فرح و ريهام فاتو العرس ومشو لدار ايمن كالعادة فضول ريهام مايخليهاش تصبر ، ومع محالاوت فرح الا انها خلاص بتشوف شن ف الكيسة . .
ريهام : ههههه صكري فمك اشش
فرح : ههههه هأ (شهيقة ) ههه مش عيب عليك ههه هأ
ريهام : تي اسكتي يافرخة ، وين حطيتها انا . . . . اهيا
فرح : مش عيب هكي
ريهام : ع اساس كان انتي مكاني ماكنتيش حديري نفس الحركة
فرح : ههههه هأ والله هههه حق هأ
ريهام : واوبا
خدت ريهام الكيسة وفتحت الهدية ولما شافتها حلت عيونها ع اخر درجة لين فرح سكتت وسألتها
فرح : شنووو فيه . . . . ماتقوليش مسدس انا حسيت خوك من منضره متع عمايل . .
ريهام تشبح لفرح بكلل بروود وفرح قعدة تتفلسف لين قطعت عليها ريهام
ريهام : مسدس شنو انتي تي شن تخرطي توا هدا باكو يجي فيه مسدس من عقلك يابنت .
فرح : وشن بنديرلك حليتي عيونك هلبا حسيته مسدس ريهام : وخوي من منضره متع عمايل صاار -_- اطلع ياحق ربي
فرح : هههههه باهي اسكتي شن فيه هنا (واشرت ع الهدية )
ريهام مدتلها الهدية وفرح شبحتلها ريهام قامت حاجبها وتشبحلها اما فرح مادارتش اي ردة فعل
فرح : باه
ريهام : شن باه ياحيوانة خاااتم وتقولي باه
فرح : الولد مكبد عادي ، ومرات لعمتي
ريهام : قداش مرة بنقولك لو كان خوك شن درتي -_-
فرح : اممم باه قصدك ماتعرفيش من هياا
ريهام : لا
فرح : غبااارة لا هكي ندير الانتربول انا
ريهام : زعما ؟
فرح : اكييد كان نخليهم ينفصلو
ريهام: اخس زيدي غادي
فرح : شاكة ف وحدة
ريهام : ههههه قلتيلي شاكة هههه تي هادا ايمن احتمال يتحشم هو مش هيا تتحشم
فرح : هههه كيف
ريهام : حشومي هلبا
فرح : اممم عادي شن فيها
ريهام شبحتلها بجنب : هيا ننزلو تو نحقق معاه امتا مانفضى بيه
نزلو وكانو نص المعازيم روحوا ريهام ماسلمتش من تلقيح امها عليها وفرح شادتها ضحك
بعد ماتمت السهرية ناجية مشت رقدت والولاد حتى هما خشو الا ايمن ، ريهام وفرح قعدو يضمو ع الخفيف وريهام خلاص بترقد و فرح زي الحصان حاطة السماعات وتنقز وتواسي يمين وتواسي يسار
وع خشة ايمن انصدم بالنسبة لفرح شعرها ديل حصان ومش مشحوطة مخليها مبهدلة ، ايمن ضحك ووحط ايده ع فمه و ساكت وشبح لوطا وفرح زي المهبولة ماشبحاتاش لين قامت عينها
فرح : اهلين شنجو
ايمن شاد ضحكته : الحمد لله
فرح : ها تفضل
ايمن : باه حولي من قدامي باش نفوت
فرح تحشمت ومشت من بحداه وايمن بدي يضحك وهو ماشي سمعاته
فرح : خيره خوك هدا
ريهام راقدة ع الصالون جت ضربتها بالمكنسة
ريهام : هااا شنو فيه
فرح : مخليتني بروحي يابقرة والحوش ليك
ريهام : عاتي باش ناخدوك لايمن
فرح : ياملا ايمن قتله شنجو بدي يضحك
ريهام : هههههه كيف
فرح : نضم وشفته قدامي كلمته وهو داس ضحكته
ريهام : هههه كلمتيه هكي (دارت ريهام دورة ع وجهها بصبعها بسرعة )
فرح : اي وشن يعن. . . هيييي كب اياامي وانا نقول خيره
ريهام :هبلة
فرح : حتى وشاح مش لابسة ولا خليك ع شعري تي من هادي مش اناا
ريهام : نظرة شرعية ههههههههه 😂
فرح : اسكتي خزووو
ريهام : باه باه انا بنمشي نرقد هيا
حدفت فرح المكنسة :هيا
ريهام حطت راسها ع المخدة رقدت طوول من التعب ، فرح متربعة ف مكانها وعاضة صبعها وقعدة تفكر ف حظها النحس
قيس دقيقة ماكملتش وهو يفكر بعيونها وبعدين رقد ، مع انهم عيونها صغار شوي لكن عيونها يلي مكحلات من ربي ♥
#يوم جديد
قيس ناض بكري للعمل لاقى رؤية و امه ، حياة قعدة راقدة من سهرة امس
قيس : صباح الخير
رؤية : صباح الفل خالو
هالة : صباح النور
قيس : شنو وين حياة
رؤية : راقدة ياناري امس الليل كله تقرا
قيس : قلتلها مفيش طب عاندتني
هالة : اسكت انت تخصصت اللي تبيه وهيا تبي طب قداش مرة بناقشك ع الموضوع
قيس : به تو نسكت
رؤية : ترفعني ع طريقك ولا هيا عطلت
قيس : هيا ياخالو
ثانوية رؤية بحدا الجامعة يعني زحمة وجو اغبر ، قيس نزل رؤية وقعد يشوفلها لين خشت الثانوية و طلع ناشاته سيارة درس ونزل متكنطي ولقاه عبد المالك
قيس : هو انت
عبد المالك : ههه انا
قيس : خيرك شورك نايض بلا نية
عبد المالك : تي رقدت ساعة بس
قيس : علاش
عبد المالك : عرس الاخ اسامة
قيس : هههه وشنو الليل كله ادور
عبد المالك : لا غر . . .
