عشق الجيران

البارت الثالث

ثاني يوم ...

رند... كعدت الظهر غسلت الاماعين مال الريوك و ساعدت امي بلغده غسلت اماعين الغده ونظفت البيت ...

تعبت خلي اروح انام ..
نمت العصر وكعدت ع امي ...

- امي ... رندوش كعدمي يمه .. هذا غيث رجع لأهلهم كومي خلي انروح انشوفهم .
- رند... صدك ماما ؟!!
- امي ... اي حبيبتي .. يله كومي بدلي خلي نروح ونطمن ع الولد .
- رند ... اوك ماما نص ساعه واني جاهزه .

فرحت لان رجعلهم عايش الحمدلله ..
رحت سبحت ع السريع وبدلت ونزلت لامي ...

طبعاً ما تأخرت لان ما تعاركت ويا الشال مثل كل يوم لان اريد اروح لبيت ابو امير جوارينه بسرعه ( بيت غيث ) ...

بلكت اشوفه لان حموت واشوفه ..
شكد احاول اذكره ماكوو ماذكر شي كأنو مو هنا ولا يمنه ابد ..

كلت لامي يله خلي انروح كملت ..
رحنه كعدنه وطلعت امهم واخته نور مزوجه وعدهه جهال بس ماشفتهم ولا حته جهال اخو امير و قاسم ..

عرفت كلهم مزوجين بس هو اعزب مامزوج وبعده هو مو جبير ...

قدمولنه عصير وكيك وبلبدايه قبلهه نور قدمتلنه جكليت..

كامت تحجي امه شلون خطفوا و اخذوا منه السياره مال صاحبه الي جان راكبهه و موبايله وحته خالين براسه مسدس ...

يمه شكد خفت ..

موقف كلش مو حلو ولا ينحسد عليه ولا ينحجي انوب بيهه مسدس ورايدين يموتوا فوك ما خطفوا ..

بس الحمدلله ماطلبوا فلوس ..
همه حالتهم زينه فوك المتوسط بس غيث كلشي ما مسوي خطيه وهستوه راجع من السفر ..

بعدين امه جان تكول كتله لا ترجع بس هو عنودي ومايمشي بكلام احد مايسمع كلامنه ..
امي ردتهه لا خطيه الغربه اتموت الواحد ..

واني هسه اكول مو بذاك الوكت همزين رجع .. هاي هديه من الله اليه .. الحمدلله والشكر عليهه ..

ظلوا يحجون عن الوضع وبعدين جوي الجهال وكاموا يحجون عليهم وشكد متعبين و وكحين وطبعاً همه صدك وكحين كلش خاصةً جهال امير ...

رجعنه بدلت وسويت عشه ..
جانت امي مسويه كبه العصر من جنت نايمه ..
كليت الكبه و سويت زلاطه وجبت كلاصات للببسي وكعدنه ناكل ..

اني وماما وبابا وعلاوي وحيدر بلداوم بلجمله يروح ب ٤ ويجي ب ١٢ ..
غسلت اماعين العشه ومسحت البيت علسريع وصعدت انام ...