ناجية : الو
مريم : الو السلام عليكم
ناجية : وعليكم السلام
مريم : كيف حالك وحال العيلة
ناجية : الحمد لله سالمين وانتي كيفك
مريم : الحمد لله بصحة ناجية انا اتصلت باش تشرفوني لعرس وليدي الاسبوع هذا
ناجية : ااه ربي يهنينه ان شاء الله ، ان شاء الله يامريم
مريم : سلمك ، نراجو فيكم
ناجية (جارتهم ): ان شاء الله
مريم : بالسلامة وسلميلي ع رهومة
ناجية : يوصل بالسلامة
ريهام تاكل ف الكيكة وتشبح لايمن وايمن يشوف لامه ناجية اول ماسكرت تكلم ايمن
:من مريم هادي
ناجية : جارتنا ماتعرفهاش ، تسلم عليك ياريهام
ريهام : سلمها ، خيرها ؟
ناجية : عرس ولدها
ريهام نقزت من مكانها فرحانة : حي في عرس واخيرا حصلت عررس
ايمن : كانا صار منها بنتك يما
ناجية : هههه صدقت ياوليدي
ريهام اعطتهم شبحة ومشت تسمع في ايمن يصيح عليها : تعالي اغسلي الماعين . .
ريهام : اغسلهم انت
ايمن يضحك وخلاص وناجية تشبحله ، قامت الصفرة وع خشة اسامة
:السلام عليكم
ايمن : وعليكم السلام
اسامة : وين ياام
ايمن : في المطبخ
اسامة : وريهام ؟
ايمن : ضحك شوي ورد : في دارها
رن هاتف اسامة خداه شاف اسم المتصل وابتسم وناض قعد ايمن بروحه
: رنت الحبيبة وقعدت بروحي وانا ياربي نبي وحدة . .
ماكملش ايمن كلامه وجاته مخدة ف وجهه من اسامة اعطاه ايمن شبحة وقاله
: برا تكلم بعيد فيه سناقل هنا
طلع اسامة وخش احمد يضحك وماشبحش ايمن ف الصالة ، ايمن ف باله (هذا مداير عملة ) احمد شبح ايمن بطل ضحك وفتح الشاشة وقعمز وايمن مازال يشبحله
ايمن : شن مداير من عملة
احمد : شي
ايمن : كذااب
احمد : من قال
ايمن : انا قلت
احمد : لا انت غالط
وع خشة عمر متكنطي وراقيله ويصيح : من اللي كب المية ع كتاباتي . .
ايمن شبح لاحمد لقاه يشبحله وساكت بنظرة 'اسكت ' عمر وقف قدامهم
:من كب المية ع كتاباتي ساعة وانا نترجم الهم
احمد : مش انا
ايمن : احمد
احمد شبح لايمن وايمن يضحك عمر يشبح لاحمد وبعدها هرب وراه عمر وايمن مزال يضحك احمد لقي ريهام جي وراها
ريهام : خيركم العفو
عمر : اسألي الدلوع
ريهام : خيرك احميدة
عمر : تي شن خيرك احميدة تي كب المية ع كتاباتي وادلعي فيه
ريهام : وراس ايمن ماتمساش تو نوريه انا
ايمن يصيح من الصالة ومتكنطي : باه شن دخلي انا
عمر مشي وسيبهم وريهام شبحت لاحمد
: تعالا بنمسحو الاثاث
احمد :لاااا لا شن تحسابيني ها بري بري
ريهام : يا عمر
احمد : باهي خلاص خلاص شرفي
ريهام : سلمه الدلوع
ناجية تهدرز مع حليمة(ام عبد المالك )
حليمة : شن صار ف بنتك
ناجية : قاعدة ماتبي محوال
حليمة : انا مالك مهبلني كيف بنتك
ناجية وحدة موش هوينة : علاش زعما وغمزت لحليمة حليمة : لا متقوليهاش
ناجية : وين بتعرفي
حليمة : زعما
ناجية : نجربو ، عزماتك مريم
حليمة : اي ولدها هدا خوه صاحب مالك وبنمشو
ناجية : اممم
فرح م95(اخت مالك ): السلام عليكم ، وحطت القهوة
ناجية &حليمة : وعليكم السلام
فرح : كيف حالك عميمة
ناجية : الحمد لله بنيتي وانتي
فرح : تمام شن جو ريهام
ناجية : ماشية
فرح : في الحوش ؟
ناجية : اي مكسدة مع خوتها
فرح شبحت لامها 'نمشي ولا لا ' هزت حليمة راسها 'بري' وفرح شدت الطريق وخلت ناجية وحليمة
فرح لقت خوها قدام الحوش
عبد المالك : شن جاية اديري
فرح : جاية لريهام انت شن ادير
عبد المالك : صاحبي. هنا
كملت فرح طريقها وخشت للجنان وتخبط ف ولد طويل ونقشه ع الاسود واسمر شوي هو شافلها آية من الجمال عيون رصاصية مرة وحدة
ايمن : بسم الله
فرح : لا حصل خير
كملت فرح طريقها ووجها زي الطماطمه وايمن شافلها لين خشت وطلع لي عبد المالك
فرح كسدت مع ريهام وريهام فرحت واجد لانها راس بنية وماعندها ع منو تهدرز وخطرها على فرح ايمن
فرح : ريهام
ريهام : همم نعم
فرح : مبكري وانا طالعة لاقيت . . قاطعتها
ريهام : ايمن
فرح ووجها بدي طماطمة : امم ايمن
ريهام ضحكت ونخصتها من كتفها : شنووو هاه
فرح : لا شي
ريهام : امم باهي ياحنه
خطرها على ايمن وعبد المالك يهدرزو ف القهوة
ايمن : سيب القرااية مهو غبي خوك هاذا
عبد المالك : شن بنديرله ياايمن
ايمن : صبي لخوك ميصيرش هكي
عبد المالك : فوتنا منه توا شن مداير
ايمن : حال الكساد خدمة حوش خدمة حوش انا قريب نسافر
عبد المالك : لنقنه حل بنطير معاك شكلي
ايمن : تعالا قبل بنرفع ريهام
عبد المالك سمع اسم ريهام استاكه معرفش شن يقول ، هو صح مايبيهاش لكن مجرد رد عفوي منه
عبد المالك :
يتبع
❤
أنت تقرأ
نحبك قولهالي
Fiksi Remaja"نحبك" ماتقوليهاش لاي كان ، الا لما قلبك يجزم انه طاح وغرق في حب فلان ، وهذا اللي داراته ريهام . . كانت عارفة الكلمة وشن فيها من معنى . . لكن مش عارفة قلبها شن يقوللها ، فهل تأخرت وهي تحاول تعرف شعورها ؟ قصة ليبية ❤ من نسج خيالي ☺ ح تلاحظو انه فيه...
