عشق الجيران

البارت السادس والعشرون

رند ... اتخبلت شلون حيموت ياربي ..
اووف انوب بس لا حامل مريم وخطيه ابنه ..

كلبي مايتحمل هذا الشي ..
ماكدر اتحمل شي اكبر من طاقتي ..

استحملت هوايه كافي والله ملييت ..
غيث ولك شسوت بيه ..

من يوم الي عرفتك بي الى هسه ..
ماشفت طعم الراحه ..

- رند .. فدوه مروان كولي شصاير شلون حيموت هو مابي شي ومو مريض ..

طلع جكاره وضل يشرب ..

- مروان .. موتني قهر غيث الله يساعده
- رند .. ليش شبي احجي !!!
- هو مراح يموت من مرض
- لعد ؟؟
- من وره نفسيته ووضعه راح يموت
- شلون يعني؟
- من يوم الي ازوج بي ماشاف الراحه ولا الفرحه

هنا ضجت ..
رجعت ليوره وضلت اباوع حولي ..

ماشاف الفرحه وهو جان حيموت من الفرحه وايجوز دمع من الفرحه ..
اه يا كلبي اذا هو مو مرتاح اني مرتاحه وسعيده بحياتي ..

- عصبت عليه وكتله .. شلون بله ماشاف الراحه والسعاده ، ليش هو مو ازوج الي يحبهه وفضل وحده ماعرف شكول عليهه بس فضلهه عليه ،، اني الي حبيته وتقبلته بكلشي رغم الكل يحبني ويريدني ، عفتهم كلهم وحبيته اله وضلت وياه وهو ضحك عليه وازوج غيري ..

اكول الكلام واذكرت الي صار ..
بس الفكره تموتني ..
دموعي ماوكفت ..
ماهتميت بأحد ..

هو ضل ساكت يباوع عليه ..

ماتحملت وانفجرت عليه بلكلام مره ثانيه ..
اريد اطلع الي بكلبي ..

- تعرف شصار بيه من عرفت راح يزوج ، سكرات الموت اهون عليه ، اعرفه مايحبني ولا راح يحبني وهذا الشي الي خلاني اتخبل واحبه زايد ماعرف اني الي مريضه نفسيه ومخبله مو هو ، كضه حياته ونسه وسوالف وطلعات وسهرات وياكم بغض النظر عن الشرب وبنات الليل والي يصادقهن ..

- سكتت وكلي .. كملي احجي بعد !!

- شكول تطلع الكلمات مني مثل السهم بس ترجع عليه بنص كلبي مثل يوم زواجه ،، فوك الالم الي جنت بي غصبتني امي اروح وياهه للحنه ، اتريدني اشوف مريم الحقيره واني اباوع ، صدكني ماردت منه شي لا زواج ولا شي بس ردته يحبني يهتم بيه ويشعر بحبي اله ، اعاتبه بصوره غير مباشره بس ولا يمه كأنو صنم ماعنده احساس ابد ، شكول من كلام مايخلص ، والله يهني ويا زوجته وطفله ايجوز ..

من قهري نسيت غيث وشنو الصار بي ..
هدئت وحسيت نفسي ارتاحيت ..
شربت شويه مي ..