Mula sa kantang "Tadhana" ng Up Dharma Down, inihahandog ni supermanong ang natatanging kuwento ng pag-ibig na hindi sinasadya ngunit itinakda na ng tadhana...
Parehong nawawala. Parehong naguguluhan. Parehong nasaktan...
Si Lyka Soriano ay isang matalino at masiyahing babae. Ngunit sa mga mata ng kanyang magulang, ang kanyang mga sakripisyo ay dumi lang sa kuko ng kanyang nakatatandang kapatid. Sa mga ngiti at tawa nalang dinadaan ni Lyka ang sakit na dulot ng pagkukumpara. At sa pagdiskubre pa sa isang hamon na susubok sa kanyang tibay at lakas, hindi na mawari ni Lyka kung buhay pa ba ang pag-asa o patay na.
Si Derrick Guillermo ay misteryoso. Walang kaibigan, walang karamay at nawalan ng pamilya sa isang malagim na trahedya. May ilang estudyante na ang nangahas na pasukin ang kanyang magulong mundo, ngunit sila ay nabigo.
Sa kasagsagan ng malakas na ulan, isang di inaasahang pangyayari ang magiging tulay ng kanilang nawawalang sarili na parehong basa at balisa.
At sa hindi inaasahang pagkakataon...
Ang mga mata nila'y magtatagpo.
Si Lyka...
Si Derrick...
At ang kanilang tadhana...
