حياة : ان شاء الله لا
فرح : علاش لا
حياة : الحق . . . كنت نبيها ل قيس
فرح : تبصري
حياة شبحتلها ع جنب
فرح : مش قلتي قيس خطب
حياة : اي نصيب باللهي
فرح : تبي الحق الولد كويس وح تقعد فرحانهه معاه هلبات
حياة : ربي يجمعهم
فرح : كان سمعاتك راهو زعلت منك
حياة : اي عرفت روحي غالطة خلاص ان شاء الله توافق
فرح تشبحلها وتخمم وبعدين تكلمت : ماتزعليش مني بس علاش انتي لتوا مش مخطوبة ؟ . .
حياة رعشت وحاولت تغير الموضوع : ريهام جت
ريهام جت وف ايدها الكيكة و من هنا خدو يهدرزو البنات و غيرو جوهم ، ريهام كانت تسرح بين الوقت والتاني وتفكر ف حركة عيسى
فرح : الحلو وين سرحان
حياة : ههههه
فرح : اشي قعدة سرحانه ههههه
حياة : شن درت ف روحي خشيت سريب الحب
ريهام : حي عليا غير شن درتو ي مهابيل
حياة : شنو
ريهام : أيمن ف الجهة التانية من الجنان
فرح : يجرح مايداوي مالقولاش دوا لا طب ويو ويو
حياة : هههه خيرك ي فرح
فرح : شنو
حياة : مش قتلك خوها غادي
فرح : يمشي يشيت
حياة : حي قيس متصل
ريهام : به وكان
حياة : البرا يستنى
ريهام : مش بتقعدي للعشا
فرح : خليها الخاينة هادي
حياة : مرة تانية ان شاء الله
ريهام : قردة والله
حياة : ههههه صحيتي هيا بالسلامة
ريهام : بالسلامة باي
فرح : سلميلنا ع هالة
حياة : يوصل
فرح غمزت ل ريهام وهيا تصكر ف الباب وتشبحلها
ريهام : ها خيرك
فرح : لا شي اسمعي حتى نا بنمشي
ريهام : حتى انتي
فرح : اسكتي العشية كلها عندك
ريهام : امم باهي اقعدي تعشي بعدين بري
فرح : لالا حبيبتي حتى نا عندي حوش
ريهام : هههه تحسابي روحك مرا بصغارك
فرح : اعوذ بالله ههههه هي باي
ريهام : باي هههه
طبعا فرح ولحظها الحلو اللي عارفينه فتحت الباب وتلقا قدامها أيمن . . يعني حتى هو فتح الباب من برا ، قعدت واقفة وهو واقف من بيتحول مش معروف ، تحول هو و ملامحه هادية فرح طلعت خط وماتلفتتش
أيمن : ماكان ناقصني
خش ولقي ريهام مهناش وناجية جت بعده من حليمة
ناجية : امتا جيت
أيمن : توا
ناجية : اه باهي ماتطلعش خلي نتعشو
أيمن : باه
ناجية : ي ريهااام ، ريهااام
أيمن : اكيدة مسكرة دارها
ناجية : البنت هادي ربي يصبرني عليها
أيمن : باهي بنقولك
ناجية :.نعم وليدي
أيمن : شن قالت ع الموضوع ؟ الولد مش حيستنى طول عمره
ناجية كانت عارفة انه الولد مش ح يستنى ديمه ولكن ريهام مابتش تفكر اصلا واذ انها قالت لا ، لانها كانت منصدمة و مخلطة عليها وبما انه بنتها كانت بعيدة عن المواضيع هادي . . .
ناجية : ريهام موافقة
أيمن : بجديات
ناجية : اي
أيمن : ممتاز ، ملا خلي نتصل ب أسامة نقوله لانه قالي نبلغه شن بتقول
ناجية : باهي
أنت تقرأ
نحبك قولهالي
Novela Juvenil"نحبك" ماتقوليهاش لاي كان ، الا لما قلبك يجزم انه طاح وغرق في حب فلان ، وهذا اللي داراته ريهام . . كانت عارفة الكلمة وشن فيها من معنى . . لكن مش عارفة قلبها شن يقوللها ، فهل تأخرت وهي تحاول تعرف شعورها ؟ قصة ليبية ❤ من نسج خيالي ☺ ح تلاحظو انه فيه...
