စိတ်ပူစွာမောင်းနှင်လာတဲ့ကားတစ်စီး... မြို့ထဲဝင်ပြီဆိုတာနဲ့ပိတ်နေတဲ့ကားတွေကြောင့်... အသံထွက်အောင်ညည်းမိသည်... ဆေးရုံကိုရောက်နိုင်မဲ့လမ်းကြောင်းတွေထဲ အတိုဆုံးလမ်းကိုရွေးကာမောင်းနှင်ပြီးတဲ့အချိန် ကားပါကင်ကနေသူ့အခန်းရှိရာလျင်မြန်စွာရွေ့လျားနေတဲ့ခြေလှမ်းတွေ...
"သား..."
မေမေ့ခေါ်သံကိုခေါင်းတစ်ချက်ညိတ်ကာအသိအမှတ်ပြုရင်း ကုတင်ပေါ်ကဖြူဖျော့နေတဲ့ကောင်ငယ်လေးဆီပဲအကြည့်တွေပို့ထားမိသည်... မျက်နှာလေးကိုသေချာငေးမိတော့မျက်တွင်းတွေကျသွားတာကသိသိသာသာ... ညင်သာစွာရှူရှိုက်နေတဲ့လေငွေ့တွေကြောင့် oxygen mask မှာထင်ကျန်လိုက်ပျောက်လိုက်ဖြစ်သွားတဲ့အခိုးအငွေ့တွေ... လချီပြီးဒီဟာတွေနဲ့ရင်းနှီးခဲ့ရတာမို့ဒီကလေး oxygen mask တွေ drift ပိုက်တွေဆိုမမြင်ချင်လောက်အောင်မုန်းရှာတာ...
"လန့်လန့်နိုးနေတာနဲ့တစ်ညလုံးကောင်းကောင်းမအိပ်ရရှာဘူး သားရယ် အခုလေးတင်မှပြန်အိပ်ပျော်သွားတာ... ဘယ်အချိန်ပြန်နိုးဦးမှန်းမသိဘူး... သားခေတ်လေးတော်တော်ပင်ပန်းနေပြီ..."
ဆေးပိုက်မချိတ်ထားတဲ့လက်ကသွေးရောင်မရှိတဲ့လက်သည်းခွံတွေကိုကြည့်ရင်း လက်ချောင်းတွေကိုဆုပ်ကိုင်ဖို့ကြိုးစားမိတော့... လက်ဖမိုးပေါ်ကအပ်ပေါက်ရာနှစ်ခု... ဆေးထိုးအပ်ဆိုသိပ်ကြောက်တဲ့ကလေး... ဘယ်လောက်တောင်နာကျင်ကြောက်လန့်ခဲ့ရမလဲ...
"ဘယ်နှစ်ခါတောင်အကြောရှာလိုက်ရတာလဲ မေမေ"
ဆေးထိုးအပ်ကြောက်တဲ့ကလေးမှ အကြောရှာရခက်တဲ့ပြသနာခဏခဏကြုံရတာမို့... ဆေးတစ်ခါသွင်းတိုင်းအပ်ရာဗရပွနဲ့ကျန်ခဲ့ရတာ...
"အဲဒီဘက်လက်ကဘယ်လိုမှရှာလို့မရတာ သား... ဒီဘက်လက်ကတစ်ခါတည်းနဲ့အဆင်ပြေပါတယ်"
"ဟော... တိမ်ယံရောက်နေပြီလား..."
"ဟုတ်ကဲ့ အန်တီနှင်း..."
ချိုင့်တွေပါတဲ့ခြင်းတောင်းကိုဆွဲလာရင်း နှုတ်ဆက်စကားဆိုတဲ့အန်တီနှင်းနောက်မှာပါလာတဲ့ဦးဟန်... အကြောင်းမကြားပဲပြန်လာမိတာကိုအကြောင်းပြချက်ပေးဖို့ကြိုးစားနေစဉ်မှာပဲ...
