مشاعر

كرهوني و اني مو سبب

الفصل الثالث:
رحنه البيت جدي المتكون من بيبي و خالي عمار حبيبي
الي چنت أعتقده أبوية و أصيحله بابا مثل بناته الأثنين تقى و غنى ..
عندي خالة وحدة متزوجة و گاعدة بديالى يم اعياله ..
و ابوية بعد ماسأل علينا و راح على خالي و تعارك وياه و ماكو فايدة ..
حتى بيبيتي القاسية و عماتي تخبلوا عليه بس ميفيد مرته ماكلة عقلة و لا مصرف أبد ناسينه للتالي..
و أمي جانت بس تبجي و حزينة و بيوم وي آذان الفجر ظلت اتعيط و اخذها خالي و مرته للمستشفى و جابتني للدنيا ...
و اجه خالي و گله شنسميها گالتله حُزن
أكو بنوته بهالجمال و تسميها هيج اسم
اي اكو الي من يوم حملت بيها بس حزن لازم هيج تتسمى
طبعا اني اجيت للدنيا بيضة و شگره و عيوني كبار و صفرة و بقيت ما تغيرت من كبرت بالعكس كلما أكبر أحلى ...
و الكل جانوا يحبوني و يعتبروني ضحية ...
و اخوية أضطر يشتغل و هو صغير لأن خالي ميلحگ على البيت وحده ..
ليهسة اتذكر جانت ماما قاسية وياية بس من أنام جانت تجي تبوسني و أحس دموعه تنزل على وجهي و ابقى اسوي نفسي نايمة حتى تبقى يمي و تلعب بشعري و احس بحنانها ..
بس مجنت ادري ليش هيج امي ويايه ..
و طبعا بهاي الاثناء ابوية اجته بنت مثلي سماها زينب..
بنفس سنة ولادتي بس بنهايته ..
و اجاله ولد حسن بس معوق خطية ميشوف و عقله مو زين ١٩٩٢
و اجاله ولد عبدلله ١٩٩٤ ... و ما صدك فأبد ما تذكرنه
و بقينه ابيت جدي بين مد و جزر ..
و فد يوم ابيت أبوية بالناصرية اختي زينب جان هو يصلح بالمبردة و هي عمرها خمس سنوات و ايدها امبللة و علكتها و اتكهربت و اجه ابوية عليها بس ما لحكلها
و ماتت اخر يوم رمضان و بقى حزين عليها كلش و بهاي الايام الصعبه عليه اجوي عماتي عليه و گالوله هاي حوبت زوجتك و جهالك العايفهم و مشايفهم صار كومة و سجلوني مدرسة ١٩٩٥ لان اني انولدت بشهر الواحد...
لحد ما فد يوم اندكت الباب موقف للموت ما انساه جنت هستوني متسجلة مدرسة و فرحانة بروحي يوم جمعة عطلة و رحت ركض فتحت الباب شفت رجال ضخم اسمر ايده كبار
كلي شلونج يا حلوة ... تكدرين تصيحيلي بابا ..
رحت ركض على خالي و صحته بابا بابا واحد بره عليك..
و رجعت العب بالحديقة
طلع خالي كله هلا ابوحسين شلونك؟؟
كله الرجال... هاي منين الشگرة الحلوة بنتك ؟؟؟
خالي جاوبه كله هاي حزن بنتك العفته و هي ابطن امه

و للقصة امل بالحياة...