عشق الجيران

البارت الاول

مرحباً ... مذكرتي العزيزة ..
كم احب كتابة تفاصيل أيامي وكأنني سوف انساها أو انها لن تتكرر ..

اعلم هذا كنت ساذجة للغاية وانا في عالمي الخيالي الخاص ولكنني الآن على أرض الواقع ..
واقعي الذي احبه كثيراً ..

قصتي ستبدأ وعمري ١٣ عاماً ..
عندما كنت مراهقة حالمة وعاشقة فقط ..

- رند ... هاي اول مرة اكتب ..
اوووف شراح اكتب من وين ابدي ..

لا لا راح انسه هذا الشي شنو اصرت اني لميى بمسلسل دقات قلب او يله خل اكتب من بداية حياتي الي اذكرهه ونشوف ..

.. مراح اخسر شي شعندي اني شغل عمل ...
احم احم اووف شنو اني راح القي خطبة لو تصريح ..

اشش خلي ابدي يله سكوت تام رجاءاً ..
ادري بنفسي مخبلة مو عاقلة ههههه ...

اني اسمي رند صحيح اسم حلو بس مو هواي اسمهم هيج واضوج ..
عمري ١٣ رحت للصف الثاني واعيش ابغداد بمنطقة بغداد الجديدة ...

عايشين ابيت ورث وشكد اتمنه نطلع ونخلص لان ماكدر البس براحتي..
ولد عمي ويانه اثنين صحيح واحد مزوج وعنده بنات اثنين ..

بس هذا كلش ايضوجني ويباوع عليه حته لو لابسه محتشم ماعرف شنو قصته ومن وراه ما البس براحتي وامي تحجي عليه واني هم ما اقبل بهذا الشي..

واما الثاني لا مايباوع ولاشي دائماً يصادق بنات ويحجي وياهن مو بحالي او شي ..

عائلتي متكونه من اب وام وثلاثة اخوه واخت مزوجه عن حب وعدهه ابن واحد اسمه محمد حمودي يعني ...

بيت عمي جنه مانحجي وياهم بسبب ظروف وبس سلام بيناتنه بس بعدين كمنه نحجي وياهم وعدهم اثنين بنات وحده اكبر مني بسنتين ..

بس برغم هذا الشي ما جانت تلعب ويايه او تحجي ويايه اصلاً مغروه وكمت اضوج منهه ...

حالتنه المادية يعني متوسط ابويه يشتغل موظف بدائرة حكومية ..
وامي ربة بيت ازوجت من هيه صغيره عمرهه تقريباً ١٤ ..

واخويه الجبير مصطفى مامزوج ماكو قسمته ومتعين معلم ..
اما اخويه الثاني حيدر بالمانيا طلع تهريب من صارت اوضاع مو زينه وكل الشباب راحت تهريب ..

واخويه الصغير الي امي تكول عليه دائماً راح يموتني والي هو علي اصغر مني بثلاثه سنوات راح للصف الخامس ..

اممم اعتقد طولت هواي او شوي مو مهم ...

ايجوز اني احجي هواي يعني راح تكولون هيج لان كتبت هواي وقبلهه ضحكت وياكم بس اني ابد مو اجتماعية وعود يكولون برج الميزان يحب يحجي ..