عشق الجيران

البارت السادس

- رند ... التهيت ويا اختي ومافكرت هواي بغيث لان ماعندي مجال هوايه ..
فكرت بي قليل ...

راحت اختي وماعندي شي كله ضوجه وماكو طلعه بس للمنطقة واذا اطلع هم اشوف غيث وانوب يصيرلي دافع اكثر حته احجي وياه ..

ضليت افكر ومثل كل مره كلبي انتصر ع عقلي الي يكولي هذا مثل كل الولد بس يريد يكضي وقت ..

بس اني اريد ماعرف احس بشي غريب من احجي وياه واشوفه وانووب كارثه صارت ..

اجتي عليه ماما ..

- امي ... رند يله كومي بدلي بسرعه خلي نطلع ..
- رند ... اهاا ماما شعجب اكو شي ؟؟
- امي ... لا ماكو شي .. شنو ماتريدين اطلعين؟؟
- رند ... لا ما قصدت هيج يله حروح ابدل ..
- امي ... ماشي .. اني منتظرتج ..

غسلت وجهي وبدلت ونزلت كلت لأمي يله كملت خلي نطلع ..
طلعت وجان اشوف يم بابنه سياره حمره هاي من البدايه ماعرف تخوفني وما هلكد احبه برغم من كل البنات يحبنهه لان غاليه ..

انوب هيه حمره واني اموت ع الاحمر والاسود ..

كلتلهه ماما هاي مالمن ...
كالت مادري ..

المهم مشينه وشفت غيث هم يباوع عليه بس تغيرت نظرته وصارت اتعذبني يباوعلي بنظره كأنو حيموت من الحب ماهلكد ما مبين بعيونه ..

رحنه للجمله وسمعت اخويه مصطفى يكول لأمي بلشارع العام بنهايته فاتحين محل موطه وكلش طيبه الموطه مالته واني احبهه كلتلهه خلي انروح ...

رحنه هناك وكعدنه اني كعدت و وجهي يصير كبال الباب ..

جابت امي موطه بلكاكاو اموت عليه وهي هم ..
كعدنه ناكل وطبعاً اني اطول لان احب استمتع بيهه ..

دانطلع وجان اشوف واحد طلع غيث نزل من السياره الحمره نفسهه هاي اليم بابنه وهي جارجر ..

اني ماجنت اعرفهه لان اني مو هلكد منفتحه ع العالم  ..
امي جانت تنطي فلوس للكاشير وجان تطلع مانتبهت لغيث لان هو ماكو اختفه وطلعت اني وراهه ..

طلعت جان هو يجي يفوت وصار كبالي ..
اني اول مره اصير بهيج موقف وهو يباوع عليه واني واكفه بمكاني ..

هو حس وخر واني كمت امشي ع كيفي وامي ماتدري اصلاً طالعه تمشي ماتدري اني مو وراهه لان اني دائماً امشي وراهه ولا يوم عايفتهه ..  

رجعنه البيت واني افكر بي وهاي اول مره اشوفه عن قريب واشوف ملامحه زين ..

شفت عيونه العسليه طوخ ...
شكد حلوات بعيني صارن ..

هو ابد مو مثل باقي الشباب الي بعمره يصادق هواي ويلبس مادري شلون ومال بنات ويسوي شعره مثل النوع مو الحلو ..

هذا الموقف ساعدني لحته اعرف ليش يباوعلي ..
اريد اعرف اعجاب لو حب لان اكو فرق بينهم عندي ولازم اعرف ..

قررت ادزله رساله ولو اني ماحب اني الي ابادر بس دزيتله رساله وره ماكملت عشه وشغلي ..

تقريباً ب ١١ ..

- رند ... هلو غيث ..

جاوبني بنفس اللحظة علرغم هو ماجان متصل بلنت ..
هذا شنو جان ينتظرني ..

- غيث ... هلوات عيني
- شلونك ؟؟
- انتي شلونج ؟؟
- بخير اني وانت ؟؟
- شلون ماصير زين واني اليوم شفت ملاك ع الارض
- ههههه .. شلون صدفه
- ي والله شلون صدفه حلوه كلش
- اي صحيح..
- فاتحين المحل جديد و فؤاد تعرفي جوارينه بلركن كلي امشي نروح وتفاجئت هواي من شفتج ..
- اي اني هم تفاجئت ..
- اي .. هلمره هم اتريدين تشكرني لو لان شفتيني حجيتي ويايه ؟؟
- اممم .. لا هواي اسباب ..
- اهاا !!
- اي
- واكدر اعرف هاي الاسباب ؟
- هي الصراحه مو اسباب .. هي اسئله واريد اسألك هاي الاسئله .. اكدر ؟؟
- اكيد .. واني راح اجاوبج بصراحه
- اوك .. اول شي اريد اعرف انت شلون عرفت حسابي بلفيس هذاك ؟!!
- ههههه .. شلون ماعرف .. اخوج مصطفى صديقي بلفيس وانتي اتعلقين ع صور حمودي ابن اختج واتكولين خالته وماعنده خاله غيرج فعرفتج ..
- هااا اي صحيح بس مادري لهدرجه منتبه
- لا وليش مانتبه .. اني ع كلشي انتبه وخصوصاً اذا شي يخصج
- ليش عود خصوصاً شي يخصني ؟؟
- اممم بعدين اكلج .
- زين .. والسؤال الثاني هو ليش انت تباوع عليه صارلك سنتين؟؟
- اكو واحد يشوف ملاك ومايباوع عليه
- لا غيث بلا مجامله اريد الصدك وانت كلت اجاوب بصراحه .. يله احجي .
- شحجي مثلاً ..
- شمدريني انت ليش تباوع عليه اكيد اكو سبب .. غيرك يباوعلي هم بس مو مثل نظرتك تختلف ..
- اي اني معجب بيج هواي
- اهاا اعجاب يعني !!
- اي لعد شعبالج
- هيج ماكو شي .. يله اني اروح .
- ليش خلينه نسولف
- لا ماكدر .. يله باي
- باي رند ..

هذا معجب بيه وهيج يباوعلي اذا يحبني شلون ...
اني كلش نعست احس خدرت اريد انام ..

بس هم اريد احجي وياه بعد ..
ليش لعد مايحجي ويايه هو ..

اووف اله اني ابدي اضوج من هذا الشي ...
خلي انام هو معجب بيه لو اني ..

🎀**********************************🎀

اكيد حتكولون راح تحبه وتحجي وياه لان عنده جارجر وحمره فوكاهه يعني طاك وفايخ ..
لا عيني لا ...

اني انعجبت بي من زمان من جان يباوع عليه وعرفت هو غيث ..

صحيح ماكلت بس بداخلي صار هذا الشي وكمت احس احاسيس بعدين عرفت معناهه  ...