مع تصكيرة ريهام على عيسى وهو مش فاهم حاجة حست انها غلطت وقعدت تشبح للهاتف ، نتصل ولا لا ؟ ، لكن لا اصلا قتلها فرح انه كان بناوتي مغرور ! وطبيعي من البنات يجو يكلموها ، لكن قاعد عندها شعور انها غلطت وقلبتها لهلبا دراما وبتعاود تتصل بيه لكن فرح قطعت اللحظة .
فرح : تعالي بنمشو ناخدو الزينة
وشدتها من ايدها ورفعتها ، ف حطت الهاتف ف جيبها لما لقت قدامها رحمة وسوار
ريهام : هادم نسيت انهم هنا
فرح : السماطة ع اصولها ولا
ريهام ضحكت ومشت تلبس ف حجابها ، وهيا مش عارفة ب عيسى اللي رقاله وسيب الجماعة وهو يتذكر ف جملتها الاخيرة ، يكذب ويستغفلها !من حط الفكرة الغبية هادي ف راسها ؟ ، خدي طريقه لحوشها اصلا الموضوع يبي وجه ل وجه لكن طلعتله ناجية وقتله انها عند هالة ل فرح بنتها
هالة : تفضل وليدي انا نتصل بيها ونقوللها تجي
عيسى : لا ي عمتي صحيتي مرة تانية ان شاء الله
وطلع بدون ولا كلمة وناجية تشبحله مستغربة خمنت انه بنتها مدايرة عملة اصلا من يجي ل خطيبته بعد أذان المغرب ! ومش صاعب تخمن انه ريهام الغبية حطت كلمة مش ف مكانها لذلك اتصلت بيها لكن ماردتش ، بين ماكان هاتف ريهام ع الوضع الصامت كانت هيا تشوف للشموع وفرح قامت وحدة بودرية . .
فرح : هادي تهبل
ريهام : اي حلوة ، شن رايك حياة ؟
حياة : اي ديروه كله بودري حتى انا اصبغوني بودري
فرح : انتي بتلبسي بودري سادك
ريهام : والله حاالة
حياة : هههه باه ناخدوها
فرح : حتى نا نبي حاجة
ريهام : زي شنو ؟
فرح : نبي حرف ال E
حياة : ههههههه
ريهام : اي شنو شن تخرطي. .. .
فرح : حرف ال E هكي نبيه كبير
ريهام بعد مافهمت : ي حيوااانه خزي . . .بعدين انا ناخده مش انتي
حياة : الحلو يغاار
فرح : هههههه شفتي مايطلع منها
ريهام : هيا وانتو ماصدقتو
خداهم الوقت وهما يهدرزو كيف بيديرو هديكا وهديكا وبعد العشا جي وقت المرواح ، وطبعا أيمن زي التاكسي وصلهم وروح بيهم بين ما ريهام كل مرة تلوح كلمة وهي تشوف ل أيمن و فرح ماغفلتش وفهمت .
فرح : هيا تصبحي على خير
ريهام : تلاقي الخير ي حبي
وأول ماخشت من هداكا الباب وتشدها ريهام جري وتجي ورا ناجية بين ما أيمن يمشي عادي جدا وشبحلها ببرود .
أنت تقرأ
نحبك قولهالي
Подростковая литература"نحبك" ماتقوليهاش لاي كان ، الا لما قلبك يجزم انه طاح وغرق في حب فلان ، وهذا اللي داراته ريهام . . كانت عارفة الكلمة وشن فيها من معنى . . لكن مش عارفة قلبها شن يقوللها ، فهل تأخرت وهي تحاول تعرف شعورها ؟ قصة ليبية ❤ من نسج خيالي ☺ ح تلاحظو انه فيه...
