Sa bawat umagang dumadating
Pag-asa hatid nito saking damdamin
Pag-asang balang araw mapansin tinatago kong pagtingin
Na kaytagal kong inilihim..
Sa takot na ako'y iyong iwasan at lisanin
Dahil kaibigan lang ang turing mo sakin Na kasalungat naman ng binubugsu ng damdamin
Ang sakit na makita kang masaya
Masaya dahil sa kanya
Yung pangarap kong ako naman sana
Yung babaeng makikita ng iyong mata
Na nandito tuwing nasasaktan ka Sa mga panahong iniiwan ka niya
At nagpapayo sayo tuwing susuyuin siya
At higit sa lahat yung ako naman sana Yung babaeng mahalin mo kahit pansamantala
Naalala mo ba nung sinabi kong mahal kita
Sinagot mo pa nga
Bes mahal din kita
Pero bilang kaibigan lang ha
Tanging ngiti na lang ang nagawa
Pero sa likod nito'y nagbabadyang mga luha
At pusoy parang pinipiga
Andito ako, kahit ibang tao'y ika'y lisanin
Nandito ako, naghihintay na ako'y iyong pansinin
Andito ako, naghihintay na iyong mahalin
Nandito ako, kahit siya pa ang iyong piliin
Di hamak naman na mas matimbang siya sakin
Sapagkat kaibigan lang ang sakin ay turing
Hanggang kaibigan na lang ba tayo?
Sapagkat may iba kang gusto
Samantalang ako minamahal ka na lng ng patago
Kahit anong pilit ibaling sa iba ang puso
Di ka parin maiwasan mahal ko
Dahil sa tuwing pinapaiyak ka niya, sakin ka tumatakbo
At sakin ika'y na hihingi ng payo Kung paano kayo ulit magkakasundo
Dahil ayaw mo siyang mawala sa buhay mo
Pero nakikita mo din ba ako? Yung ako, na laging nandito
Ako, na bes lang ang turing mo
At yung ako, natakbuhan mo kapag ikay problemado
At higit sa lahat yung ako
Na nasasaktan kapag nakikita kang sa harap niya'y nagsusumamo
Hanggang bes na lang ba ako?
Di ba pwedeng pagbigyan mo naman na magkaroon ng ikaw at ako
Mahirap bang mahalin ang mga bes na kagaya ko
Yung bes na handang maging martir para sayo
Yung bes na hanggang ngayon naghihintay na mapansin mo
Yung mga bes na hanggang kaibigan lng ang turing niyo...
