انا و أمي

الجزء 13

شوية بعد عليا و انا وليت حمرة و حشمت منو بزاف، معمرنا كنا قرابين لهاذ الدرجة و بهاذ الحميمية كلها، شاف فيا و تبسم : اممم مالكي سكتي؟ أنا : والو، هو : اللي يشوفك يقول اول مرة غيبوسك شي حد، انا : سحابليك فمي شايط عليا را أول مرة، هو : حلفي بالله، أنا : أقسم بالله العلي العظيم حتا أول مرة، هو : عندك 24 عام و أول مرة كيدرتي ليها، انا : صافي فرق مني لكني انت موالف بدكشي انا لا، هو : حتا انا را شحال هادي ،انا : ندمتيني كاع، هو : ولكن كون تعرفي داك الفيم عندك شحال بنين، انا : صافي نسا عتبر را موقع والو هانا غدا نعس، شدني من يدي و تبسم ابتسامة ساحرة : تنبغيك ا بتيبانة، انا : حتا انا ا سلوم البلدية، هو : دابا انا سلوم البلدية، انا : و حتا انا ماشي بتيبانة راني طويلة، هو : شحال فيك 160 سنتيم ،انا : فيا 163 و أجرك عالله، هو : هههه و لكن بتيبانة منكرهش نشدك نخشيك فجيبي و نسد عليك، انا : هيي سمع غنتافقو من دابا،1: معنديش مع ديك حبيبة ولا تنبغيك ولا معرف آش، 2: غتبقا العلاقة ديالنا عادية بحال قبل ميتغير والو، 3: معنديييش مع ديك تنغير عليك ولا كدا انا عارفة حدودي و ملتازمة بيهم، 4: تخبي عليا شي حاجة ولا نسيق ليك الخبار درتي شي فعلة بلا خباري متلوم غي راسك، 5: اعدى حاجة عندي هي الكذوب، هو : ساليتي؟ دابا نوبتي، انا : نوبتك فاش؟ أنا : قلتي الشروط ديالك جات نوبتي، 1: منبغيش نشوفك مجمعا ليا مع الدراري ولا تضحكي معاهم، 2: انا نبقا نوصلك لخدمتك، 3: تصارحيني بأي حاجة و تكوني صادقة معايا، انا : صافي اتفقنا ،نعسنا ديك الليلة بسلام و صبح صباح جديد مليء بالحيوية و النشاط ،صاوبت الفطور و فيقت ياسين و بدينا تناكلو، ياسين : شنو اديري ليوم؟ أنا : انكمل فطوري و انمشي لخدمتي، هو : اينا خدمة عوتاني واش مازالا ناوية تعتبي فديك الشركة مازال؟ أنا : اه متنساش راني موظفة تما و خصني نأدي الوظيفة ديالي على أحسن وجه، هو : نسيمة واش عارفة شنو تتقولي ولا لا ،انا : عارفة اه و دايرة خطة فدماغي و غنفدها، هو : شنو هاد الخطة بالسلامة؟ أنا : واش سحابليك انا غنسمح للمجهود كلو اللي بدلتي و العذاب اللي تحملتيه باش تأسس ديك الشركة يضيع، هو : نسيمة أنا عارف شغلي انت خرجي من هاد السوق، انا : أنا درت فبالي را انرجع ليك حقك صافي مغنتهنا حتا نرجعو، هو (زدح فالطبلة) : واش باغا تحمقيني ولا تسطيني ولا شنو، انا : سمحليا تعطلت خصني نمشي، نضت بالزربة غسلت يدي و لبست و خرجت، شديت طاكسي حطني قدام الشركة، و توجهت للمكتب ديالي، بقيت خداما تما حتا تنسمع الدقان و أرسلان دخل : نسيمة متوقعتش فالحقيقة نشوفك اليوم كان على بالي مغتبقايش معانا، انا (تنتصنع عدم الفهم) : علاش ياكما ارتكبت شي غلط، هو : لا ماشي هاكاك ولكن را ياسين قدم استقالتو من الشركة لبارح باع ليا نصيبو فالاسهم و مادام هو كان السباب فأنك خدمتي توقعت راكي اتخرجي حتا انت ولكن فرحت حيت وقع العكس، انا : يبقا ولا يمشي متيهمنيش مدمت انا خدامة خدمتي و عاجباني، عجباتو هضرتي و فرح فاش سمعني قلت هاكاك و خرج فرحان و انا النار شاعلة ليا فقلبي، سمحليا اياسين و لكن انا مغنتفاكش حتا ناخد حقي و حقك و نخرجو هاد الدب من حياتنا بجوج، ديك الساعة عاد انقدر نرتاح فعلا ،قررت نتقرب من أرسلان باش نوصل للهدف ديالي، ياسين مغيعرفش بالطبع حيت لعرف منضمنش شنو يقدر يدير، دوزت داك النهار فالخدمة و فالليل فاش رجعت ملقيتوش فالدار، صونيت ليه حتال المرة الثالثة عاد رد : ياك لاباس، انا : و عليكم السلام، هو : شنو بغيتي؟ أنا : خصنا نهضرو، هو : صافي نتلاقاو حدا الكورنيش، انا : واخا ساعة نكون عندك، درت عليا مونطو و شديت طاكسي للكورنيش بان ليا جالس تيتسناني مشيت جلست حداه، بقينا مدة ساكتين حتا نطق : خدمتي اليوم، انا : اه كان كلشي عادي، هو (شد ليا فيدي) : عافاكي خرجي من تما مبغيتكش تبقاي حداه فنفس البلاصة، ياك عندك خدمة أخرى تتعجبك، بغيتي نضبر ليك فخدمة أخرى نضبر غير متبقايش تما، انا : ياسين عافاك سمعني فكر بعقلك شنو الأحسن نكون انا تما و نعرف التحركات ديالو و تبقا عيني عليه و لا نخرج و تقطع الصلة ديالنا بيه نهائيا و يضيع حقك؟ هو : حقي غنرجعو و انا عارف كيفاش مبغيتكش تدخلي لهاد السوق را غيتجبدو علينا غير المشاكل، بقينا مني منك انا تنحاول نقنعو نبقا و هو مباغينيش و لكن فالاخير اقتنع و تقرر أنني نبقا ولكن نحاول منحتكش بيه بزاف، تمشينا شوية فالكورنيش و خدينا تصيورات زوينين و رجع هو لدارو و انا لداري، دوزنا دوك الأيام انا تنخدم و هو تيقلب على خدمة و بجوجنا تنشوفو لموديلات ديال الطونوبيلات بغيت ناخد شي وحدة نتهنا من الطاكسيات، البريمي عندي من هادي شحال ناقصاني غا الطونوبيل، خديت أودي صغيرة بيضاء و تعلمت نسوكها مزيان .