"ဟော... ဦးငယ်တောင်ရောက်လာပြီ... သားခေတ်ကဖြင့်အခုထိမထသေးဘူး..."
မနက်တိုင်ဒီကလေးမနိုးခင်ရောက်ရောက်နေတတ်တာကကိုယ်မရှိရင်ဗိုက်ထဲဝင်မှာမဟုတ်တဲ့နံနက်စာကြောင့်...
"အိပ်ပါစေ... မနေ့ကမှစာမေးပွဲပြီးထားတာ... ပင်ပန်းနေမှာ..."
"ညကမအိပ်ဘဲဂိမ်းတွေဆော့နေတာဦးငယ် မေဖူးပြောတာမရဘူး... အဲဒါဦးငယ်ကြည့်ပြောဦး..."
စာမေးပွဲပြီးတဲ့နေ့မှာပဲတရားဝင်ပိုင်ဆိုင်ခွင့်ရသွားတဲ့ဖုန်းကြောင့်ဒီလိုတွေဖြစ်မယ်ဆိုတာခန့်မှန်းထားပြီးသား... အလွန်အကျွံမဟုတ်ရင်ပြီးရော အရမ်းကြီးမချုပ်ချယ်ဘူးလို့ဆုံးဖြတ်ထားတာကလွပ်လပ်ခွင့်တွေကိုပိတ်ပင်သလိုဖြစ်မှာစိုးလို့... တစ်ခုပဲစိုးရိမ်တာကကျန်းမာရေးထိခိုက်မှာကိုပါ...
"အင်းပါ... မေမေကကြာဇံချက်ထည့်ပေးလိုက်တယ်... သားခေတ်နိုးလာရင်ကျွေးလိုက်ဦး... ဦးငယ်ဒီနေ့ငွေဆောင်ဘက်သွားစရာရှိလို့... စောစောသွားမှဖြစ်မှာမို့..."
ကိုင်ထားတဲ့ချိုင့်ကိုကမ်းပေးရင်း... လက်ကနာရီကိုကြည့်ဖို့ကြိုးစားမိသည်... ဒီကလေးမနိုးသေးတာအဆင်ပြေတယ်ပြောရမည်... နို့မို့ဆိုလိုက်ချင်တယ်ဆိုပြီးဂျီကျတာကိုချော့မော့ပြောနေရတာနဲ့နောက်ကျကောင်းနောက်ကျနိုင်သည်...
"နေ့ချင်းပြန်မဟုတ်လားဦးငယ်..."
"မသေချာသေးဘူး... ဧည့်သည်တွေအဝင်များတယ်ပြောတယ် ဟိုဘက်မှာ Management အဆင်မပြေဘူးလို့တိုင်စာတွေရလို့..."
"အော်... သားခေတ်ကိုပြောပြီးသွားပြီလား"
"မပြောတော့ဘူး... တော်ကြာလိုက်ချင်တယ်ဆိုပြီးဂျီကျနေမှာ... ဟိုရောက်ရင်လည်းရေထဲဆင်းချင်တယ်ဆိုပြီးပူဆာနေဦးမှာမို့..."
"ဟုတ်တယ်... ခေါ်သွားလည်းဦးငယ်ကအားမှာမှမဟုတ်တာ..."
"အင်း... မနက်ဖြန်လောက်တော့ပြန်လာဖြစ်မယ်လို့ပြောထားလိုက်... ဦးငယ်သွားတော့မယ်... ရုံးချုပ်ကိုဝင်ရဦးမှာမို့..."
"ဟုတ်..."
.
.
.
.
.
ကားပါကင်ကထွက်လာပါပြီဆိုကတည်းက နှုတ်ဆက်သွားသူတိုင်းရဲ့ကြည့်တဲ့အကြည့်တွေကထူးဆန်းနေတာသတိထားမိသည်... ငွေဆောင်ဘက်မသွားခင်လိုအပ်တာတွေအတွက်ရုံးချုပ်ကိုအစီရင်ခံဖို့ဝင်လာတဲ့ကိုယ့်မှာထူးဆန်းတာဆိုလို့ Formal Dress မဟုတ်တာတစ်ခုတည်း... ဒါကလည်း Company ပိုင်ရှင်ရဲ့လူယုံတော်လို့အများကလက်ခံထားတဲ့ကိုယ့်အတွက်ဘာဝတ်ဝတ်ပြသနာမရှိ... ပုံမှန်မဟုတ်တာကကိုယ့်ကိုတင်မကကိုယ့်အနောက်ဘက်ကိုပါစိတ်ဝင်တစားကြည့်သွားကြတဲ့မျက်လုံးတွေ... တစ်ခုခုတော့မှားနေပြီဟုခံစားလိုက်ရတာနဲ့တစ်ပြိုင်နက်အနောက်ဘက်ကိုလှည့်ကြည့်မိတော့...
