عشق الجيران

البارت الرابع عشر

بدلت ولبست دشداشه اردانهه طوال وخليت الشال ونزلت..
طبيت ويا امي وسلمت عليهم ..

رحت للمطبخ امي محضره كلاصات وكيك ..
جبت الببسي من الثلاجه وصبيته وقدمته الهم ..

اهلي يحجون ويسولفون وياهم وميانه بينهم واني بس ساكته ماحجي واوزع ابتسامات هههه ماعرف ع شنو ..

من همي وحزني بس اريد اضحك نفسي غصب ..
امي دزت اخوي مصطفى يجيب عشه من بره وفاكهه ..

بصفي كاعدات چناتهم اثنين ..حجت ويايه وحده منهم ماعرف زوجه منو بلضبط ..

- شخبارج رند شلون صرتي ؟
- بخير ، انتي شلونج ؟
- الحمدلله بس هذا ابني خبلني
- ههههه همه كلهم هيج وكحين
- اي مايكعدون راحه

كعدت شويه وكمت لميت الكلاصات والكيك ،، اني بيا حال وهو وين رامي موجود ويياوع عليه من فتره لفتره .. واخوانه ثنين اكبر منه وابوه وامه بس ابوه محبوب واني ارتاحله حنون كلش ..

رحت وديتهن للمطبخ ،، غسلتهن وعزلت المطبخ ..
اجه اخويه وطلعت الاكل خليته بماعين وخليت الفاكهه بالثلاجه ..

حضرت كلاصات للشرب وانطيت سفره لمصطفى لحته يفرشهه ..
اجني ويايه البنات وساعدني بنقل الاكل ..

كعدوا ياكلون بس اني استحيت ما اكلت كلتلهم شبعانه ..

رحت كعدت بلصاله وضليت اكلب بلموبايل واراقب غيث اووف شوكت راح انساه وحتجي المدرسة والسادس ..

كملوا عشه و كعدوا وره شويه طلعنه الفاكهه ..
ضلوا يحجون وسوالفهم ماتخلص واني كاضيتهه اباوع عليهم ..

راحوا وغسلت الاماعين حته التهي ..
كملت رحت لأمي..

- ماما اني حروح انام ، تريدين شي ؟
- لا بس تعاي احجي وياج
- خير ان شاء الله
- لا خير حبيبتي ،، تعرفين رامي رايدج شنو رأيج بي ؟
- يمه تعرفين اني مافكر بلزواج واريد بس اكمل دراسه واطلع معدل هلسنه ، يا زواج هذا
- ادري اني بس هيج كلت اسألج هو زين واهله يخبلون وحالتهم زينه مابي شي يتعيب ...
- اعرف بس اني هدفي الدراسة اكملهه
- ان شاء الله ، روحي نامي
- اوك تصبحين ع خير
- وانتي من اهل الخير

بستهه وصعدت فوك انام ، طبعاً مانام اني اروح اشوفه واسمع صوته ويا اصدقائه مجمعين برأس الشارع يسولفون ..

هو يسولف وياهم ويضحك واني بس اتمنه حرف منه ..
برغم هذا من اسمع صوته افرح والابتسامة ترسم ع وجهي ..

حته من اسمع اسمه كلبي يكوم يدك بسرعه ..
اجه وطب للبيت واني رحت نمت ..

كعدت الظهر مو الصبح لان عطله عادي كل يوم هيج وكت اكعد ..
سمعت صوت هوسه واصوات ابيتهم ..

كمت ورحت ع الشباك اباوع ..
لكيتهم يعدلون بلبيت وكومه ولد ماعرفهم ..
شفته يشتغل وياهم ويضحك ..

عمت عيني واني خليت الدموع ماتعتب عليه ..
وهو الابتسامة والضحكة ماتفارك وجهه..
دوم يا حبيبي دوم الضحكة ان شاء الله ...

سبحت ونزلت سويت ريوك كلعاده وساعدت امي بقية اليوم..
خلص شهر وهو ع هذا الروتين ..

لحد يوم ٧/٢٤ ..

كعدت الظهر وسبحت وضليت فوك بلغرفه احجي ويا حيدر ..
سديته وصارت ساعة ٤ واسمع عياط وصياح بره ..

اباوع من الشباك كومة زلم طبوا لبيت ابو أمير ..
اريد اعرف شكاعد يصير..
حموت من الخوف ..

خاف صاير بي شي ..
التفكير كتلي ولا فكرة ايجابية كلها سلبية ..

نزلت جوه كلت بلكي اخوي يعرف شصار ..
نزلت كلشي ماكو ..

- امي ... تعاي رندوش ما تاكلين ؟
- لا ماما بعدين اني اسوي اكل مو جوعانه ..
- براحتج
- اني صاعده اعزل كنتوري ، اوك؟!!
- اي روحي ..

صعدت وقفلت البال اروح واجي منا اريد اعرف شصاير ..
شفت غيث طلع وياه اصدقائه ..
يحجي وياهم مثل الي يتعارك وياهم ..

شبي هذا ،، ذاك اليوم بس يضحك ..
اول مرة اشوفه عصبي ومحروك دمه ..
يا ترى شنو السبب الي خلاك هيج مثل حركت دمي ..

ضلوا يحجون ربع ساعة ..
جان يطلعون الزلم ويا اخوانه وابوه ..

حجوا وياه كلمتين اكثر ..
كام يعيط كدامهم ..
حجه كلمة رنت براسي ..

اعتقد راح تبقي برأسي لحد ماموت مانساهه ..
هلكد ما حجه بصوت عالي لهنا وصلت ..

انيالهه ع حبك وع فعلتك خلت دمك محروك ..
انيالهه الي تسمع صوتك كل يوم واني كلبي مخنوك ..
انيالهه ع لمسة ايدك و اهتمامك بيهه من اتكلك احبك ..
اني حسره عليه هسه اكلك شي، كلمة احبك أو مشتاقتلك ..

كال بصوته الخشن الرجولي ..

- بس اني احبها ..

ماسمعت بس هاي ..
غيرت كل حياتي وخلتني متندمة طول عمري عليك ..
شكد جنت احبك غيث ..
متعودة عليك هواي ..

حبني شخص من طرف واحد .. واني رفضته ..
حبيت شخص وطلع من طرف واحد .. ورفضني ..
ماعرف هيه اذا تحبه لو لا بس اكيد اكو عنده حب من طرف واحد بسببي ..

هذا الموقف طبق عليه ...
" كما تدين تدان " ...
حته بلعشك هيج صار ..

اويلي ،، اويلي يا كلبي ..
شلون اكمل يومي هذا او اكمل حياتي ..

اووف يا دنيا ،، شكد ظالمه انتي ..
خلينه براحتنه خلينه نرتاح عاد كافي ..

بعدني بهذا العمر وشفت الظلم ..
من اكبر ششوف بس الحزن ..

الحب من طرف واحد ..
موت بطيء ..
لشخص مريض ..
مايكدر يسوي شي..

بس الحمدلله ع كل حال ...