عشق الجيران

البارت الحادي والعشرون

غيث... دخول مريم لحياتي كل شي أتغير ..
جنت احجي وياهه من قبل ماسافر بس ماشايفهه ..
وماكالتلي راح تجي لنفس كليتي ..

جنت كاعد ويا اصدقائي بلسنتر نسولف ..
ماشوف اله وحده رشيقه واكفه يمنه ..

رفعت راسي وشفتهه صاكة بس لابخه شويه هواي ..
اصدقائي كلهم كاموا يباعون عليهه ..

- مريم ... السلام عليكم
- ردينالهه السلام كلنه ... وعليكم السلام عيني
- مريم ... ممكن لحظة غيث؟!!

من سمعت اسمي طار عقلي ..
توسعت عيوني وهمه ضلوا يباعون عليه يردون يعرفون منيه هاي ..
بلعت ريكي واتوترت ، كلت منين تعرفني ..

- غيث ... اكيد

مشت وكعدت بغير مكان ورحت وراهه ..
لأول مره خايف ماعرف ليش ..

هيه مو اول وحده ولا شي ماعرف شبيه ..
كلبي كام يدك بسرعه ونفسي ضاك ..
كعدت وكالتلي ..

- مريم ... اني مريم الجنت احجي وياك !!

تخبلت من سمعتهه اتكول مريم معقوله هيه هيج حلوه واني مجنت اديرلهه بال شلون حظ ..
بعد سنتين ونص يله شفتهه ..

كالتلي .. شبيك ، ليش ماتحجي ؟؟

سمعته اتكول هيج وتتموع بحجيهه ..
شكد اضوج من هذا النوع الي تعوج حلكهه وبمشيتهه..

- غيث ... لا بس جنت افكر واذكرت ايام قبل
- مريم ... هاا اي شلونك ؟؟
- بخير وانتي؟
- الحمدلله ، شلوني اني ؟ هم فكرت هيج حلوه اني ؟
- ههههه لا مافكرت بس اتندمت
- هههه اكيد جمالي ماينوصف
- اي صحيح

كمت اجاملهه هواي حته استفاد منهه برضاتهه ..
وضلينه نحجي ومادخلنه محاضرات ..

عرفت منهه انو هيه دخلت بهاي الكليه من شافتني ناشر صور بلاسراء ويا اصدقائي ..

من ردنه نطلع شافت مروان عنده كمارو حمره ..
وهو صاك وعرفت بي حالتهه كلش زينه ..

ماشوف اله شو هاي عافتني وراحت عليه ..
وكلبي اخذته وياهه ..

حجت وياه وبعدين اشرتلي تعال ..
رحت يمهم وجانوا يسولفون..

اني حيل ضجت ..
عرفت هيه اخذت وكلبي وماريد تحجي ويا اصدقائي واني اعرفهم شنو ..

كالتلي .. ماتريد تعرفني ع اصدقائك ؟
- غيث ... لا عادي هذا صديقي مروان ..
- مريم .. اهاا !!
- مروان ... اي احنه اصدقاء من الابتدائية وجيران هم بس بعدين انتقلنه للكراده ..
- مريم .. اهاا
- مروان ... اي اني أستأذن منكم يله باي
كلنه سوه .. باي