Diari Si Gumuk (COMPLETED) Season 1 & 2

DSG Sealed My❤️with Your💋S2 Part3

"TALIB kaa dau".

Odu sy sebut ja tu nama trus sajuk pipi sy. Punya sy sedih...nokoromou mato sy...eeee bugihad butul......(penulis pun x tahan o si Fir ni, nangis saja. 😕😕)

Sy pigi landing kapala sy sana kaki si odu, pigi manangis la bh.

"Kanapa gia ko nangis2 saja ni onong..? X bagus ni kalau ada yg "mengikut" ko. Kasi "pulang" la "kawan" ko itu.", si odu suruh sy kasi halau my lob (roh dia).

"X buli bah odu, susah sy mo lapas dia ni. Dia saturng seja yg sy ​sinta​ butul, sy mo kawin sama dia tapi nga kuroyon podi (apa buli buat) hu hu hu..

"Kalau salama lama ko bogini onong nanti ko "kana bawa" tu pigi tampat dia. Nanti ko punya kodu-duo​h​ (roh) x buli kana jumpa lagi.", kambang juga bulu sy dingar o.

"Tapi odu, sy x buli lupa dia bah, pa mcm mo bikin tu? Sy barabis sudah x mo ingat dia tapi bila sy saturng sy pandai ingt dia, lapas tu ada mcm sajuk2 pigi pigang turos (muka) sy", sy kasi tau hal sebenar sama si odu.

"Bah, nanti sy suba sakap (cakap) sama "dia". Karati dusun ka "dia" tu??", muahahhahahaha. Ko pai ja la odu! 😂😂

Dipendek kan cerita, itu malam, odu sy pigi sana luar bikin asap2 sudah.

"Ko mo mula sudah mongilou (memanggil) "dia" ka, odu?" Sy x kesabaran sudah bh. Yes!! Buli ckp sama my lob.

"Mulau! Sy kasi lari nyamuk bah ni!", aiiii bikin sandi juga odu sy ni 😂 Saspen o sy.

Trus odu sy naik atas, sy ikut2 ja jadi ikur dia. Dia ambi tinggaton, kasi kluar tu pinang yg blum kna kupak lagi sama tu kalati (baru ja sy google tadi ni nama 😂) . Palan2 si odu mengupas tu​ pinang. Pas tu dia bikin tingat (sirih) dia, taruh kapur, gambir trus lipat2. dia makan sama tu pinang dia. x lama dia bikin dia punya sinih dan dia simpan dlm mulut dia (adui...apa ni ar..tu sigup bh kana kasi jadi bulat2 trus taruh d atas gusi tu - sy panggil ganja ni sbb bikin mabuk kan)​

"Dakat ko sama sy ondu", ei???​????​

"Sy ppuan la odu, ko panggil sy onong bh",

"Bukan ko bh, tu "kawan" ko". ​Bulat mata sy.

"Sini dakat sikit sabalah kiri odu bah. Jgn ko takut, ondu", mana juga bh my lob punya position ni. ​Tapi yg sy heran ni pa mcm tu roh buli paham odu sy ckp ar?? kalau sudah mati dual language kali kan??​

"Kanapa bukan sabalah sy, odu", celupar no mulut sy. Piragang (merah) lagi mata si odu. Trus tergamam sy tingu perubahan si odu. Sy kunci mulut sy.

"Ummmmmmmm....ummmmmmmm... lama sudah butul "ko"​ ni​ di sini. Kalau ko x pigi sobulum (sebelum) itu bulan tinggalam (tenggelam), ko x buli kana terima lagi di sana. Pulang la ko", bercakap lagi si odu. Apa ​my lob ckp ma dia ni?

"Ummmmmmmmm, ​amu buli!! X sama sudah dunia kamu ni. Ko jalan la, nanti kami antar ko smpi pintu", huh??? What did you asked, my love?

​"Kalau ko x mo kasi tinggal dia terpaksa la odu kasi paksa ko pulang ni, ondu. Kamu indada juduh (jodoh) baini sini koposion (kehidupan) sikarang, mungkin "lain kali" la. Jangan lagi ko pigi ikut2 dia, mcm odu nampak ada yang mo pigi ambi dia bah ni sbb ko salalu sama2 dia. " maksud si odu "dia" tu saya ka? sy mo tanya pun takut sy nanti koluar biji mata si odu.

​Tiba2 ​​si odu bediri, "mari onong". Sy ikut blakang dia. Dia jalan p tmpt yg dia bakar api tadi. Dia ambi ranting tiga batang, dia kasi silang mcm jadi pyramid. Dia ambi tu api trus dia bakar tu ranting.​ ​

"Bah, ko jalan la​, buka sudah tu pintu tu​. Tenang2 la ko sana.", trus sy rasa pipi ma bibir sy sajuk butul..​ turun air mata sy secara x sedar.. knapa hati sy ni sakit butul?..My love saying goodbye?​ Tu ranting yg kana bakar tadi jadi warna ijau skijap sebelum kembali seperti warna api. Odu sy pigi berjalan sana kandang ayam trus dia tangkap tu ayam tandaha (ayam jantan). Dia pigi dakat tu ranting tadi, dia ambi parang trus dia korot (kelar) leher tu ayam. Tu darah dia kasi titik sana api pas tu dia ambi sikit trus dia taruh di dahi sy. Jangan lap sampai bsuk pagi bilang odu sy. ​Sebenarnya sy pun x tau bh ritual odu sy ni sbb sy x brapa berminat mo tau kan, plus, sy ni gundosi (penakut).

