Diari Si Gumuk (COMPLETED) Season 1 & 2

Diari si Gumuk Part1

Mataiiiii!!! Pukul brapa sudah ni??? Nah budu nakalambat sudah sy p meeting. Sial bh ni bos2 ni mo set meeting kul 6pm. Dorng budu ka ni x tau shift kami start kul 9pm. Mandi karabau ja la tapi yg penting brg bawah gusuk butul2 😋😋. Siap ja mandi, berpikir lagi..Pa mo pakai ni? Meeting ma orang Paris ma New York niari.. eeeeeee. Ni la yg sy maradang ni..sudah la lambat, skrg pikir lagi mo pakai apa. Klau ari biasa sy peduli la pakai solipar bukan ada org mo tingu. Niari bos2 smua ada d opis, lagi video conference ma org Paris & New York. Ummmmmm... long sleeves warna itam juga la yg ngam. Sluar? Itam juga la.. aii...knapa ka x buli muat sudah ni sluar..??? Krekkkkkk....! Uwaaaaaaaaa!!! Tokuyak sudah d bawah ngam2 yg d t*nt*n. Sy banci sy gumuk!!!! 😭😭😭 last2 tarik jeans biru..tu yg pling selesa tapi tu la, x dii formal. Ok. Baju/sluar cek!. Muka. ......... ai, susah2 ja, pakai powder ja la, cute juga sy pun, x pyh mekap. Gincu, eee.. x minat. Lip balm pun jadi la. Kasut..shit...pa mcm mo lari p opis ni klu pki spatu tinggi? Poduli, snikers cukup. Ok set. Kul brapa sudah? Ehh, lupa jam dan yg paling penting, knapa la sy x nmpak cantik yg penting...minyak wangi...mana satu mo pakai niari..sy pilih tu Jasmine Noir by Bvlgari..ahh... kul 5.40pm. Great. Buli lenggang2 jalan lagi ni.

Bas smpi trus naik, padahal klu jln kaki x jauh pun cuma malas sy jln kaki ni. Nanti berpeluh, bau nanti. Bus stop ke3, sy turun (kan sy bilang x jauh). P starbucks lu, x hidup sy klu x vanilla latte sy. Sy nmpk si Dennis d kaunter. "Hi darlz, as usual grande vanilla latte 3 shots 4 pumps". Nah....pa mcm mo diet.. "You forgot your tumbler today?" Bilang si Dennis, "obviously, but please use the free coupon instead, guess I have quite a lots but I don't remember the expiry date. Can you check for me, please?" Bh, jgn kmu ckp sy mekirayou berspiking ar. Dennis ni ppuan, org tagaluk bh jadi dia x pndi ckp melayu. "Here you go Fir, and you still have about 9 free coupons expiry in December", bilang si Dennis lagi. Sy kasi kenyit mata ma Dennis, test tu kupi sy..sy tutup mata skijap...ahhhhh...sadapnyaa.... trus sy jalan p bangunan opis kami.

Masuk lift takan tingkat 12. "The door is closing" tu operator lift punya suara sy sudah hafal. Ting. "12th floor. Going up". Nah. Gitu la tu lift hari2. Opis kami sblah kiri ja, x jauh dri lift dlm jarak 3 meter. Sy taruh ibu jari utk buka pintu opis, teet. Kitai..taruh lagi satu kali. Teet. Eeeee kambing. Sy lap jari sy. Try lagi. Tub, berbunyi tu pintu tanda sy buli buka sudah. Tmpt duduk sy dkt ja ma pintu masuk.
"Bonjour madame como cava," tiba2 dtg tu trader kami si Mamdouh yg dari Paris p greet sy.
"Bonjour monseiur, tres bien" sy bilng. Nah, jgn lebih2 ckp tu ja sy pndai tu. Ejaan pun sy x tau butul ka x. Korng google translet la nanti.
"All fine? Ready for the meeting?" Dia bilang.
"Not so bad, still under control, but probably not fully prepare for this meeting", sy balas dia.
Ensem si Mamdouh ni, org Algeria tapi bgus btul, bnyk dia tolong sy time sy masih jaga Europe market. Skrg sy sudah pindah jaga Americas business jadi jarang sudah sy berckp ma dia kecuali klau dia mo tnya sy sesuatu.
"Fir, can you connect the vid-con with Paris and New York now, it's 10mins to 6, " tiba2 bos operation kami si Jane ckp ma sy. Ishh. Teda hi hello trus suruh bikin kerja. Kambing. "Excuse me, Mamdouh. I need to connect with our colleagues now", sy ckp ma si Mamdouh.
"It's fine Fir, am coming with you", dia bilang. Yaaaaiiii.. senyum sy balik. Ummm... klu la ko blum kawin... prasantut suda sy. Budu2.....
Sy bawa laptop, sy masuk vid-con room si Mamdouh ikut d blakang. Sy ambi tu dialler, kasi active tu line. Tut tut. Nah. Masuk sudah Paris.
"Bonjour Fir..(adihhhhh... banyak juga ni bonjour bonjour).. sy tingu si Pierre yg connect dulu.
"Hello Pierre, how are you", malas sy mo berbonjour bonjour. Lilit lidah sy.
"All fine here. Hello Mamdouh, how's everything there.." trus sy shut off sbb sy x paham sudah apa dorng ckp. X lama satu line lagi masuk.
"Hello Ms. Fir Tandingan, whatsup"? Aiiiiiii si Roy dari New York. So cute. Dia mmg slalu panggil full name sy. Korng buli imagin ka tu klu dia panggil dengan dorng punya slang. Lob lob trua mata sy.
"Mr. Roy Flakes, very good morning to you. I bet you still need to get your coffee before we start", sy ckp ma dia. "Yeah, gonna get it in a bit but first tell me did you miss me during the weekend"? Aiiii,, kitai ni org o. Si Mamdouh ma Pierre trus stop berckp. Dorng tingu sy senyum2.
"Of course I did, Roy, every damn day", nah, kotoh. Ko ckp lagi la, pandai bantaton ni sy.

