عشق الجيران

البارت الثاني عشر

- رند ... احجي شكوو ؟؟
- سارة ... حبيبتي كعدي ... كامت تبجي وكالت ... علاوي بعد مايكدرون يسووله شي بقت يم الله ومابيدينه شي بس ندعيله ..

انصدمت كلش وكعدت بلكاع وخليت ايدي ع رأسي وكمت ابجي ..

ياربي ليش هيج ،، بعده صغير ليش تأخذه ،،

بهل اثناء دخلن بنات عمي وجيهان وحده كعدت يم اختي والثانيه اجتي يمي ..

والله ردت هيج اكوم اجرهن من شعرهن واكلهن طلعت بره واطردهن بس الحاله الي اني بيهه ماتسمحلي هيج اسوي ولا اخلاقي وتربايتي ..

كامن يحجن ويانه ويهدئن بينه ،، اجه عليه حمودي خطيه ..

يكلي انتي ليش تبجين ؟؟ وين علاوي ؟؟ خطيه هو كلش يحب علاوي ومتعلق بي ويلعب وياه ،،

ماعرفت شجاوبه بس كتله مريض خطيه علاوي ،،
كال ليش شبي ؟؟

كتله عنده وجع مريض ،،
كال هاا ، يله امشي انطيني مي ،، كتله تعال ..

رحت انطيته مي واني هم اريد اخلص من هذني المنافقات ،، من اني بوحدي مايجين ،، بلعكس يجين من تجي اختي ،،

مادري عرفوا وضعه صعب ع اساس قبله وضعه مو صعب وهم
مااجوي .. اووف شنو هذوله من بشر ،،
بس يصنعون ويحبون مظاهر ولواكه ..

وره شويه راحن واختي خابرت عصام مايجاوب ،

مره مرتين ماكو انوب احنه نريد نعرف شكو لأن حسب ماسمعت اختي كالو كلش خطر واحتمال يموت ،،

ضلينه نبجي وبعدين هي كامت اتسوي اكل لأبنهه خبصنه جوعان ،، واني كمت اتوضيت وكمت اصلي وادعي ورحت قريت قران ..

وره ساعة صاحتي اختي كالتلي تعاي خل ناكل مو زين نضل بدون اكل ،، اكلت شويه ع كد الجوع وبس ،،

رحت فتحت موبايلي وحجيت لتبارك الي صار وكلتلهه تدعيله ،، بعدين حجيت ويا المراقبه ع الاجازه وتحجي ويا المعاونه ،،

دزيت رساله لأبو الخط فيصل ،، وكتله الي صار وهو قبلهه دازلي رساله ع وضع علاوي شلونه لأن هو يعرفه فكلتله ..

اني جنت احجي ويا فيصل ع الفايبر ،، اجتني رساله ،،

من شفت كلبي كام يدك بسرعه وابتسمت صدك فرحت بلرغم من وضعي ..

- غيث ... هلو ،، شلونج ؟؟

صحيح فرحت بس اذكرت الي صار وكلت اكيد ع علاوي مو علمودي حجه ويايه لأن اعرفه كبريائه عالي ،،