عبد المالك : السلام عليكم
ريهام شبحت عبد المالك طلعت تجري وفرح ارتاحت اول ما سمعت عبد المالك
ايمن : وعليكم السلام
عبد المالك : ياراجل قاعد تفطر شن البخل اللي ضارباك
ايمن : ماتعرفش تسكت خلي نكمل براحتي
عبد المالك : انا تلقاني ف السيارة ماتعطلش
ايمن : برا واسكت
ايمن : ياريهاام
فرح كانت تعيط ع ريهام على عملتها وين سمعت صوت ايمن شبحتلها وريهام مشت تجري تاني
ريهام : نعم
ايمن : انا طالع
ريهام : امم باه
طلع ايمن ورفعت معاها الفطور وفرح تستنا فيها ع الجمر خدت منها الصفرة وفيسع ماقعمزتها وريهام مستغربة
فرح : يرزيني فيك يادعوة شن قلتي
ريهام : استغفر الله شن دخلك ضروري فرح انتي انا زلقت فيها بس
فرح : لا حيظنوا انها فرح انا ريحي ضميرك
ريهام : ياودي ميعرفكش انك فرح خيرك
فرح : تخيلي سمعك مالك ياقردة شن صار بعدين
ريهام : هو ماسمعنيش علاش نتخيل هيا شملي كمامك وخلي نكملو الحوسة
#حوش_هالة
حياة ادور ف الحوش مالقت حد حتى قيس اللي مفروض يرجع توا مارجعش استغربت ومشت اتصلت بامها
حياة : ايوا وينكم
هالة : وعليكم السلام ورحمة الله
حياة : وين انتي
هالة : عند ناجية
حياة : انا خاطري نمشي مش تعرفي
هالة : اي تعالي بعدين مع قيس
حياة : وينه هو ماجاش قاعد راه
هالة : العفو مفروض ف الحوش توا
حياة : لالا مهنااش
هالة : تو نتصل بيه ونشوفه سكري انتي
حياة : ماشي. . . ولا بلاش اهوا جي هي سلام
هالة : بالسلامة
قيس : خير شن فيه
حياة : لا كنتي نكلم ف ماما حسبتك معاها
قيس : وعلااش
حياة : نبي نمشي غاادي
قيس : ربع ساعة ونلقاك واتية
حياة فرحت وركبت لدارها طووول
قعد يستنا فيها ماجتش ربع ساعة فاتت وهو ينادي عليها مشي ركب لدارها قعد يطق مافتحتش وهو ينادي خلاص شغل باله مرات صايرلها حاجة وخش للدار يمين يسار مالقاهاش
قيس : ياحياة
شوية وطلعت قدامه لابسة عبايتها وحطت السماعات ع جنب وهو غمض عيونه ومشا ايده ع شعره وهي تشبحله
حياة : خيرك شن فيه
قيس : كنتي حاطة السماعات !
حياة : ايه
قيس : قتلك وتي روحك مسرع مالحقتي وحطيتيهم
حياة : مانعرفش الا بيهم علاش شن صار
قيس : لا شي بري يامدام قدامي
حياة : نبي نمشي ومانبيش نخشلهم متنرفزة لذلك اسكت
طلعت هيا وياه وف الطريق مفيش سؤال وماخلتاش ع عيلة ريهام واجوبته طمنتها وهي تسأل لين وصلاته ف سؤال
حياة : عندهم بنات
قيس : راس بنت
حياة : مواليد كم
قيس :شن تشبحي فيا خديت معاها فنجان قهوة وندردشو
حياة : قنينة ؟
قيس : اي ماشاء الله عليها
حياة شبحتله ع جنب : معناها شفتها
قيس شبحلها ببرود وماجاوبهاش وحياة شبحتله نفس النظرة ومعش سألاته وصل ولقي قدامه مالك وايمن كيف واصلين حتى هما من مشوار
أنت تقرأ
نحبك قولهالي
Fiksi Remaja"نحبك" ماتقوليهاش لاي كان ، الا لما قلبك يجزم انه طاح وغرق في حب فلان ، وهذا اللي داراته ريهام . . كانت عارفة الكلمة وشن فيها من معنى . . لكن مش عارفة قلبها شن يقوللها ، فهل تأخرت وهي تحاول تعرف شعورها ؟ قصة ليبية ❤ من نسج خيالي ☺ ح تلاحظو انه فيه...