قيس : باهي باهي توا نبي تعويض
عبد المالك حل فمه شوية وبدي يضحك قيس
قيس : نبصر معاك امشي قول باهي انا مش حد تاني
عبد المالك : هههه والله قدر هي نشوفوك
قيس : نشوفوك
عبد المالك قام هاتفه من السيارة ويتصل ب ايمن
عبد المالك : شوره راقد الحيوان
رنة رنتين ورد ايمن
ايمن : ايوا
عبد المالك : راقد ولا
ايمن : شنو
عبد المالك : بلاش نوض بنخطم ع مكان نبيك معاي
ايمن : انت منو
عبد المالك : ياعن . . . مالك يابهيم نوض فيسع
ايمن : حيوان صبح صبححح
عبد المالك : شن بنديرلك انت بسلتهم . . .
وسكر عليه ايمن الخط ، ناض ايمن زي الراجل الباهي ودار ماعليه كل صبح ونزل ينادي
ايمن : ياريهام نبي نفطر
ريهام : صباح الفل
فرح هنا نخرطت بالضحك وهنا ركز ايمن انها ف المطبخ تلفت لريهام
ايمن : هاهاها صباح الورد
وطلع برا وريهام بدت تضحك عليه
فرح : حرام عليك حشمتيه
ريهام : مالا شن يستاهل
فرح : باه امشي ارفعيله فطوره
ريهام : هاك ارفعيه
فرح : امشي قليلة الادب
ريهام : باهي يااخلاق
وطلعت تضحك مشت للصالة لقت ايمن اللي قريب ياكلها بعيونه و خطر عليها الخاتم زعما لمنو ؟
ريهام : ايمن . . ؟
ايمن : شن درتي
ريهام : ههههه وين الفلوس
ايمن : فلوس شنو
ريهام : -_-
ايمن : اااه مفيش
ريهام: علااش
ايمن : لانه مفيش
ريهام : باه الخاتم لمنو
ايمن قعد يشبحلها ماستوعبش بعدين حط ايده ع وجهه وشبحلها تاني
ايمن : عرفتك ح اديراها
ريهام : لمنو ولا نقول لماما
ايمن : شن دخلك قولي لماما اونه قدامك
ريهام : ياناري ع فرح
ايمن : من فرح ؟ وعلاش ؟
هنا ريهام عرفت روحها قالت حاجة غبية ماليهاش صلة بالواقع وايمن يشبحلها مصدوم لانه فهمها بجديات ومن يومه مايعرفش البصارة وفرح الحلوة كانت تسمع فيهم لما سمعت ريهام بدت تضرب ف روحها زي المهبولة
ايمن : خيرها من هيا ؟
ريهام : فرح هادي . . .
وع خشة عبد المالك
يتبع . . ❤
أنت تقرأ
نحبك قولهالي
Fiksi Remaja"نحبك" ماتقوليهاش لاي كان ، الا لما قلبك يجزم انه طاح وغرق في حب فلان ، وهذا اللي داراته ريهام . . كانت عارفة الكلمة وشن فيها من معنى . . لكن مش عارفة قلبها شن يقوللها ، فهل تأخرت وهي تحاول تعرف شعورها ؟ قصة ليبية ❤ من نسج خيالي ☺ ح تلاحظو انه فيه...