________________________________

Legend: VP (Vice President), TM (Team Manager),
Ops (Operations)
________________________________

Satu2 colleagues kami dtg, sblum kul 6 panuh sudah meeting room.
4 bos besar (Alfredo org Spain, VP New York, Jen-Duave ma Francois org France, VP Paris ma Ken VP opis kami),
2 bos kici (Jane org Indonesia ma Boris org Switzerland, TM kami)
trader si Mamdouh ja (ntah pa mcm dia sasat saturng sini) 10 org ops. smua kami ni sama pangkat manager tapi kerja kuli...
Yg jaga America, sy, Jonaz org cina Indon tapi pndi ckp Spanish ma si Juarez, dia ni org Spain tulin.
Yg jaga Europe/Midle East ma Africans ada 3 org Dubai, si Mohsen, Motalib ma Reza,  2 org Italy si Luigi ma Daniela & 2 org Vietnam si Ph-Nyun ma Ang-Kyon. Masing2 ni Vietnamese ni pndi ckp French.
Sandii o ni sesi perkenalan.
Yg di Paris si Pierre, Sophie, Donna, Antoin, Louie ma Remmert.
Dri New York si Roy, Magda, Antonio, Blake, Ramusen ma Serge. Dorng smua trader kecuali si Blake bahagian chartering.
Di pendek kan meeting.
Pot pet pot pet pot pet...bla bla bla bla bla bla... aduii capat la abis bah.. ni kupi sy pun tinggal sparuh lagi bnyk butul dorng ckp terutama si Jen-Duave ma si Alfredo. Mintongkis tongkis lagi dorng punya cakapan x berngam pendapat. Adihhh nokopio...sy mo takancing ma.
"Fir, what is your suggestion about exporting to Nigeria, we know that you are serving for Americas now but since you are the only expert of managing this country, I need your indications, please" tiba2 si Pierre berckp. Smua org tingu sy. Ahhh! Apa gia tu?? Apa soalan dia tadi tu? Snooze 10 saat. Sy minum kupi sy, sy tutup mata.
"Anu bah, eh (tokoluar dusun bah, hahahah). Well, thanks for recongnizing my work, Pierre. In fact, prior concluding a trade we should take into account the application of some important documents which is mandatory before we plan for any delivery", panjang lebar kunun hujah sy. Bersemangat sudah sbb lansar kunun sy ckp.
"But the main challenge is the receiver themselves because of the credit application from their central bank, I believe it may take about 2-3 weeks to get the swift from their bank and we cannot book any loading before they confirm to us that this particular document are already available", nahh sy kunun tersenyum bangga sbb dpt berhujah dgn butul2. Alfredo senyum tingu sy. Yaiii..knapa ni org tua ni, mulau. Si Roy tiba2 bersuara "thanks Fir. Jane, I believe Fir will not get involve in any of the Europe's market as she's fully occupied with the Americas trades." Awww.. tengkiu Roy. Sy tingu dia smbil senyum ma kasi tingu ✌. Dia kasi kenyit mata dia. Haaaa!! Kopio boh??? Matai la sy ni x dpt tidur niari.
"Well aware on that, Roy. I will manage with the ops who is now in charge for Nigeria but I need Fir to assist as much as possible to eliminate any possible issue", si Jane membalas si Roy.
Si Alfredo lagi ckp, "am in agreement with Roy, the Americas ops should not be encounter for the trades in Europe but Fir, probably it's better for you to prepare a manual process how it has been done in the past so you don't have to bother yourself with this trade".
"Yes Alfredo, the process are already available in the drive, I will share the link to everyone now", trus sy takan2 laptop sy, hantar tu file ma dorng.
"Great job, Fir" bilang si Jen-Duave. Dia ni sebenarnya yg bos pling besar sini kompeni sy. Jadi sy kambang yg sekambang2 nya la...
Abis ja meeting sy trus p jamban, noponuh sudah kancing sy, aduiii punya sakit tu t**nt*n... pas blik dri jamban sy masuk blik p vid-con room ambi laptop ma hp sy. Ei? Knapa New York blum kasi off ni? Baru sy mo kasi disconnect, "Fir, close the door", tiba2 si Blake muncul d skrin. Sy tutup tu pintu.
"What is it, Blake?"
"Nothing, I just want to say you look beautiful today".
"Ok thank you. What exactly do you want?"
"Hahhahaah, call me later, I need your favor on the new contract I've created. You know me well".
"Of course I do, Blake. Ok will call you after this. " trus sy disconnect. Sialan. Huh.. ni la sy ni.. org puji2 sy lu sbb ada something dorng mo minta tlg. Klu x apa2 tai kambing la dorng mo ckp. Hello pun x. Cuba klu si Ph-Nyun yg berckp, smua pun ya ya ya sbb si Ph-Nyun ni cantik bh. Slim dan suka pakai skirt pindik. Sy panggil dia si Santut sbb slalu nampak santut dia klu dia tunduk. Mekirayou lagi tu mo pki bju kasi nampak nenen padahal mcm tu kui pau ja aset dia. Ciss. Banci sy o.