عشق الجيران

البارت السابع عشر

- شغف ... تذكرين هذاك الولد الي دائماً نشوفه كبالنه ويباوع عليه ؟

- رند ... اي شبي ؟!!

- قبل أسبوع صارحني وكلي احبج ونيتي صافية وياج واريد اعرف شنو رأيج ..

- اهااا وانتي شكتيله ؟

- اكيد كتله اني ماحب هيج سوالف واهم شي عندي الدراسه واتخرج

- اي وشكال ؟

- كال اني هم ماحب هيج سوالف بس ماكدر من شفتج الحد هسه بس افكر بيج واريدج ونيتي زواج وياج فكري واخذي وقتج وكوليلي حته ادز اهلي عليكم ..

- اهاا يعني يريدج تفكرين تقبلين تزوجيه مو اصادقيه !!

- اي ماعرف والله اني ماعندي مشاعر اله وهو مايتعوض يعني تعرفيه انتي هم واني ماكلت لأحد حته لأمي وحايره المن اكول وينصحني انتي شتكولين ؟

- حبي تعرفين اني ماحب فكره الزواج بس مادري شكلج اذا ماعندج مشاعر اله مانصحج توافقين ، اهم شي الحب ولو اذا تاخذين واحد يحبج احسن من ما انتي بس اتحبي

- هسه شلون !!

- مادري انتي بكيفج بس اكلج انتي بعدج مرحله اولى عيني وبعد كدامج اربع سنين وايجوز تحبين واحد ويحبج فلا تستعجلين خلي يصبر اذا يحبج صدك هو شنو الشهرين بلنسبه ليحب صدك موو صحيح ؟

-اي صحيح لعد اني راح ارفضه

- اي كوليله مافكر بلزواج واذا صدك اتحبني اصبر ..

- اوك حبي اني اروح اقره باجر امتحان اووف شكد اكره هذا الاستاذ

- استاذ أنمار ههههه

- هههه اي منو غيره ، دمشي روحي اقري اني هم حروح اقره ، باي

- باي كليبي

اني شسويت خاف صدك يحبهه ويتعذب مثل ما اني تعذبت ، اكيد مو كلهم نيتهم مو صافيه ، بس اني ماكلت شي غلط هيه ماعدهه مشاعر اتجاهه واذا صدك يحبهه يصبر سنين مو شهور ..

ارتاحيت وصار عندي أمل شوي بلحياه ...
اكو ناس نيتهم صافيه مثل كلوبهم ..

نزلت وكلت الباجر بلخط اقره الامتحان..
اني من النوع الي من اقره بسرعه احفظه لاني افهمه من اقراه ..
وخاصة بلانكلش احفظ اني ..

التهيت ويا حمودي ساعه تقريبا اشغل نفسي ع غيث وشكاعد ايسوي وياهه..
كاعد يمهه ويحجي وياهه ، شلون عذاب هذا ..
بس التفكير بوحده قاتل ..