رواية أما غرام يشرح الصدر طاريه و إلا صدود وعمرنا ما عشقنا / الكاتبة صدود/مكتملة

56

البارت السادس والخمســـــون ...

كنت بريئا

قالت لي أمي لا تكذب

قال أبي الصدق نجاة

وعشقتُ الصدق

صدق العَين.. وصدق القلب

وصدق الكلمات

ووقفت على هذا الميناء

فسمعت الناس ينادون الأقبح

أنت الأجمل!

والأكرم أنت الأبخل!

والبغل أنت الفحل!

واللص عفيف الذيل!

فتعلمت هناك الكذب

المرحوم باذن الله تعالى..غازي القصيبي...

راجح بحدة\أنتي ماتتعلمين..؟؟لساتك تحملينها سبب موت سعود..
ماكفاك انها ميته ميييييييييته ياشوق..والحين حتى بموتها بتحملينها هم اخوك..
ليه واخوك وش سوى فيها لا بنقول وش بقى ماسواهـ..؟؟
سعود ماااات وهديل ماتت..وكاس الموت بيدور علينا و كلنا بنشرب منه..
وغازي ماهو بخالد في الدنيا..أخوك مايستاهل تفكرين فيه وتهتمين لأمرهـ..
مجنون بكامل قواهـ العقلية..
شوق بصراخ مكتوم\عـ عـــ....ــمي لاتجرحني تكفى..
ألووو عمي وينك..؟؟
رمت الجوال وهي تبكي بقهر..لما ادركتانه قفل الخط بعد كلامه..
شوق باختناق\خلااااااااااااااص فهمت انها ماتت
أدري انها مابترجع..وسعود مابيرجع..وأدري اني واياها بنتحاسب قدام ربي...
بس أنا ندممممت والله ندمت على اللي سويته..انا ماكنت شريرة ولا قاسية الا معها..
بس أنا تبت والله العظيم تبت وتمنيت القاها وأصالحها..
ليش ماتفهمووون لييييييييييييش..؟؟!
نزل طالب الدرج بسرعة وصل لها واقفة بنص الصالة ويدينها تشد على شعرها بقهر..
مسكها وصار يهزها بقوة..
طالب\شوق وش فيك..؟؟أنتي من تكلمين؟؟
شوق ردي علي ياقلبي..
شوق بنحيب\والله ندمانة..هي تعذبت كثير..
بذنب ماهو ذنبها كرهتها كثر ماكرهت اخوها..
بس الحين انا ما اكرها..وغازي يحبها وهي ماتت..
انا مشتاقة لاخوووي ابيه..ابي اشوووفه من بعدها..
شوفوا حالي وانا اللي ماكنت احبها شوفوني وش سوى فيني موتها..
أجل اخوي وش سوى فيه موتها وهو يحبها..
ايه يحبها مهما ضربها وعذبها كان يموووت عشانها..
طالب بقوة\طيب خلاص اهدي..مو قلنا البنت ماتت الله يرحمها..
وش اللي قلب حالك الحين..؟؟وش اللي صارلك؟؟
شوق تبكي\عرفت غنه يحبها من زمان وهذا كان يقهرني..
ليه يحبها وهي اخت قاتل اخوهـ..بس هو معه حق يحبها..
حتى انت ياطالب حبيتها...ما احد قدر يكرها..
عمي راجح ندمان عليها كثير..لو بيده يذبحنا عشان قهرناها..
وأمي حبتها حضنتها ماقدرت تكرها..
كلكم حبيتوها..وكلكم ألمتوها وظلمتوها..
مو انا لحالي..بسكم ظلم ذبحتووووني..
ابي ارتااااح بس مو قادرة..ماني قادرة آآآآآآآآآآآآآآهـ..
طالب يضمها\لاحول ولا قوة الا بالله العظيم...
شوق إهدي وإذكري ربك..قلنا لك الله غفور رحيم وأنتي تبتي..
إنهيارك هذا بين فترة وفترة مايعتبر صبر وإحتساب يا قلبي..
بعدته عنها بقهر وصارت تدور بمكانها بقلة حيلة..ضربت الكرسي برجلها بقوووة ..
