انا و أمي

الجزء 7

نغزتو بشوية و هو شاف فيا حيد الكيت من ودنو و تيتسناني نهضر .
انا : عافاك إلا مكان عندك مشكل ممكن نتبادلو بالبلايص هو : لا
انا صدمني بديك لا مكنتش متوقعاها فمرة شوية و هو يشوف فيا و ضحك : هههه غي تنضحك معاك بالطبع ممكن نتبادلو ، انا : صافي بلاش ، هو : o_O
انا : ههههه غي تنضحك معاك ، هو : واخا عليك تترجعي ليا الصرف، انا : شوية و صافي، هو : واخا الآلة معليش، تبادلنا البلايص و انا قلبت وجهي للشرجم حتا تنسمعو تيهضر : انت مغربية؟ أنا : لا جاورية مشفتيش العينين زرقين و الشعر زعر، هو : مشفتش هدشي ولكن شفت عينين كحلين كبار و شعر كحل مسبسب و بشرة بيضاء نقية و أنف صغيور زوين و فيم حمر تيشهي، انا : الله الله زيد زيد شنو باقي مدكرتيش، هو : مالكي ياكما قلقتك؟ أنا : سمع انا را معنديش مع هاد الهضرة و معنديش مع جنس الرجال أصلا، هو : علاش معقدك شي واحد؟ أنا : لا ممعقدني حد غي انا عندي مبادئ متنتنازلش عليهم و معزيزش عليا نتحل مع الرجال بزاف، هو : اول مرة غتقول ليا شي وحدة بحال هاد الهضرة، انا : ولكن انت ماشي أول واحد انقوليه فحال هاد الهضرة ،
هو : سمحيليا غير حيت انا فالأصل تنتعامل بزاف مع الأجانب مولفين نهضرو هاكا عادي، انا : ماشي مشكل تتوقع، هو : مقلتيش ليا شنو سميتك، انا : شنو السمية اللي تجي معايا؟ هو : ملاك، انا : ههه لا، هو : مكاينش شي مساعدة؟ أنا : تتبدى بالنون، هو : نرجس، نعيمة، نجلاء، نعمة ،نوال ،نبيلة ، نادية ، انا : ولا وحدة فيهم ههه ،هو : صافي استسلم، انا : نسيمة، هو : أمم مطاحتش ليا فبالي أبدا سمية متنسمعهاش كل يوم، انا : وي، هو : و حزري شنو إسمي؟ أنا : شوف فعينيا امم ياسين؟ هو (بصدمة) : كيدرتي عرفتي؟ أنا : هههه انا را عندي واحد الجنين ديما معاوني ،هو : لا تنهضر بصح، انا : هذا سر، ضرو راسو باش يعرف و مقلتش ليه، و انا عرفت سميتو من الباسبور ديالو حيت طاح ليه مشافوش و كانت فيه سميتو و قررت نخبعو حتا يبغي ينزل عاد نعطيه ليه، شدينا الهضرة انا و ياه طول الطريق هضرنا فكلشي لقيتو انسان مثقف و واعي عندو مشروع شركة ديال الأنسجة بشراكة مع شي صاحبو، قرا و أسس راسو من الصفر، تشاركنا تجاربنا فالحياة و عاودت ليه قصة نجاحي و كيفاش حتا انا قدرت نوقف براسي و نفرض وجودي و نعطي لراسي اعتبار و قيمة و نعيش شريفة فمجتمع مفترس، تبادلنا النوامر و اتفقنا نبقاو على اتصال، اتفرقنا فالمطار و اتجهت للفندق رتبت الأمتعة ديالي حتا تيبانلي الباسبور ديالو نسيت معطيتو ليه، ناااري ميمتي السيد غيبقا واحل هنا، جبدت التيليفون عيطت ليه و لكن مجاوبش بالطبع حيت عطاني النمرة ديالو فالمغرب، درتو فصاكي و دوشت ارتاحيت شوية و من بعد مشيت المقر باش نبداو نجهزو للتكوين، تلاقيت مسيو جاك و وريتو الخدمة ديالي و رتبنا كلشي و رجعت الاوطيل استرحت و الغد مشيت درت شوية فلندن انا و سارة و ستيف و نيكي، كلهم تيخدمو معايا و من المشرفين على التكوين زملائي فالعمل، تصورنا و دزنا للمحلات خديت شي حوايج على قبل التكوين و شي تخربيق آخر و رجعت نعست بكري حيت من الغذ مغنعرفش الراحة، فقت الصباح بكري دوشت و نشفت شعري و جابو ليا الفطور للغرفة فطرت و لبست سروال كحل و شوميز بيضة فوقها جاكيت كحلة و طالون فلون الجاكيت معاليش و جمعت شعري ذيل حصان و درت مكياج خفيف و نظارات و هزيت الحقيبة فيها بيسي بورطابل و الملفات اللي انحتاجهم و وقفت قبالة المرآة تنشوف راسي، بنت رسمية و جدية، رسمت ابتسامة خفيفة و شديت طاكسي توجهت للقاعة اللي كانت واسعة و منظمة، وجدت دكشي باش انخدم و بداو المتدربين تيدخلو أغلبهم كانو رجال إلا ثلاثة، خديت نفس عميق و قريت الدعاء و مشيت نستقبلهم، لابسين لباس رسمي و غير التيتيز على خوه، حتا بان ليا واحد الوجه مألوف، ياسين ،مكرهتش نمشي من اللور و نغمض ليه عينيه نشوف واش غيعرفني ولا لا، بان ليا متوتر شوية و دايخ، بقيت تنتسناه يشوف فيا و كيف لمحني بانو على وجهو علامات التعجب و انا تبسمت ليه و تم جاي لجيهتي، هو : نسيمة مصادفة زوينة نتلاقاو هنا، انا : اه متوقعتش نتلاقاك هنا، متوقعتش نتلاقاك أصلا، هو : تفضلي جلسي حدايا، انا : ههه و شكون غيقدم المحاضرة و غيكون مشرف على التكوين لجلست انا، هو : واش واش انت اللي مشرفة على هدشي، ولكن بلاتي را انا اللي مكلخ را كانت مكتوبة سميتك غي انا مديتهاش فيها متوقعتش تكوني مشرفة على تكوين كبير فحال هادا، انا : الحياة مليئة بالمصادفات و تقدر تفاجئ بشي حوايج من أشخاص مكنتيش متوقعها منهم أصلا ديرها فبالك، المهم خصنا نبداو دابا، هو : واخا بالتوفيق، انا : شكرا