ايمن : ريهام نبي ال . .
تخزرط ومعش عرف شن يقول و فرح تسب وتلعن ف روحها ومشت الداخل ع طول ، شوية وطلعتله ريهام تضحك وهو داير الحولة يشبح يمبن يسار الا ناحية الباب
ريهام : نعم خيرك
ايمن : اركبي لدار اسامة جيبي الدبوس متع البدلة
ريهام : علاش ناسيه هو
ايمن : كانه مش ناسيه علاش جايك انا -_-
ريهام : مبسلك باه تو نمشي اصبر
ايمن : بسرعهه . .
خطمت ريهام تجري و فرح خدودها حمر وحياة تضحك عليها و خدودها يزيدو يتحمرو
حياة : هههه تي مش هدا اللي نقشه زي ريهام ولا
فرح : باه
حياة : من زيك طرف ديمه ف وجهك هههه
فرح : ههههه حيوانهه مش هكي منظري تقوله انا نجري ورااه كل حاجة يلقاني قدامه . .
حياة : انه القدر (بطريقة درامية ) هههه
فرح : صكري فمك هههه
وخطمت ريهام تاني بسرعهه واعطت لايمن الدبابيس و كيف بترجع كلمها ايمن
ايمن : ريهاام
ريهام شبحتله بمعنى (تكلم )
ايمن : قولي للاميرة هديكا ترزن شوية
ومشي بعدها وريهام حلت فمها وبدت تضحك ودموعها ف عيونها ، خشت و فرح وحياة يشبحولها لين حياة بدت تضحك معاها
حياة : خيرك يافرخة هههه
ريهام : هههههههه ياحيااة ووه ههههههه
حياة : هههههه طيح سعدك خيرك هههه
فرح : شن بلااك ههههه
ريهام : كان تعرفو شن قالي هههههههه هههه
حياة : ههههه مانبيش نعرف انا
فرح : منو هههه وشن قال
هنا فرح تضحك تحسابه فيه حد كحل ريهام او شي من هكي
ريهام : قالي قوليلها ترزن ههههههه
حياة : ههههههه
فرح : شن ؟! من ؟!
ريهام : ايمن ههههه عليك انتي هههههه
حياة : اوووو هههههه
فرح : بجديات !
ريهام : هههههه لا نبصر ههههه
حياة : حي حي ههههه
فرح تعفلقت : خيره مصدق روحه هدا زودها !
حياة وريهام سكتو وفرح قعدت عاضة ع شاربها وشوية و طلعت ادور فيه
ريهام : حمارة انا ولا
حياة : اي هلبااا
ريهام : اوووووف
ايمن لما اعطي اسامة الدبابيس طلع هو وقيس وشاد الهاتف ف ايده بيتصل ، لما شافاته فرح جت ناحيته وقفت قدامه و قيس شافلها وشافتله وشافت لايمن اللي ماشبحلهاش قاعد
حمحمت قدامه باش رفع راسه وشبحها ، قيس كمل طريقه بروحه و ايمن يشوف لفرح ب (شن فيه ) قعدت تشبحله وترتب ف كلامها وكيف جاية بتتكلم قاطعها هو
ايمن : ها نعم ؟
فرح : انت شن تحساب روحك ! شخص كلاس ولا امير ولا واحد مشهور شن بالزبط ! قالولك رامية روحي عليك ونموت فيك ولا كيف من كادب عليك ! مرة اتنين تقابلنا بالغلط درت روحك حاجة كبيرة ! انا حسبتك مالك خوي جيت فتحت كان هدا ماعندي ماندير بخليقتك ! تواضع شوية لانه واصح عليك متكبر مدامك تفهم ع طول و بالغلط + وجاي تقولي ارزني ماصدقت روحك شوره انا مش خفيفه وماعمري كنت هكي ع الاقل مش اخف منك يااستااذ .
أنت تقرأ
نحبك قولهالي
Novela Juvenil"نحبك" ماتقوليهاش لاي كان ، الا لما قلبك يجزم انه طاح وغرق في حب فلان ، وهذا اللي داراته ريهام . . كانت عارفة الكلمة وشن فيها من معنى . . لكن مش عارفة قلبها شن يقوللها ، فهل تأخرت وهي تحاول تعرف شعورها ؟ قصة ليبية ❤ من نسج خيالي ☺ ح تلاحظو انه فيه...
