اللهيبُ في عينيه/مكتملة

جرح آخر، "راجعلك"

فتحت عينيها ونظرت حولها لترى يامن النائم بجانبها على السرير، والغرفة فارغة.
وقفت بسرعة وهي تنظر للساعة التي تشير للثامنة صباحاً.
خرجت ببطئ كي لا توقظه وهي تدور بالمنزل بحثاً عن يوسف ولم تجده...

نظرت للأعلى بتردد وصعدت ببطئ.
وصلت للغرفة وفتحتها ولكنها لم تفتح...

استدارت ونزلت السّلم، كيف ستعرف ماذا جرى بالحريق؟
هي حتى لا تمتلك هاتفاً.
ارتدت ملابسها بسرعة ورأت يامن يتحرك بتململ ويفتح عينيه..
اقتربت منه/ تعال يامن نروح عند تيتا؟
جلس وهو يفرك عينيه/ وين بابا؟
اقتربت منه بابتسامة/ بابا بالشغل، نروح نشوفو؟

يامن بنعاس/ طيب... ليه انتي جيتي على بيتنا؟
اختفت ابتسامتها وقالت/ حبيبي يعني... ما بدك ياني آجي هون؟
يامن/ امبلا بس ماما ما كانت تحب الناس ييجو على بيتنا.. لما اجيب عبدالله عشان العب معو كانت تبهدلني.
مسحت على شعره المبعثر ترتبه/ بالعكس يموون. هاد بيت الشييخ ابوك يعني لازم يكون مفتوح للجميع وبأي وقت، واهلا وسهلا بكل الي بيجوو.. صح؟
اومأ بخجل وتمتم/ طيب بس ترجع ماما قوليلها
حبست دموعها وهي تعانقه، فانفجر هو بالبكاء أيضاً/ لي لي انا اشتقتلها كتييير.. متى بدها تيجي؟
بابا حكالي انها بعيييدة... وتيتا جميلة حكتلي انها ببيتنا بس ما في حدا...
إيلياء/ حبيبي يامن ماما بتحبك كتير وحكتلي انا أضل معك، ما بدك ياني؟
اومأ/ امبلا بدي ياكي انتي بتعرفي تلعبي معي أحسن. وانا لما أنام بحلم فيها كثير، بس لما أصحا بترووح
حملته ووقفت تتجه للحمام/ طيب اسمع... شو رأيك نروح نزور بابا بالأرض؟ بعدين بنروح عند تيتا فاطمة تمام؟
اومأ/ تمام
بعد أن أنهت استحمامه نظفته جيداً وألبسته ملابس للخروج، عطّرته من عطر والده الثقيل وفرح كثيرا/ هيك انا صرت مثل بابا؟
اومأت بسعادة/ اه حبيبي انت صرت شيييخ
يامن/ عمو ليث دائماً بحكيلي الشيخ الصغير
قرصت خدوده بعشق/ يااا عمرري عالشيييخ الصغير انت!!

أمسكت بيده بعد أن ارتدت ملابسها وخرجت من المنزل تمشي نحو الشارع الرئيسي مبتعدة عن الفيلل.
يامن/ انتي بدك تروحي معي عند بابا؟
إيلياء/ ايوووة
يامن عبس/ بس ما بصير لانو انتي بنت! ممنوع تروحي ع مكان فيه شباب هيك حكا بابا
إيلياء تمتمت دون أن يسمعها/ رح أشنقو أبوك انا اصبر علي!
ثم قالت/ حبيبي يامن ما ترد ع ابوك.. هاي العادات ماتت من زمان سيدي! هلأ المرأة الها دور بالمجتمع وطالما إنها لابسة لبس اسلامي وما في شي ظاهر منها عادي تمشي بالشارع يعني!!
هاد صراحة ابوووك بضل قرووي حامل افكارهم مهما قرأ كتب!!
يامن لم يفهم/بس وئام حكتلي ما بصير لانو بابا بعصب
إيلياء/ ايه خلييه يعصب اساسا انا بدي ياه يعصب!! رح أحس بإنجاز اذا حركت مشاعرو الجليدية الي جواتو!!

نظرت حولها وأمالت فمها/ انت حافظ الطريق؟
يامن بحماس/ اه اه...

شدّها من يدها وركض بخطواتٍ متباعدة/ سامر حكالي لما تطلع من بيتكم روح على الأرض الكبيرة دائماً بابا فيها.