فرح : توا انا كيف وصلت ي ماما خيرك
حليمة : تبيني نكلمك ف الليل مثلا
فرح : غير خليني نرتاح ونبدل انتي عارفة قداش المحاضرة طويلة
حليمة : به ع الاقل قولي ايه ولالا
فرح : لا
حليمة : انتي ماشفتيش الراجل قعدة !
فرح : لا ومانبيش نشوفه
حليمة : علاش ماتبيش ؟ ولد ناس وحالته المادية ممتازة وسمح ماشاء الله
فرح : انا مانبيش قتلك مانبيش
ياسين : خيركم صلو ع النبي
حليمة : تعالا شوف اختك الحمارة جايها راجل يحسدوها فيه البنات وهيا ماتبيش
ياسين شبح ل فرح اللي اعطتهم ظهرها ومشت ، تلفت لامه وحط ايده ع كتفها وطبطب عليه
ياسين : خليها ع راحتها ي يما ف النهاية هيا اللي بتتزوج
حليمة سكتت وهزت راسها ومشت ، و ياسين مشي ل اخته لانه شاف الدمعة ف عينها و طقة طقتين يسمع صوت فرح من ورا الباب .
: ي ماما قتلك مانبيش
ياسين : انا ي فرح
فرح : تفضل
ياسين : شن الجو
فرح : باهي
ياسين : لاي درجة باهي ؟
فرح : شن قصدك
ياسين : انتي فاهمة شن قصدي !
فرح سكتت ومعش جاوبت لانها فعلا مافهمتش ع ياسين ، خمسة دقايق ورجع ياسين يسأل فيها
: باهي معليش تفهميني علاش كنتي بتبكي بكري
فرح : ماكنتش ح نبكي
ياسين شبحلها وكأنه يبي يعرفها تكدب ولالا ، و لما ملقاش اي تعابير ع وجهها ضحك وسيبها ، لانه عنده في باله سبب كافي . . .
بعد مروح من العمل دار أيمن دورة ف الحوش والواضح انه عمر يقرا من صوته اللي موجود ف الحوش كله ، ريهام تقرا ف وحدة من الروايات وماحبش يكلمها وأمه واخدة اتابع ف زهرة القصر، خش للصالة لقي التلفزيون شغال والضي والع ، الوسادة ع الطاولة ورجلين احمد كذلك ، فيه طاسة مية ف الرف التاني من الطاولة ومخدة ع وجه احمد اللي واضح انه راقد ، قعد يشوف وماهانش عليه المنظر ، خدي طاسة المية من الطاولة وكبها ع وجه اأحمد . .
احمد : ااهاهاا ي عن طوووط
أيمن : نوض بلا بسالة . .. امي ماشافتش الصالة ولا
احمد : لا
أيمن يشوف للتلفزيون : وهدا قداش ليه مفتوح ؟
أنت تقرأ
نحبك قولهالي
Teen Fiction"نحبك" ماتقوليهاش لاي كان ، الا لما قلبك يجزم انه طاح وغرق في حب فلان ، وهذا اللي داراته ريهام . . كانت عارفة الكلمة وشن فيها من معنى . . لكن مش عارفة قلبها شن يقوللها ، فهل تأخرت وهي تحاول تعرف شعورها ؟ قصة ليبية ❤ من نسج خيالي ☺ ح تلاحظو انه فيه...
