مشاعر

احتلال بغداد

الفصل الثامن:

أروح ركض و أشوف سعودي امحاول يطلع من الحجلة وواكع على لثته حبيبي
و أجه أبو طيب ها شبيه الولد؟
خرب بحظج متفهميني شبيج يعني شنو أسويلج حتى تصيرين خوش مرة و تبطلين صفناتج و تنتبهين على جهالج الله أكبر عليج كافي عاد كافييي
و آني أبجي و أمسح اب سعودي : الله يخليك كافي يعني طفل بالحجلة شسويله اني
إنتبهي عليه يا مرة خبلتيني و الله
و لبس و طلع و ركع الباب بقوة
و بقيت أبجي و أستغفر و أقوي نفسي ( كافي حزن صيري قوية ديربالج تضعفين و ترجعين تدعين على نفسج .. حزن وين يروحون ولدج شفتي روحج بلا أب شصار بيج الي بلا أم شلون؟)
و سكتت و مسحت دموعي ..
سويت ممه ال سعودي ...
صعدت فوك جانت بالستة العصر و بداية شهر الدعش شوية يصير الجو طيب بعراقنه الملتهب ..
و خليته بحضني يشرب بالممه و باوعت للسمه و حجيت وياها..
اه يا سمه شكد صافية اتمنى قلبي يصير مثلج و أرتاح تعبت و أحس قلبي أسود شلون من تغيب الشمس عنج ..
رجعت ليورة بال ١_٤_٢٠٠٣ بالحرب الاخيرة شصار بينا و كمنا طلعنه رحنه البيت جدي بالحلة احنه و بيت عمتي أم أحمد و بيت عمتي الثانية أم أنمار ما اكلكم أيام سودة بقينه اهناك كلنه و رغم الظروف و الأخبار الي نسمعها
بس جنه فرحانين بلمتنه و أبد ما انسى يوم ٩_٤_٢٠٠٣ اليوم الاسود الي كالو بيه سقطت بغداد كلنا ظلينه نبجي و مامصدكين و كلبنه نار و زوج عمتي عمو أبو أحمد كال:
خلي نرجع بعد ميفيد بقائنا و جان نسمع بعد كم يوم  صار فرهود و أنكلبت الدنيا و ظل يكول زوج عمتي
هاهية راح العراق دخل الحرام بحلوكنه بعد متصير النه جاره
و زوج عمتي الثانية عمو أبو أنمار يكله لا أنتظر شوف الخير الي راح يصير أنت شنو تحجي نظرتك تشائمية أبو أحمد
 و بقينه ناس تجر طول و ناس عرض و قرر عمي لازم نرجع تروح تصير ابيوتنه فرهود و فعلا رجعنه و متشوفون الشوارع شلون كل واحد من العالم شايل بيده شى من دوائر الدولة لو مراكز الشرطة لو الفرق الحزبية و عمي يبجي ..
كلنا نبجي وياه على الضيم و القهر لا و فرحانين ديبوكون نفسهم و الجندي الامريكي واگف يباوع عليهم و يضحك..
بضحكته شفت كل الشر الي راح يجينه
و رجعنه و بقينه ببيوتنه ما طلعنه و ناكل هالموجود يوم تمن أحمر يوم تمن عدس يوم تشريب باكله بالدهن هالموجود بس انريد تنشال هاي الغيمة السودة عنه ...
و رجعنه شوية أحسن علوا الرواتب نزلو بالسوك كلشي البضائع كامت تجي من كل مكان و كلشي كمنه انشوف بيها و رجعونه للدوام و جانت نهاية السنة مال ثاني متوسط
و نجحونه كلنه حتى نعمة جانت أول كلية آداب همين نجحوها و رجعنه عطلة و أخذت كتب من جيرانه مال ثالث متوسط و ظلينه نقره آني و دلو و أخوية رجع يشتغل بالتريلة بين الأردن و سوريا و العراق ..
و الحمدلله مشت الأمور و محتاجينه مدرسين آني و دلو و أحنه بنص السنة كملنه آخر إمتحان و رجعت بغرفتنه و جان أسمع هلاهل ركع .. نزلت ركض و جان أسأل
شكو شكو خير ؟؟
كالت أمي وج حسين يريد يخطب حبيبي و شوفي المن أختار آني ضحكت
كتلها أدري منو أختار !! دلو غير ؟؟
كالت أمي وج انتِ شمدريج ؟؟
هههههه أدري ماما أعرف و حسين خجل كلي لج كافي و خله ايده على رگبتي
و راحوا و طلبوه من بيت عمتي و كيفت عمتي و تم موضوعهم ..
بيوم خطوبتهم أجتي همسة و رحنا كلنه للصالون و جانت أول مرة أخلي مكياج و أجرنه بدلات لبست بدلة وردي غامق و بيها بقعة نيلي على الصدر و ضيقة و تنزل لحد الركبة و آني بيضة ثلج والأوردة بإيدي تلالي
شعري سرح مسويتله شئ امغطي ظهري و أطول بعد لونه أسود و لبست قلادة على الرقبة عريضة ذهبية و تراچي ذهبية طويلة و عيوني واسعة عسلية ..
آني قصيرة بس ضعيفة و حلوة و الملابس آني احليها ..
من رجعت كلها تخبلت عليه و دلو حبيبتي جانت تخبل أحلى أخت و صديقة و بنت عمة و تم كلشي و دخل حسين علينه و لبسوا الحلقات و الذهب كله و ركع الهلاهل و ركصنا كومة مامصدكين نفرح و رادوا مي رحت للمطبخ وجان أشوف أحمد كاعد على كرسي
ردت أرجع بعدين كلت وي نفسي هو بيتنه على شنو راجعة رأسا أجيت على المجمدة دا أطلع المي..
أجه هو كلي أساعدج طلع المي رفع عينه و شافني...👀
اللهم صل على الحبيب محمد شنو هاي الخلقة والجمال انتِ ملاك؟
ههههه أي اعرف 😊 و نزلت من السماء أركص شوية بخطوبة أختك...
ههههه لا و الله طالعة كلش حلوة زوزاية
شنو؟ حلو هذا الدلع وين لكيته؟
ما أعرف هسة طلع على غفله...
ههههه ديلا خلي اخذ المي ...

و للقصة فصول من الحب....