جلس خالد الجهري خلف مكتبه في عيادته الطبيه الفخمه يحرك الكرسي الذي يجلس عليه يمينا ويسارا ينظر في نقطة ما في الفراغ ولكن عقله يعمل علي وضع الخطط لخطواته القادمه ..
دق هاتفه فالتقطه سريعا واضعا اياه علي اذنه دون ان ينبث ببنت شفه
الطرف الاخر بنبرة واثقه :
_ سارة صابر الاسيوطي سافرت تكمل دراستها في بعثه لجامعه لوس انجلوس
أغلق خالد الخط وتطلع لتلك الصورة التي في يده "صورة سارة " كان قد اقتصها من صورتها مع الرئيس اثناء الإحتفال وابتسم ابتسامه شيطانيه .. عبث خالد في هاتفه قليلا قبل ان يضع الهاتف علي اذنه
خالد بنبرة قاتمه محدثا الطرف الاخر :
_ أول طيارة طالعه علي لوس انجلوس امتي !
الطرف الاخر بهدوء :
_ ثواني حضرتك ..... اول طيارة علي لوس انجلوس بكره الساعه 8 بليل
خالد بضحكه شيطانيه :
_ احجزلي اول اسم فيها
أغلق خالد الخط وارجع ظهره للخلف وهو يصفر ويدور بالكرسي متخيلا سارة بين احضانه ومعه
وفجأة اقتحم مكتبه مديره مكتبه السابقه التي ما أن رأها امتعض وجهه ..
خالد بملامح ممتعضه غاضبا:
_ فيه إيه !؟ حد يدخل علي حد بالطريقه دي
السكرتيرة نبرة مرتعده :
_ انا أسفه يادكتور ..هي دخلت وما استنتش لما ابلغ حضرتك
خالد محذرا :
_ خلاص اتفضلي .. وده ما يتكررش تاني سامعه ! مش سوق هو عشان اي حد يدخل بالطريقه دي
السكرتيرة وهي تخرج ببطأ وتغلق الباب :
_ حاضر يادكتور
خالد بنظرات متأففه قائلا ببرود :
_ خير ياهويدا !.. عاوزة ايه تاني !!
هويدا بنبرة مرتفعه من الغضب :
_ تاني ! أنا عاوزة اعرف انت فاكرني ايه بالظبط !!
خالد بهدوء مستفز :
_ وضحي كلامك وياريت تنجزي عشان انا مش فاضي
هويدا بغضب من هدوئه المستفز :
_ عاوزة اقولك اني حامل في الشهر التالت منك ولازم نتجوز في أقرب وقت قبل ما بطني تبان
خالد مهددا بنبره تحمل الوعيد :
_ نعم ياروح امك ! حامل ومني ! وانا بقا ايه اللي يثبتلي انه مني ؟ وبعدين انتي عارفه اني مش بتاع جواز وانا ما ضربتكيش علي ايدك ها فالعبي غيرها يا قطه !
هويدا بصدمه فاغرة فمها :
_ من مين يعني ايه مش فيه بيننا ورقتين عرفي .. ولازم تتجوزني رسمي عشان انا كده هتفضح وتفدر تعمل تحليل تتأكد انه ابنك
خالد ضاحكا باستهزاء :
_ تحاليل ايه ياقطه التحاليل دي احنا اللي بنعملها .. واظن ان كل حاجه حصلت بيننا انتي قبضتي تمنها إنما تقوليلي خلفه وجواز لا انا كده ازعل .. وانا زعلي وحشششش
هويدا دامعه :
_ أفهم ايه من كلامك ده ياخالد !!
خالد وهو يدور بالكرسي مبتسما :
_ أعلي ما في خيلك اركبيه .. بس خدي بالك الخيل غلط علي الحوامل هه 😉 مش خالد الجهري اللي يتلوي دراعه هه
أنت تقرأ
أنتِ قبلتي
Romanceقد يبدو الأمر في البدايه انحراف نحو المجهول ضللت الطريق وشعرت بالتخبط والتوهااان فظهرت كالسراب في الجانب الاخر من الطريق وكلما أقتربت شعرت بضوئها المميز نعم هي الضوء الذي أشرق حياتي قبل الضلال التام فكانت كطوق النجاة الذي أخذ بيدي إلي القبله الت...
