عشق الجيران

البارت العاشر

بدلت ورحنه لبيت ابو أمير..

وصلنه للبيت جان امي تكولي نسيت جزداني روحي جيبي وتعالي ،،
رجعت للبيت وامي طبت يمهم واني ماطولت دقيقة ،،

دخلت للبيت والمطبخ هو ع اليسرة والاستقبال ع اليمنة بس ندخللهه من جوه ومانكعد بيهه هلكد اكثر المرات بلصاله نكعد من نجي ..

فتحت باب المطبخ وشفت غيث كاعد يسوي بلنركيلة لوحده ،،
ردت اغلس بس اشجعت وماصدكت راح احجي وياه هيج لأول مره ..

- رند ... السلام عليكم
- غيث ... وعليكم السلام عيني

طبيت للصالة ماكو احد ، رجعت للمطبخ وهو جان يشرب بلنركيله ، خبيث يعرف احبهه وكاعد يشربهه كدامي مايستحي ..

- وين امي ، شو ماكو ؟
- ههههه اي خطفناهه
- هههه لا صدك وينهه
- اذا نريد نخطف ، انخطفج الج مو الهه شسوي بيهه انتي كلبي
- هههه ولك ماتستحي
- ع شنو استحي ، لا تستحين هاج ،،، وأشر ع النركيله

خرب بيومك انت شنوو ..

- لا يمعود خلي اروح وينهه امي ؟؟
- بلاستقبال حبي
- اوك

رحت وامي كالتلي شو تأخرتي ،،
كتله اي جنت ادور عليه ، ع الجزدان وانطيتهيا ...
ضلينه كاعدين وضيفونه ..

وهمه يحجون واني ساكته ، امه و زوجات اخوانه امير و قاسم والجهال يلعبون بلصالة والباب مفتوحه وينسمع صوتهم واعياطهم ..

ضلينه ساعة وطلعنه ورحنه اسوكنه واكلت موطة وللجملة طولنه هم تقريباً ساعتين ورجعنه للبيت ..

بدلت وعزلت المسواك وفتحت النت لكيت رسايل من غيث..

- هاي شنو عيني شطالعه ولج شكد اريد ألزم ايدج او اتقرب اشوفج، دائما اشوفج من بعيد ،، يله المهم شفتج وسمعت صوتج الي ماتخليني اسمعه بس حقج صوتج يخبل ولسعه ابالي ،، من ترجعين دزيلي رساله خلي نحجي ، اشتاقيتلج بلزايد ..

ضليت اضحك عليه وكتبتله ..

- شنو تلزم ايدي غير اموتك ،، وباع لهذا ماسمعك صوتي شوف لسعه ابالك ، هسه الله ليعلم شكاعد اتفكر

جاوب وره دقيقتين ..

- ولج شنوو ، اني افكر هيج ، هو انتي تفكيرج مو صافي اني شعليه .
- اي عيني مو صافي اني لعد منو الصافي تفكيره خالتك ؟
- اي خالتي ولا اني
- اممم اذا احجي منا لسنه انت ماتسمع كلامي ولا شي اضل ع رأيك
- لا حبي هسه اني شكلت لتعصبين رندوش
- اي ابو سعيد
- مشتاق اسمع او اشوف هلكلمه
- اي واني هم
- سعديه مووو ؟
-ههههه اي اكيد
- صرتي اتحبين هاي الاسماء موو بسببي ؟
-اي غيوثي ، اني لازم اروح اوك
- وين ؟
- اسوي عشه
- هاا اوك بلعافيه مقدماً
- الله يعافيك ..