رمت الفازة على الأرض ضربت طالب وبعدته عنها وهي تبكي ...
شوق\ابعد عني أتركني..
وحتى لو حاولت أنسى انتوا ماتخلوني أنسى...
دائما تحسسوني وكاني انا اللي قتلتها..
طالب انت حبيتها ومن قلبك..من دون ماتدري هي من تكون..
حبيتها وهذا لازال يطعني..بس وش الفايدة بترديد الماضي..
ليه أحس بغيرة منها وهي ميته ومدفونة...؟؟
لانها احسن مني..حتى وهي ميته أحسن مني..
كلنا لما نذكر موتها نتالم ونندم على غيابها عنا..
لاتزيدونها علي..ندمانة ومقهورة أكثر منكم كلكم...
تركته واقف بالصالة يفكر وش اللي قلب حالها وهي طلعت لغرفتها..
ناظر بجوالها المرمي ع الأرض..
شاله وفتح آخر المكالمات المستلمة كانت من قبل ساعتين من رشا..
الصادرة قبل دقايق لــ راجح...
قفل الجهاز وهو متأكد إن راجح ثقل بالكلام على شوق..
طلع لها وأنصدم لما شافها طايحة بالغرفة وتأن بألم...
رفعها عن الأرض ووجها مخطوف لونه..
طالب\شوووق وش فيك؟؟وش صاير لك...؟؟
بسم الله عليك شوووق وش فيك ردي علي...
ماكانت ترد عليه الا بشهقات ألم ويدينها ملتفة على بطنها..
أرتعب لما انتبه لها تنزف وتتلوى من الألم..
طلع عبايتها ولمها عليها بسرعة..
نزلها السيارة بسرعة واخذها ع المستشفى..
كانت تبكي وهي تصرخ بألم..
وتردد بزعل وصوت مقهور..
شوق بألم\والله ندمت ياطالب..قووول لهم اني ندمت..
آآآآآآآآآهـ ياربي سامحني ياربببببي...
طالب\شوق صلي على النبي..اللي تسوينه مايرضي ربك...
خلينا نشوف وش صاير لك..شووق....شوق
ماردت عليه وأختفى صوت تألمها..
ألتفت عليها بسرعة وكانت غايبة عن الوعي..
صرخ باسمها ولا ردت..
زاد من سرعته وقف سيارته عند باب المستشفى نزل ع السريع شالها ودخلها المستشفى بسرعة..
دخلوها غرفة الطوارى وهو وقف في الإنتظار مهموم على حالها..
بعد وقت خرجت الدكتورة بخبر ماكان يتوقعه..
الدكتورة\أنت زوجها؟؟
طالب\إيه انا زوجها..طمنيني..وش صار فيها..؟؟
الدكتورة\حالتها صعبة جداً..ومافيه امل يعيش الجنين..
طالب بصدمة\هي حامل..؟؟
الدكتورة\بالشهر الثاني..بس ما اعتقد راح يتم الحمل..
ممكن أعرف سبب تعبها..هل تعرضت لحادث او ضرب ..؟؟
طالب\يمكن تقولين صدمة نفسية..
الدكتورة\راح ننقلها العناية إن نجى الجنين وهذا بنسبة 5% فقط
فـلــ لله الحمد..بس اذا صعبت علينا حالت المريضة لازم نجهض الجنين..
محتاجين توقيعك وتوقيع المدام...
أنسحبت الدكتورة وهو جامد بمكانه..
كانت بخير...تعشوا مع بعض وقرروا يسهرون على فلم جديد..
يدري إنها مانست هديل ولابتنسى اللي سوته فيها..
بس وش اللي قلب حالها كذا..وهي كانت بخير..
هو ماصدق على الله انها تتماسك وتستمع لكلام الشيخ..
آخر من كلمة راجح..الله يعينا عليك ياراجح وش قايل لها..
كان بيتصل عليه بس شاف الوقت قريب الفجر..
راح يوضي ويصلي بمسجد المستشفى...
وبعدها رجع يتطمن على شوق...