عشق الجيران

البارت الأخير

رند .. للحظة ظنيت كل شي انتهى ..
حياتي اوفر صارت ماكدر اعيشهه بعد ..

شكد صبرت وبجيت عليه واتحسر ..
وبكلمه ينتهي كل شي ..

- رند ... ماما فدوه انتي شكاعده تحجين ؟
- امي .. ام غيث وبتهه وجنتهه يمنه وجايين يخطبوج
- اي ماما عادي شكو بيهه هو مو اول واحد
- رند باعي عليه !

باوعت عليهه بعيون اتوسل الهه تكلي شي يبرد كلبي ..
اريد افرح واسكت الوجع والخيبه الي بكلبي من سنين ..

- امي .. اني اريد مصلحتج وانتي تعرفين هذا الشي موو؟
- اكيد ماما ..
- زين يمه هو مزوج وطلك وانتي تعرفين بهذا الشي كله وبرغم هذا هو مابي شي يتعيب يعني الي نعرفهم عنه زينين

باوعت عليهه وابتسم ..
ضليت ابوس بيهه ..

- رند .. ماما شبيج فززتيني من النوم عبالي شي والله خوفتيني مراح تقبلين
- حبيبتي اريدج تكونين سعيده وان شاء الله اختيارج صحيح
- دقيقه بس اني بعدني ماكلتلج قراري !!

ضلت تباوع عليه وحضنتي ..
حضنهه دافي ..

اتخيل حضن غيث شلونه لعد ..
اووو شيصبرني ..

- امي ..اممم اكو ام ماتعرف بتهه ،، ولج اعرف من زمان جنت شاكه بلموضوع بس بعدين بيوم حنته اتخربطتي وهو شالج وضل خايف عليج امبين هذا الشي عليه برغم ماعرف ليش ازوج هليج مريم وانتي هم اصرارج ماتروحين ويانه للعرس كلهه اسباب واضحه اليه ..

رفعت راسي وبستهه من راسهه وايدهه ورجله وبعدين كلتلهه .. احبج حياتي انتي وروحي وكل شي ..

- امي .. حياتج وروحج لعد حضرته هو شنو ؟؟ هاا !!

ضليت اضحك وياهه وسولفتلهه شغلات ..
صارت عندي ثقه اكثر واحجيلهه كلشي عنه ..
وكلتلهه راح اخلي يبطل هاي السوالف المكسره مثل قبل ..

راحت وردت اخابر صديقاتي واحجي وياهن ..
شفت مكالمات كومه من رقم غريب ..

اني ماحب اجاوب ع الارقام الغريبه بس هواي يصير عندي فضول اعرف منو ..

خابرت صديقاتي وضليت احجي وياهن بلساعه اكثر ..
السوالف ماتخلص ..

هاي التكلي شراح تلبسين وشوكت تزوجين وشلون دراستج ..
اسئله ماتخلص ابد وخاصه من نسرين ..

سوالف تونس كلش..
سديت الخط وشفت هم مكالمات ..
اجتني فكره براسي ..

طبعاً هي من البدايه موجوده بس ماتوقعت ..
هسه اكثر صار عندي فضول واني فرحانه ..
اتصلت بلرقم كلت بلكت غيث ..