أيمن بصوت شبه معدوم: وشن يديرو بالسكر وانتي هنا
فرح : احم احم شن قلت ؟
أيمن : شي . . وين قتلك امي حاطة السكر
فرح : فوق ف السكرية الخضرا
أيمن خداها ونزل وما اعطاش السكرية ل فرح ، بين ماهي مدت ايدها بتاخدها حطها ورا ظهره . .
فرح : تي شن ادير انت هات الس . .
أيمن : لا نبي نعرف حاجة ونعطيهالك
فرح : تحلم . .هات البلي جاي
أيمن : باهي امالا بنردها ودوري من يجيبهالك
فرح : مصحك . . .به به شن تبي
أيمن : امس كنتي تكلمي في . . ؟
فرح : نكلم في ؟
أيمن شبحلها ببرود : هو هدا اللي نبي نعرفه ي ذكية
فرح : ترا قول والله ! لا مفيش
أيمن : والله وكان هادا نردها
فرح : باهي باهي كنت نكلم ف صديقة ليا
أيمن قام حاجبه بطريقة شك ويزيد يقيم ف السكرية
فرح : صديق . .افف
أيمن : اللي هوا ؟
فرح : ماعندك ما ادير باسمه تواهاتها
ناجية : ي فرح وينك ؟ عطلتي وطفيت ع المية انا
فرح : هات امك جاية !
أيمن : عادي احلا حاجة ، توا بتقوليلي ولا نخلي امي تجي وتفهم غلط
فرح : حسام ! . اسمه حسام
وخدت منه السكرية وهربت ، لاقت ناجية ف الطريق وحمدت ربها انها ماخشتش ، بين ما أيمن قاعد ف المخزن ويفكر ، منين طلع حسام هدا ؟!
أيمن : طريقك طويلة ي أيمن
وطلع يصفر ويخبط ف احمد ، مش انه احمد كان فايت ، لا! انه احمد كان متعمد انه يوقف ف وجهه وفي محياه ضحكة زبطها أيمن كويس ، المصلحة أو الهدنة . . .
أيمن : هات ماعندك
احمد : عيب ي خيي شن هات ماعندك
أيمن شافله مستغرب ومافهمش عليه
احمد : انت اللي هات ماعندك
أيمن : وعلاش ؟
احمد : شفت وسمعت كل حاجة . . توا شن بعطيني باش نسكت
أيمن : مهو هدا اللي كان ناقص اي
احمد : زعما ناخد السماعات متاعات البلوتوث اللي شريتهم الشهراللي فات من تونس ؟
أيمن : بتضرب ع القوي انت ؟
احمد : مهو اللي عندي قوي " وضحك" ونقدر نزيد شوي من عندي
أنت تقرأ
نحبك قولهالي
Novela Juvenil"نحبك" ماتقوليهاش لاي كان ، الا لما قلبك يجزم انه طاح وغرق في حب فلان ، وهذا اللي داراته ريهام . . كانت عارفة الكلمة وشن فيها من معنى . . لكن مش عارفة قلبها شن يقوللها ، فهل تأخرت وهي تحاول تعرف شعورها ؟ قصة ليبية ❤ من نسج خيالي ☺ ح تلاحظو انه فيه...
