نحبك قولهالي

الحلقة السابعة عشر

ريهام : احمد خيرك !؟
احمد : شنو . .
ريهام : شن العياط اللي نسمع فيه من دارك !
احمد : عياط شن. .و . .ااه اي انا نتفرج ع فيلم تعالي
ريهام : رعب كالعاده
احمد : بعدين كيف سمعتي الصوت
ريهام : سمعته شن كيف سمعتي الصوت (تقلد فيه ) احمد : خوااافه ههههه معناها خفتي ولااا
ريهام : ايي خفت الحق . . حسبته فيه حاجة
احمد : لا
ريهام : باه شن قاعد نايض ؟
احمد : شن دخلك ، بري ارقدي
ريهام : جدري

رجعت و ماقدرتش ترقد ، في الصبح احمد قاعد اخر واحد وماناضش . . المهم ينادو فيه وهو مش معدل . . لما مشتله ريهام فتحت الروشن وطفت المكيف ناض ع طول
ريهام : ههههه كنت عارفة
احمد : مبردك

بين مايفطرو كانت ناجية تبي تقول حاجة لصغارها وتستنى فيهم يعدلو جوهم ، ايمن كان ع الخط وعارف امه شن تبي تقول . . باقي عمر وريهام واحمد .

ناجية : اسمعو
شبحولها التلاتة وايمن ماعدلش وكمل فطوره وناض
عمر : شن يما خيرك سكتي
ناجية : امس قلت لخوكم يتصل ب اسامة و كلمناه
ريهام : باه ؟
ناجية : المهم كلمناه ع جوه وجو المرا قالي انهم جايين الاسبوع هدا
ريهام : واخيرا
ناجية : خليني نكمل .
عمر : باه كملي يما
ناجية : المهم جايين وهو والمرا ماتفاهموش و بينفصلو
ريهام : العفو ياربي شن جاهم ؟
عمر : توا قبل مايتزوجو قريب يكلبو ع بعض
ناجية : اي قتله يتعوذ من الشيطان مرات لانهم ف غيظ وهكي دارو قرار اعمى ومرات . .
ريهام : مايطلع الا فيه حاجة ، ولدك وتعرفيه ي ماما لما يدير شي يديره ف مكانه . .
ناجية : ربي يهديهم
عمر : اليوم شنو ؟
ريهام : اربعاء
عمر : تاريخ ي غبو . .
ريهام : يمكن 20 (20/5)
ناجية : علاش
عمر : شهر وشوية
ريهام :اي

ناض احمد مع عمر للثانوية وقعدت ريهام وناجية ف الحوش . . ريهام مالقتش شن ادير و كسدت

ريهام : نمشو لخوالي ؟
ناجية : بتمشيلهم ع ظهري امالا
ريهام فكرت : اي صح . . باه بعد مايجو نمشو
ناجية : بعدين ساهل

-بالنسبة لخوال ريهام عندها خالة و خالين فقط واما من جهة العمام باباها كان الوحيد -

هاتف ريهام بدي يرن ، ناضت من بحدا امها ومشت تشوف ف الهاتف وين حدفاته ، لما شبحت اللي يتصل قلبت عيونها وردت

ريهام : الو
فرح : افتحي الباب انا البرا
ريهام : وين البرا ؟!
فرح : ف الجنان

ريهام صكرت الخط وطلعت لقتها مكسدة وين ماقلتلها ، المهم جتها وكسدت بحداها ، ساكتين . . ساكتين . . لين تكلمت فرح

فرح : آسفة
ريهام شبحتلها وقعدة ساكتة بين مافرح كملت
فرح : حياة كلمتني امس وقتلي كل شي
ريهام ومش معدلة : وانا اللي حسبته منك
فرح : والله يا صاحبتي امي قتلي كلام تاني ماليشي صلة ف كلامك انتي وانه اول ماخشيتي وليتي تلمحي وتلقحي وبعدين امي طلعت بدون حرف وانا حسبته هكي لما كلمتك انا جاية بنتأكد وانتي ماقصرتيش بالله عليك ي ريهام ماعمري جرحتك ب حاجة مااديريش حساسية زايدة
ريهام تشبحلها : انتي اللي بديتي الحساسية
فرح : اييه عرس نسيت عنادك انا