عشق الجيران

البارت الخامس

- رند ... وره ما طلعت ناجحه كامت امي اطلعني اكثر واني اكولهه ضايجه بلبيت ..

مرات اشوف غيث وهو يباوع عليه بنظره غريبه كأنو يحسسني بلذنب لان ما شكرته او حجيت وياه ..

وره تفكير قاتل وكومه رسايل اكتبهن اله وبعدين اتردد وامسحهن .. دزيتله هلو بس من غير حساب فيس مو الي دزلي عليه الرساله ..

وطلبت قبلهه الصبح منه طلب صداقه هو وافق بنفس اليوم بس بليل ...

- رند... هلو ..
- غيث ... هلو ..منو ؟؟
- رند ... انت مو غيث اكرم ؟؟
- غيث ... لا .. اني صديقه ..
- رند ... شلون صديقه لعد ليش كاتب اسمه وصورته ؟؟
- غيث ... عجبني وهو صديقي شنو مايصير .
- رند ... اوك ولو اني اعرف انت غيث اكرم بس اريدك اتكوله انو اني رند جوارينه ..
- غيث ... شنوو .. انتي رند فاضل ؟؟
- رند ...  هههه اي وهسه شلون عرفت بابا اسمه فاضل ؟؟
- غيث ... ههههه بعد عرفتي اني غيث .. شكو تسألين بعد .
- رند . ايي ..
- غيث ... اي شعجب تحجين ويايه .. مداصدك انتي رند..
- رند ... لا عادي بس ردت اشكرك ولو متأخره ..
- غيث ... اهاا العفوو .. كيفت من شفت اسمج وناجحه فحبيت افرحج ..
- رند ... اي صدك فرحت ..
- غيث ... زين .. شلونج اخبارج ؟؟
- رند ... تمام وانت ؟؟
- غيث ... دومج ... اكو واحد يحجي ويا ملاك ومو زين .
- رند ... هههه ايدوم غلاك ..
- غيث ... انتي الغاليه ..
- رند ... غيث ؟؟
- غيث ... عيوني !!
- رند ... اني لازم اروح .. شكراً مره ثانيه !!
- غيث ... اوك براحتج .. لا ولوو .
- رند ... اوك باي
- غيث ... باي

رند ... هاي شنو ليش هيج كلبي يدك بسرعه من حجيت وياه الي هسه ..
بس لا اني احب ..
عززه لا حتلو حبيت مو حب هذا ..

حب مراهقة وانساه بعدين  و اني مامعجبه بي هلكد اني اريد واحد عيونه زرك اشكر معضل شوي حلو صاك وطاك يشبه توم كروم وآدم الي بأحلامي ...

هاي شلون شغله بعد ماحجي وياه اخاف اتعلق بي واكوم احبه ولو اني طرت من الفوح وحسيت نفسي بغير عالم بس اني مادور هيج شغلات..

اريد اهتم بدراستي وهو شنو كالي ان شاء الله تتخرجين من سادس علمي مو ادبي وفوكاهه احيائي شنو اني امشي بكلامه لا واصير مثله هم ..

اشايفني اذا ماطلعت معدل اني عندي فلوس ادخل تحليلات مرضيه بجامعة اهليه واصرف ١٤ مليون ب٤ سنوات ..

ولو هو حلو القسم بس هو السادس حظوظ ..
حجيت ويا نفسي لحد ما امي صاحتني ..

- امي ... رند !!!! رندووش !!! تعاي ..
- رند ... ها ماما .. شكو ؟؟
- امي ... تعاي اختج هنا
- رند ... شنوو!!
- امي  ... ساره اجتي .. تعالي حمودي يريدج
- رند ... اي ماما هسه اجيت ..

نزلت طايره وعبالك راح اوكع من الدرج ..
اني منا فرحانه وانوب اجتي اختي فرحت بلزايد ..

يوو شكو اليوم الله اليستر ..
ياربي ان شاء الله ضحكة خير ...

نزلت وطبعاً ما البس حجاب كدام عماد لان هو زوج اختي ..

- رند ... هلوو سرو .. شلونج ؟؟
- ساره .. هلو رندو .. بخير وانتي ؟؟
- رند ... تمام .. وين حمدووش .. مايسأل ع خالته الحقير ..
- امي ... لا سأل عليج بس انتي فوك ..
- رند ... رحت لغرفه الاستقبال ... هلو عماد شلونك ...
- عماد .. هلو رندو .. الحمدلله وانتي ؟
- رند ... بخير .. ولك حمدووش تعال يمي مو جنت تسأله عليه ..
- محمد .. رونو اني اريد هاي .. هاي الاغنيه مال جاستن بيبر .. مال بيبي
- رند ... هسه حبيبي تدلل ..

التهيت ويا اختي وحمودي وسوينه عشه وعماد اتعشه ويانه ...

طبعاً اختي تبات يمنه وتضل خمس ايام مرات اكثر اسبوع مو اكثر ...

تطلعنه وانروح للالعاب علمود حمودي ولو اني هم العب هاي الالعاب الي تخوف اموت عليهه ...