عشق الجيران

البارت الثالث عشر

سووا لعلاوي غسل كلى اكثر من ٧ مرات والحمدلله كل مره يصير احسن لحد مارجع وضعه وهم ماعرفوا شنو الفايروس الي سبب كل هذا وجان عنده كمية النحاس عالية وهذا هم سبب الي خله يصير بي هيج ..

وره خمسة واربعين يوم طلع من المستشفى وامي مرات احجي ويايهه وماتقبل تجي هنا ،

طلعت ورجعوا للبيت اني كلش فرحت وطبوا للبيت عبالك جان مظلم ومابي هوه ..

خالي ظل يومين وراح ويا يوسف وعمي بقى هنا ، اختي راحت وره اسبوع واني ضجت اتعلمت عليهه وع حمودي ، صارلهم شهرين ،

انسدت شهيتي وكمت ما اكل ضليت ع الحال اسبوع وتمرضت بيه فلاونزه بلعظام ، استمريت ع دوه وأبر ،

ع اساس اني اساعد امي بوحدهه انوب اني اتمرضت ..

وره اسبوع كامل واني ما ماكله ، اجي خالي العصر وضل ، جنت كاعده العب بلموبايل بلاستقبال والكل موجود ،

ماحسيت ع نفسي وكلت لأمي لحكيني ،،

اجتي عليه وقاسوولي الضغط جان هابط كلش وانطتني ملح ورفعت رجلي ..

كالو هاي لان ماماكله ،، بعدين شتدت عليه الاعراض ، وجهي صار اصفر وماتقبل اكل ولا ريحته وكلسع أرد ، وهمين اتخربط ،،

شكو عندي ابو صفار وامي كامت تصيح وتحجي ،
اذكرت سيناريو علاوي شلون راح يصير بيه واني ابنيه مو مثله ولد ..

حللت وطلع صدك عندي وكمت ابجي عبالي راح يصير بيه مثله ،، امي شكت بلنتائج وكالت غلط ،،

جنت بوكتهه احجي ويا غيث بليوم مره ،،

اتمرضت وامتحانات نهاية كورس قربت ،، ابويه كال لمصطفى خلي يحجي ويا غيث حته يجي ياخذ دم ويحللهه ..

كلت لغيث وكال اكيد اجي اصلاً اني بالي ضل يمج ،، اجه واني بهاي حالتي حته ماباوعت عليه ،، ولا حسيت من لزم ايدي..

ضليت احجي وياه بلموبايل وره ماطلع ودزلي ثاني يوم النتائج ،،

جنت امتحن وامي تروح ويايه خطيه وتظل بره تنتظرني واني بسرعه اكتب ع كد النجاح واطلع من الامتحان لان يشوفون الكانوله ..

كملت الامتحانات بس بيوم الاسلاميه مارحت لان اتخربطت الصبح من كعدت والمدرسات من سيألوني وبنات الخط اكلهم عندي فقر دم مو ابو صفار حته اكدر امتحن ،،

اخويه عاف هاي السنه ، صحته اهم شي ..

جانت ايام كلش صعبة والله اليعلم شنو جان شعورنه ،، اني صرت احسن بلعطله وكمت هم اساعد امي ،،