"ကမ္ဘာ...လွှတ်..."
"..."
အလုပ်လုပ်ရာ Company ရဲ့ Canteen မှာကတည်းကဆက်တိုက်လက်ကိုဆွဲလာတာကားနားရောက်သည်အထိ...တစ်လမ်းလုံးဘယ်လောက်ရုန်းရုန်းလွှတ်မပေးဘဲကားပေါ်အတင်းတက်ခိုင်းနေပြန်တာကြောင့်လက်ကိုအားကုန်လွှဲလိုက်မိသည်အထိလွတ်ထွက်ခွင့်မပေးသေး...
"ခဏဖြစ်ဖြစ်လွှတ်ပေး..."
"ကားပေါ်အရင်တက်..."
မတတ်နိုင်ဘူး...တစ်ရုံးလုံးရဲ့ထူးဆန်းသလိုအကြည့်တွေနဲ့တင်တော်တော်ရှက်နေပြီ...ထပ်ပြီးကလန်ကဆန်လုပ်ရင်ဒီထက်ပိုအရှက်ကွဲဖို့ပဲရှိတော့မို့သူ့အမိန့်ကိုသာနာခံရတော့သည်...ကိုယ်ကားပေါ်ရောက်နေတာသေချာတာတောင်သူကိုယ်တိုင်ခါးပတ်ပတ်ပေးနေတာကြောင့်...မမြင်ရတာကြာပြီဖြစ်တဲ့သူ့မျက်နှာလေးကိုအနီးကပ်ပြန်မြင်ခွင့်ရတဲ့အခိုက်အတန့်...အသစ်တစ်ဖန်ဆန်းသစ်လာတဲ့ရင်ခုန်သံတွေ...တင်းထားတဲ့သူ့မျက်နှာအနေအထားအရအခြေအနေမကောင်းတာသေချာတာမို့စကားတစ်ခွန်းမှမဟပဲအသာလိုက်လာရသည်...ဦးတည်ရာလမ်းကြောင်းတွေကိုအကဲခတ်မိတော့သူ့တိုက်ခန်းဆီသွားနေတာများလားဆိုတဲ့အတွေးကဆင်းဆိုတဲ့အမိန့်အောက်မှာသေချာသွားခဲ့သည်...
"ပြောပြ..."
"..."
"ဘာတွေဖြစ်နေတာလဲ...ဘာအကြောင်းတွေကြောင့်လမ်းခွဲဖို့ပြောတာလဲ...ကိုယ်အကုန်သိချင်တယ်..."
"ဒီအတိုင်း...ဒီတိုင်းပဲ...ကျွန်တော်ခင်ဗျားကိုရင်မခုန်တော့လို့..."
အခုမှဖွင့်ထားတဲ့ Aircon ကအရှိန်မရသေးတာကြောင့်လား...ရင်ဘတ်ထဲကမပါတဲ့စကားတွေကိုလိမ်ညာပြောဆိုနေရလို့လား...လိုတာထပ်ပိုချွေးထွက်နေတဲ့ကိုယ့်ကိုယ်ကိုဟန်မပျက်အောင်ထိန်းနေရသည်...
"ကိုယ့်ကိုမညာနဲ့ပင်း..."
"..."
ရေခဲသေတ္တာထဲကရေတစ်ဗူးကိုသွားထုတ်လာရင်းမျက်နှာချင်းဆိုင်ထိုင်ခုံမှာဝင်ထိုင်ကာစကားပြောလိုက်ပုံကသိပ်ကိုအေးစက်နေသည်...ခင်ဗျားကျွန်တော့်ကိုနာကျည်းအောင်ဘယ်လိုလုပ်သင့်လဲ ကမ္ဘာရာ...
