عشق الجيران

البارت الثامن

- رند ... بعد ماعرفت جان يشرب و ويا البنات ..
ماكدر حته اكول هيج شلون جان يسوي هيج ..

صدك ضجت منه ..
وقررت ماحجي وياه واشوفه هو يحجي ويايه لو لا ..

خلصت العطلة وهو من جنت احجي وياه جان باقي بس اسبوعين وتبدي المدارس ..

عبالي بأخر ايام العطله اتونس ونظل نحجي حته بأيام المدرسه لان اني اضوج منهه فمن احجي ويا ارتاح ..

اجتي المدارس وهو ماكو ولا حجه ويايه بلرغم من اني اشوفه كل يوم ويا اصدقائه ابدايه الفرع مالتنه وبيتنه كلش قريب صاير بلبدايه..

بحيث من يسولفون اسمع حجيهم وصوته واشتاقله بلزايد ..

كمت اداوم واول يوم رحت ادبي ..
كلت اني مامشي ع كلام احد وراح اروح ادبي بس بعدين ماكدرت انوب اشوف البنات الكساله راحن علمي واني شاطرة ماروح علمي ..

رحت علمي وره اسبوع وكلت لنفسي اني ليش رحت ادبي ردت اضيع مستقبلي بأيدي من وره استاذ غيث واعنادي ..

داومت وكملت مدرسة وهو ولا يحجي ويايه ..
امتحنت وطلعت ناجحه ..

جنت ملتهيه بلدراسه ولو اني ماقره هوايه كلش قليل بس ع الاقل جانت اكو مدرسه تشغلني عنه وهسه ماكو شي ..

اجتي اختي وره ماطلعت ناجحه وبقت يمنه اسبوع لان ماجانت تجي علمود عندي امتحانات وحمودي مايخليني اقره ..

طبعاً هذا الحجي امي تكوله لأختي بس اني عندي عادي بدون ماقره انجح صحيح اني شاطره بس ذكيه هم واكو فرق بينهن ...

ضعفت كلش لان كل الوقت ماعندي شي ..

وضجت كلش منه لان السياره الحمره باعهه شكد ضجت اووف شعوري ماينوصف من عرفت باعهه ..

كلش اتعلقت بيهه مو لان هيه غاليه وهاي لا ..

السبب حمودي ابن اختي يحب اللون الاحمر طالع عليه وكل ما يشوف سياره غيث ايأشر عليهه ويكولي خلي انروح نصعد بيهه عبالك هيه مالتي فتعلقت بيهه من وراه هههههه ...

ردت اعرف ليش باعهه معقوله يجربني عباله اني حجيت وياه علمود عنده جارجر مثل بقيه البنات شلون مصيبه ..

حجيت وياه بحجه حمودي مو اني ..
ضليت ادز حروف كومه وخبلته ...
بعدين كتله...

- رند ... آسفه كلش غيث هذا حمودي لعب بموبايلي مو اني
جاوبني وره ساعه ..
- غيث ... لا عادي هو جاهل مايفتهم
- اي غيوثي .. شلونك ؟
- الحمدلله وانتي ؟
- بخير عايشه
- دومج جاسميه
- اهوو هم رجعنه ابو سعيد
- طبعاً رجعنه لعد شكو حجيتي ويايه
- كتلك هذا حمودي
- ي ام سعيد .. شخبارج اكيد طلعتي ناجحه
- اي ناجحه وانت؟
- بدرسين بس عادي مثل كل مره انجح
- اي ادري بيك ابو سعيد
- اي شسوي عندي عداوه ويا الدور الاول والثاني يحبني
- اي يحبك مثل الربيعي
- اي والله مشتاقله الربيعي
- شنو مشتاقله هم انت كل يوم اتروحله
- هههه اي بس شسوي احبه ويحبني مانكدر نستغني عن بعض
- الله يديم محبتكم
- شكراً ويوم زواجنه هم
- شنو منو؟؟
- اني والربيعي
- لهدرجه تحبو بعض .. يله يوم زواجكم
- تسلمين وانتي حاضره
- اممم ماعتقد تعرف اني ماحب الاعراس لان هوسه وهاي
- اي اني هم ماحبهه بس راح اسوي العرس هادئ علمودج
- شكراً
- ولج حمديه شنو هلرسميات شكراً ومادري شنو كأنو ماتعرفيني
- لا عادي ماكو شي واعرفك اني
- اي عبالي
- غيث
- عيونه
- انت ليش بعت سيارتك ؟
- ماتفيد بهاي المنطقه ماترهم
- اهاا .. ماكو غير سبب
- اي مليت منهه
- اي
- اني حروح رندوشه بعدين نحجي
- وين اتروح
- لكربله
- اكيد ويا اصدقائك .. توصل بلسلامه
- اي .. الله يسلمج
- ادعيلي
- اكيد فوزيه
-هههه باي ابو سعيد
- باي ام سعيد

اوووف منك ليش اتأملني وتكولي ام سعيد .. وماتحجي ويايه اووف ابو سعيد ..
شكد احبك وانت ماتحس ..
انت صنم لحبي ...

راحت السياره وكأنو جزء مني راح وياهه ..
بس انت موجود وهذا الشي كافي ..

شكد متحس انت تكولي ادعيلي ازوج الربيعي ..

اووف لو بس اعرف شعندك هناك اكلك ع البنات اتكول لا ..

انوب اتكلي وانتي حاضره ..
اتريد اتموتني واني اشوفك ويا بنيه غيري ..
صدك ماعندك احساس ابو سعيد ...