنا ربهام ، شافت صاحبتها وخوها يلبسو ف بعض ، بعد قصة حب غريبة قصيرة أيمن اختار فرح تشاركه حياته ، ضحكت والدمعة في عينها ، شعور ماينوصف لما تكون شاهد ع حكاية حلوة ونهاية احلى ، كملو مناسبتهم كأي اجراء في حفلات الخطوبة بعدها هو طلع ، وياريته ماطلع ، جوه صحابه قاموه من يديه ورجليه ومشو بيه كالعادة عند الشباب تقاليد خاصة للاحتفال .
ريهام : مرت خوووي
فرح تضحك : حماااتي
وكملت : ع فكرة انتي مش حماتي مزال
ريهام : وانتي مش مرت خوي
فرح : شفتي خطيبي حلاته كيف طالع
ريهام : خمسة وخميسة ع وخيي
فرح : لو شفت منظره قبل لا يخش اكيد منعته
ريهام شبحتلها ضحكت وشوية كانو حاضنين بعض ويهبلو .
حياة : حبيي مبرووك
فرح : يبارك فيك
حياة : استاحشتكم . . وضربت كتف ريهام
ريهام ضربت كتف فرح : حتى نا
فرح : ما استاحشت حد
ريهام : هههههه اخس
حياة : هههه فهمتيها ولا
ريهام : اي
فرح : مش ناقصني ضرب
حياة : خلاص وين أميمة نبي نشوفها ؟
فرح : لابسة النيللي
حياة : حلاتها . . كيووت
ريهام : حتى نا بنولي دبة ونولي كيووت
حياة : نستنى فيك هههه
ريهام : شن حال عزوزك ؟
حياة : اسكتي ساكت هههه
فرح : واعرة هههه
حياة : هههه اي وهلبا لدرجة اني قعدت نقارن فيها بعزوز نور
فرح : من نور ؟
حياة : نور الشرقاوي
ريهام كانت تشوف للحاضرين ولما سمعت اللقب تلفتت ، فرح ركزت ع حركة صاحبتها لكن خلتها لبعدين .
فرح : علاش خيرها عزوزها ؟
حياة : هو مانحبش نحكي بس . . . عزوزها ماتبيهاش لانها كانت تبي بنت اختها كنتها لكن ولدها صكر راسه وخداها ومن هداكا النهار و هي ماتعاملش فيها مزبوط حتى حفيدها ماتشدش فيه .
أنت تقرأ
نحبك قولهالي
Roman pour Adolescents"نحبك" ماتقوليهاش لاي كان ، الا لما قلبك يجزم انه طاح وغرق في حب فلان ، وهذا اللي داراته ريهام . . كانت عارفة الكلمة وشن فيها من معنى . . لكن مش عارفة قلبها شن يقوللها ، فهل تأخرت وهي تحاول تعرف شعورها ؟ قصة ليبية ❤ من نسج خيالي ☺ ح تلاحظو انه فيه...
