انا و أمي

الجزء 12

نضت على سعدي و وعدي نحل، كان ياسين كلو فازگ، حوايجو مخربقين و شعرو مشعكك، دخلتو من الشتا و تنسول شنو واقع متيجاوبش غير مصدوم، لبستو واحد البينوار ديالي هو اللي جا قدو، غطيتو مزيان و خدمت الشوفاج و هو غير تيرجف، خلعني معمري شفتو فهاد الحالة، انا : ياسين مالك شنو واقع جاوبني عافاك، شاف فيا و عاود هبط وجهو و حدو قال : خسرت كلشي، عييت معاه نعرف شنو خسر شنو واقع ولكن والو، مبغا ياكل والو مبغا يشرب والو مبغا يهضر انا مستحملتش نشوفو هاكاك عنقتو و بقيت تنبكي حيت عرفت عندو شي حاجة ضاراه و مقادرش يقولها، عطيتو دوليبران بززت عليه يشربها و شربها بزز، فرشت فالأرض باش نعست ولكن ماداني بو نعاس، عقلي و تفكيري كلو معاه، بقيت هاكاك مدة حتا حسيت بيه تحرك، ناض و جا جلس مقابل معايا و بقا ساقل متيتحرك ما والو و انا مراقباه بنص عين، شوية جا تكا حدايا و حط يدو على عنقي و غمض عينيه و حسيت بيه نعس، خليتو على راحتو و نعست حتا انا، الصباح سمعت التبقشيش فالكوزينة مشيت نطل لقيتو داير الطابلية و تيوجد الفطور، انا : ياسين شنو تدير؟ هو : صباح النور، تنقاد الفطور لبسي و اجي نفطرو را بغيت نهضر معاك، انا : واخا، لبست و صليت و مشيت لقيتو مصايب العصير و اومليت و مسخن الحليب و الخبز و كلشي، انا : عذبتي راسك، هو : انت اللي عذبتك معايا البارح سمحيليا، انا : لا متقولش هاكاك على انا شنو الفائدة ديالي إلا كنتي نهار تحتاجني متلقانيش، هو : عندك الحق، را صايبت ليك اومليت بالفرماج عارفك تتحماقي عليه، انا : راك عارف بعدا، هو : بغيت نهضر معاك على البارح، انا : الا مكنتيش مرتاح تعاود ممكن منهضروش اليوم، هو : لا غير خلي، انا : تفضل تنسمعك، هو : كنت قلت ليك شحال هادي را لقيت شي اختلاسات ديال أرسلان من الشركة، هضرت معاه شحال من مرة و لكن مسمعش ليا، هددتو را انديكلاري بيه باش يحبس و لكن هو لصق فيا واحد المونتيف، زور شي وثائق نقدر نمشي فيهم حتال 20 عام ديال الحبس و غرامة مالية ضخمة، و لزمني نتنازل ليه على حقي فالشركة، ربطليا يدي بجوج مكانش عندي شي حل آخر، و تنازلت ليه، انا : شنوووو، هو : حياتي كلها و انا خدام فديك الشركة، اسستها من الصفر و طلعتها لهاذ المستوى فالاخير فقدتها فمرة، معرفتش شنو نقدر ندير دابا كيفاش غنكمل حياتي، انا : كتعرف تصايب الحلوة؟ هو (بتعجب) : شنو؟ أنا : سولتك جاوبني اه لا ،هو : اه ولكن علاش هاد السؤال؟ أنا : المقادير كلها كاينة، نوض عاوني، هو : ولكن علاش الحلوة؟ أنا : نحتافلو بمناسبة فقدانك للشركة، فكر من ناحية أخرى مبقاوش عندك التزامات فيق وقتما رشقات ليك و نعس وقتما بغيتي، شبع راحة مع راساتك عرفتي جاتني الغيرة منك دابا، هو : واش كتشفاي فيا ولا شنو؟ أنا : غير دير اللي قلت ليك تبعني واش متتيقش فيا؟ هو : تنتيق فيك بحال الأعمى، انا : ايوا تبع رأيي و سكت، وجدنا المقادير و بدينا تنخلطو و تنتفلاو قلبنا الدنيا سفاها على علاها، تشايرنا بالطحين و سرقنا من الشكلاط ،من بعد دخلناها للفران و بدينا تنصايبو الكريم باش نزينوها، خرجناها و بدينا تنزوقوها و فاش سالينا خديت شوية من الكريم و درتو ليه فنيفو و هو ماكانش من العاكزين شد دكشي اللي بقا كامل و تبعني و انا هاربة منو حتا قبطني عمرني كلي وليت تنتلصق، درنا سيلفي بديك الحالة و دخلنا الحلوة تبرد، انا : الكوزينة ولات بحالا ضاربها إعصار، هو : انت السباب انت اللي وسختيها أنت اللي اتجمعيها انا انسحب، انا : والله لفتي العتبة ديال الدار قبل منرجعوها كيفما كانت، هو : حكمتي عليا بالإعدام، گفضنا حوايجنا و زدنا تنجمعو، غسلت انا الماعن و هو دخلهم للفيترينا، مسحنا البوطاجي و جمعنا الروينة بقا غير التسياق، طلقت الشعبي و جلست تنشطح و نسيق و حتا هو بقا تيشطح معايا و تيضحك من قلبو، أول مرة انشوفو بهاد الحالة، تفروحنا مزيان و ضحكنا، فاش سالينا دخلت انا دوشت و دخل هو مورايا، فاش سالا جا تخشى حدايا فالفراش و درنا فلم كوميدي و جلسنا تنتفرجو و مرة مرة نضحكو، سالا الفلم حطيت راسي على كتفو و هو عجبو الحال، انا : باقي حاس براسك مكتئب؟ هو : واش اللي يعرفك عاد باقي يكتئب دخلنا عليك بالله، انا : ههه ايوا الحمد لله دكشي اللي بغينا، دابا قوليا وليتي مزلوط مبقات عندك حتا ريال؟ هو : علاش واش اتقرري واش اتخليني ولا اتبقاي معايا على حسب الجواب، انا (خنزرت) : انت عارفني انا ماشي من داك النوع، هو : هههه عارف عارف غير تتعجبيني فاش تتغوبشي التخنزيرة ديالك حلوة فحالك، انا (بإرتباك) : اه ، شافيا و بحالا باغي يهضر من بعد رجع سكت، انا : قول شنو عندك، هو : والو والو ،انا : لا غير قول، شد وجهي بين يديه و شاف فيا بكل حنان و جدية : نسيمة أنا اممم انا، و سكت، انا : انت شنو؟ هو : خايف لنخسرك شي نهار واعديني متخلايش عليا، انا : منتخلاش عليك غير كون هاني، بقا تيشوف فيا لمدة، زاد حدايا حتا ولينا مقاربين بزاف، تيشوف فيا و هو متردد، بحالا باغي يدير شي حاجة ولكن خايف، انا بلا منشعر نطقت : ياسين حتا انا، هو : حتا انت شنو؟ أنا : دكشي اللي مقادرش تقولو حتا انا مقادراش نقولو، حتا انا كنت خايفة لتخسر صداقتنا ولكن، مخلانيش نكمل حتا تنحس بالحرارة طالعة معايا، أول مرة انجرب طعم القبلة، تنحس بشفاهو تتلتاهم شفاهي، تنحس بيه متشوق ليا من زمان و هو تيتسنا هاد اللحظة، تيتسنا نهار نكون ليه ديالو بوحدو، ليوم تحقق كلشي، ولا ياسين ملكي انا بوحدي .