"ပြီးတော့တာလား..."
နှစ်ယောက်စုံညီစားနေတဲ့ညနေစာဝိုင်းမှာဇွန်းခက်ရင်းကိုအသာချလို့ရေခွက်ကောက်ကိုင်လိုက်တာနဲ့မကုန်သေးတဲ့ကိုယ့်ထမင်းပန်းကန်ကိုငေးရင်းစိုးရိမ်တကြီးပင်းဆီကထွက်လာတဲ့အသံ...
"ကိုယ်နေ့လည်စာစားထားတာနောက်ကျလို့...ဗိုက်လည်းသိပ်မဆာလို့ပါ..."
"..."
"အစကတည်းကကုန်နိုင်သလောက်ပဲထည့်စားပါလားလို့မဆူတော့ဘူးလား..."
ထမင်းကိုကိုယ်စားနိုင်တာထက်လျော့ပြီးထည့်ထားပေးတတ်တဲ့ပင်းအကျင့်ကထမင်းတွေအလကားမဖြစ်စေဖို့...ဘယ်မှာပဲဘာစားစားကိုယ်မှာတာအကုန်စားရမယ်ဆိုတဲ့အသိကပင်းဆုံးမထားခြင်းဖြစ်ပြီးအခုလိုထမင်းမကုန်ခြင်းကပင်းဆီကဆူသံကိုအလိုအလျောက်မျှော်လင့်စေသည်...
"သိနေရက်နဲ့...ထပ်ကြားချင်သေးတာလား..."
ကိုယ့်မှာစားစရာတွေပေါများနေပေမဲ့ကမ္ဘာကြီးရဲ့အချို့ဒေသတွေမှာအငတ်ဘေးဆိုက်ရောက်နေကြောင်း...သူတို့ကိုကိုယ်ချင်းစာသောအားဖြင့်ကိုယ်ဟာလွယ်လင့်တကူရတဲ့အစားအစာတွေကိုမဖြုန်းတီးသင့်ကြောင်းပင်းနားသွင်းတုန်းကအံ့သြခဲ့ရသည်...သူငယ်ချင်းအပေါင်းအသင်းတွေနဲ့စားသောက်ဆိုင်ထိုင်ရင်ဖြစ်ဖြစ် အိမ်မှာထမင်းစားရင်ဖြစ်ဖြစ်အမြဲမကုန်လေ့ရှိသူကအဲဒီကျမှပြောင်းလဲတတ်ခဲ့တာ...မိဘတွေရဲ့ကြိုးပမ်းမှုနဲ့အလွယ်တကူရနေတဲ့အရာတွေကိုတန်ဖိုးထားဖို့အသိတရားမဝင်သေးချိန် အရည်ကြည်တွေအိုင်နေတဲ့ပင်းမျက်ဝန်းတွေနဲ့ဒေါသသံအနည်းငယ်စွက်ကာထမင်းစားနေရင်းထဆူကတည်းကကိုယ်နောင်တရခဲ့တာအခုချိန်ထိ...ပင်းဘဝမှာလွတ်ခဲ့ရတဲ့နေ့စာညစာတွေဘယ်လောက်များခဲ့လိုက်လေမလဲ...
"စတာပါကွာ...ဒီတစ်ခါတော့ကိုယ့်ကိုခွင့်လွှတ်နော်..."
သိပြီးသားအကြောင်းအရာကိုပြန်မေးရကောင်းလားဆိုတဲ့အကြည့်နဲ့မျက်နှာချင်းဆိုင်နေရတာမို့သူ့ပါးနုနုကိုခပ်ဖွဖွဖျစ်ညစ်ရင်းတောင်းပန်တော့မျက်စောင်းပါထိုးလာသည်...
"ငယ့်ကိုချစ်တယ်..."
သည်းမခံနိုင်တဲ့အဆုံးထိုင်ခုံမှခဏထလို့သူ့နားနားကပ်ကာခပ်တိုးတိုးပြောပြီးမသိသလိုပြန်ထိုင်နေလိုက်သည်...ခပ်ပြုံးပြုံးနဲ့ထမင်းစားမပျက်တဲ့ပါရမီဖြည့်ဖက်ကိုထိုင်ကြည့်နေရခြင်းဟာလောကနိဗ္ဗာန်ပါ...
.
.
.
.
.
"Sexual Harassment ကမိန်းကလေးတွေတင်မှာမှဖြစ်တာမဟုတ်ဘူးလေ...ကမ္ဘာ..."
