و أنتِ إن جُبتي العالم بحثاً عني ..
لن تجديني ، إلا بكِ !
وقفت مشدوهة أمام كلام زوجة عمها..
خفق قلبها بعنف ، إنّ شرارة استتبّت في نفسها فأشعلتها دفعة واحدة !!
نظرت للورق أمامها .. ثم أنقلت بصرها الى القلم
نطقت بعدم تصديق/ خ..خطبني ؟!!
قالت زوجة عمها بملل/ خطبك الشيخ ! و ميين قدك !
ثم تحوّلت نظراتها للحزن/ بس أسألك بالله تحكي معو عشان مؤيد ! اوعديني !
نظرت لها إيلياء بتيه/ اه .. طيب
/ يلا وقعي ، الرجال بيستنو برا !
ارتجفت يدها و قالت/ انا مش فاهمة !! كيف يعني .. يعني رح يصير زوجي ؟
تنهدت زوجة عمها بعدم صبر/ الك ساعة متنّحة بهالورق!!
ازا ما بدك تتزوجيه ، رح احكي لعمك و همه يتسهّلو ع قريتهم
قالت بتردد/ وانا ؟
/ وانتي بتضلي هون طبعا !
ابتلعت ريقها بتوتر/ وازا تزوجتو ؟ رح اروح معو ؟
/ يوم المُنى !! انا مش عارف هاد يوسف ايش عجبو فيكي حتى يتزوجك
مليان بنات اكبر منك و مناسبات لعمرو
رمقتها بنظرة حزينة ، فعلا لماذا تزوجها !!
بللت شفتيها و قالت/ ازا رح ارجع ع القرية ... بتزوجو ليه لا !
وقعت بتردد..
فسحبت زوجة عمها الدفتر من يدها و قالت/ كنت ما رح أزغردلك ..
بس عرفتيني ما بعرف أكبت حالي
شهقت إيلياء حين زغردت زوجة عمها بفرح زغرودة طويلة
قفزت بقهر/ مرة عموووو الله يوفقك فضحتينااا خلص !
توقفت زوجة عمها و قالت/ ليييه فضحتك ؟ متزوجة ع سنة الله و رسوله
قالت بتوتر/ مع هيك ... هاي زواجة غفلة اسمها!
أمالت زوجة عمها فمها بملل/ اسمعيني ، لازم تحكي معو عشان مؤيد فاهمتيني ؟
الله يخليكي قلبي محرووق عليه ، ما تشوفيني باردة بس من جوا الله يعلم شو فيي
صحيح غضبت عليه عشانو عمل هالعملة بس بضل ابني
اومأت/ بحاول .. بس ما بوعدك لانو الشيخ عصبي بهالأمور
/ الله يقدم الي فيه الخير
حين خرجت من الغرفة ، فركت إيلياء يديها بغصة/ هيك آخرتك ست إيليا !!
تنزلي ع ضرة ! تكوني زوجة تانية ؟
الله يصلحك يااا عمي ضروري توافق تزوجني لأبوو زفت ( أبو عقاب ) !
كان ما صار اشي من هاد كلو !
يااااا ويلي شو اعمل هلا ؟
حدقت قليلا باللاشيء و همست/ اكيد رح يطلقني !
اااه رح ياخدني من هون ع المحكمة و يطلقني !
ما رح يضل متزوج وحدة اصغر منو ب سنيييين !
شكلو مكتوووب علي اتزوج شايب ! يا ابو عقاب ياا هاد
بس يلا بضل الشيخ احسن من ابو زفت !
حين عادت زوجة عمها وجدتها تتكلم مع نفسها فأدارت عينيها/ تزوجتي من هون و انجنيتي من هوون ؟
إيلياء بغصة/ انتووو جننتووني ! من وين طلعتولي بأبو عقاب هاد اااه ؟
لولاكم ما كان صار الي صار !
/ ششششش لا يسمعك عمك و يقيم قيامتك.. احمدي ربك إنو الشيخ يوسف أجا و لا كان هلا بتنزفي لبيتو !
تنهدت بغصة/ إيييه انتو اعملو العمايل و لزقوهن بضهري !
تزفووني ع القبر ان شاا الله !
أساسا تبهدلت بما فيه الكفاية
/ طيب خدي نفس و امشي قدامي بلا حكي فاضي
/ ووييين امشي ؟ خيير ؟
/ عند خطيبك ! بدو يشوفك ..
أنت تقرأ
اللهيبُ في عينيه/مكتملة
Romanceتواجه نظراته الملتهبة بغضب .. تفاحة آدم التي تصعد صعودا و هبوطا .. ولكنها لم تهتم لكلّ هذا .. مع أنّ غضبه لن يرحمها ، و استفزته بشكل جنوني !! و لكنها أيضا معها كلّ الحق !! قال وهو يتقدم منها بخطوات بطيئة بتهديد/ انتي ملكي !! و املاكي ما بقبل أبداً أ...