Lepas ja odu sy selesai, dia suruh sy pi cuci kaki, naik umah dan jangan turun lagi. Maksud dia, jgn pijak tanah bah. Sy ikut saja.​​ Sy smpai atas umah trus sy pigi landing dlm bilik. Sy tarik tu bantal ma kumbang dan kasi miring badan sebelah kiri. Pelan2 airmata sy jatuh lagi, sy ingat my lob. Sampai sy nokodop (tertidur) tu sy miad.. tapi teda sudah rasa sajuk di pipi sy.. butul2 my lob kasi tinggal sy sudah ka ni?

"Babe...where are you? "
​"I cannot go near to you anymore"
"Why?"
"Because I want to keep you safe"
"From who?"
"Mahmod"
"But he didn't know where I am"
"Soon he will."
"​Where are you going?"
"Where I should be right now"
"Will you come and see me again?"
​"..I love you..."
"My love..stay..."
​"My love? Talib???"

Mimpi sy berakhir juga sbb sekali lagi mama sy p sipak kaki sy. Arrrrrrrgggggggggghhhhhhhhh! MAMA BAHHHHHH!!!!

"Oi sumandak!! Pagi suda ini, pigi ko mandi lapas tu ko pigi kasi makan tu ayam sana kandang.", Awal butul ni mama sy ceramah o.

"Ya la, nanti bah sy bikin tu, kijap saja pun", masih lagi sy marah bh sbb terganggu mimpi indah sy kan.

"Jangan ko nanti2 sana, ko lupa itu mo bikin", adeiii...sy teda memori problem ni mcm ko mama...

"Mana ko mo pigi mama? Awal juga ko pakai baju santik2 ni. Sy ikut buli ka?" sy jek2 lu mama sy.

"Mama sama odu mo pigi tingu orang kawin sana kampung sabalah bh. Kalau ko mo ikut kanapa lagi ko mingkuluput (tutup badan pakai selimut) sana?? Pigi la mandi, sapat! Nanti si anty ko si Sonim datang ko bulum sodia (sedia) sy kasi tinggal saja ko.

"Kijap ja bah sy ni.", trus sy lumpat p ambi tuala. Nyanyi2 sy pigi jamban. Nihari sy rasa hati sy lapang butul, mungkin penderitaan si Talib sudah selesai kali.

Cepat2 sy mandi, sy main jirus2 ja (siram) sbb sajuk bahhhh, air bukit kan. atukkk keii, terkecut smua kulit2 sy o tapi segar butul ni. Sy gusuk gigi mcm biasa, taruh tu colgate 2-3 kali :) kalau mama sy tau mesti kana marah ni, dia bilang membazir saja, bukan juga trus jadi daimon (berlian) gigi ko dia bilang. Lawak juga mama sy ni kadang2.

Pas mandi sy pakai baju warna putih yang ada hood, sluar jeans skinny type kuyak2 warna biru -- kegemaran sy ni. Ahhhhh, sy punya berat badan sudah 63kg arrrrrrrrrr -- jgn korang jeles sana. Combat training sy sudah tidak pigi lagi, tu pasal sy pigi masuk tu kelas Muai Thai. Disamping tu sy masih lagi jogging dan weekend slalu sy ikut marathon. Banyak aktiviti sihat sy ni. Makan, mmg masih dijaga. Sy mo target smapi 50kg bah ni sbb tinggi sy 160cm ja kan. Talampau kurus kaitu?

Anty Sonim sampai trus kami smua naik kerita dia. X juga dia ungkit pasal sy kotol anak dia, takut kali dia kalau sy teriak. hihihiih. Sepanjang perjalanan pigi sana Kg K***, sy dingar ja dorng bercerita. Odu duduk sana dapan, mama sama sy duduk d blakang seat.

"Sama sepa gia si Bita kawin tu Rumi?" bilang si anty., Rumi tu nama mama sy.

"Masam (macam) org dari soborong (seberang) bah tu. Indon dia bilang si Kurin kemarin yg kami pigi umah dia", wah x pula dia lupa ni details kan. Dasar gossiper :)

"Si Bita kan balajar sana Jakarta tu, juduh dia la bah. Sy dingar2 banyak koluarga itu lalaki datang niari. Harap2 ada lagi takanoon (makanan) kalau kita sampai nanti", nahhhhhhh!! manyasal sudah sy ikut.. Makanan pula kerisauan anty sy ni. Sy tingu bawa kaki sy ada plastik itam basar, sy pigi buka nga..atukkkk!! ada bekas tapau bah yg sudah kana bersih sedia. Pok menapau la ni nantiiiii..Bikin malu ooo! Macam sy mo minta turun saja dari tu kerita!

"Ada ko bawa kontenar ka, Sonim? Sy sudah sakap ma ko tu samalam", KOMPOM!!!! Arrrrghhhhhhhhh!!!! Bad decision Fir. Bagus sy duduk umah tadi kasi makan ayam ooooooooooooooooooo